النجده .........أرجوا المساعده أنا بورطه ياخوان

[لندن]

نعم أريد المساعده منكم ياشباب أخذت من الحجيه الوالده الله يطول بعمرها ويخلي أمهاتكم عشر ألاف دينار وشتريت لها أسهم والحين بسبب نزول البورصه بسراحه فلوسها جدام عيني تخسر والمسكينه أذا سألتني أستحي وأقول لها تمام ألحين مادري شسوي أصارحها ولا أبيع وأوقف الخساره ولا أخلها سكاتي

 

[بوزييز]

الله يكون بعونك والله انا اقول لازم تقولها بان السوق نازل وراح يتعدل بس يبيله شوية صبر

 

[بوسعود66666]

وانا بعد معاك اشوف افلوسى قاعده اتبخر ياليت احد يفيدنا انبيع بكره ولا شنو نسوى ارجو النجده من الاخوان

 

[مضارب 2]

نعم أريد المساعده منكم ياشباب أخذت من الحجيه الوالده الله يطول بعمرها ويخلي أمهاتكم عشر ألاف دينار وشتريت لها أسهم والحين بسبب نزول البورصه بسراحه فلوسها جدام عيني تخسر والمسكينه أذا سألتني أستحي وأقول لها تمام ألحين مادري شسوي أصارحها ولا أبيع وأوقف الخساره ولا أخلها سكاتي

سلام عليكم


اخي العزيز بالاول الله يكون في عونك وعوننا وعون الجميع...


ثانيا شنو السهم الي انت ماخذه وعلى جم علشان اقدر ارد عليك يا بالبيع او وقف الخسارة ؟؟؟؟


ودمتم...

 

[بوزييز]

والله انا عن نفسي فلوسي بالسوق قبل الانهيار كانت 45 الف دينار والحين الله المستعان . بس مااقدر ابيع لان الخساره جايده شوي وراح اصبر والله مع الصابرين ان شاء الله​

 

[Believer]

نعم أريد المساعده منكم ياشباب أخذت من الحجيه الوالده الله يطول بعمرها ويخلي أمهاتكم عشر ألاف دينار وشتريت لها أسهم والحين بسبب نزول البورصه بسراحه فلوسها جدام عيني تخسر والمسكينه أذا سألتني أستحي وأقول لها تمام ألحين مادري شسوي أصارحها ولا أبيع وأوقف الخساره ولا أخلها سكاتي

الله يهون عليك ... بس قولي شنو الأسهم اللي عندك؟ وهل بعت واللا لسا؟ وكم مقدار الخساره للحين ؟ وإن شاء الله أقدملك نصيحه على حسب وضعك ...

 

[alshammery]

المفروض يا اخى تبلغ اى شخص ودة يستثمر فلوسة فى البورصة عن طريق الاخرين ان هذا سوق اسهم معرض للتغيرات السلبية والايجابية وانك ستتجهد فى التعامل مع احوال السوق ومن سوء الحظ ان يشترى المتداول اسهم تضخمت اسعارها ومن ثم يحصل تصحيح بسيط او شديد ...بعدين انت لم تذكر الاسهم اللى شريتها حتى ينصحك الاخرين فاذا كانت من الاسهم التى انتفخت عليك الصبر ...

 

[بوسعود66666]

سلام عليكم


اخي العزيز بالاول الله يكون في عونك وعوننا وعون الجميع...


ثانيا شنو السهم الي انت ماخذه وعلى جم علشان اقدر ارد عليك يا بالبيع او وقف الخسارة ؟؟؟؟


ودمتم...

شنو السالفه ناس وناس يعنى حتى انا خسران

 

[مضارب 2]

شنو السالفه ناس وناس يعنى حتى انا خسران

يه ما طلبت شئ عيووووووووووني لك يا بوسعود تامر انت..

بس على فكرة انا هم متعلق بالقرقور بس قرقور عن قرقور يختلف في قرقور يموت من اليوع وفي قرقور اخر يشبعك في النهاية يعني تحصلك بالوله لايثه وياك بالقرقور او سبيطي عمي او بطان يمشي الحال....:d

 

[لندن]

سلام عليكم


اخي العزيز بالاول الله يكون في عونك وعوننا وعون الجميع...


ثانيا شنو السهم الي انت ماخذه وعلى جم علشان اقدر ارد عليك يا بالبيع او وقف الخسارة ؟؟؟؟


ودمتم...

أخوي مضارب2 أخذت جراند أذا تذكر ثاني مره تحرك 400 فلس

 

[Believer]

يه ما طلبت شئ عيووووووووووني لك يا بوسعود تامر انت..

بس على فكرة انا هم متعلق بالقرقور بس قرقور عن قرقور يختلف في قرقور يموت من اليوع وفي قرقور اخر يشبعك في النهاية يعني تحصلك بالوله لايثه وياك بالقرقور او سبيطي عمي او بطان يمشي الحال....:d

الحمدلله أنا من يوم الثلاثاء الماضي سيلت المحفظه كلها تقريبا والأسهم اللي عندي الحمدلله ما نزلت غير 3 حركات خلال التصحيح ما شكلت 2% خساره على رأس المال كله، وعيني على سهم ناطر حتى يهدأ السوق عشان أصيده ....

 

[عقاب]

نعم أريد المساعده منكم ياشباب أخذت من الحجيه الوالده الله يطول بعمرها ويخلي أمهاتكم عشر ألاف دينار وشتريت لها أسهم والحين بسبب نزول البورصه بسراحه فلوسها جدام عيني تخسر والمسكينه أذا سألتني أستحي وأقول لها تمام ألحين مادري شسوي أصارحها ولا أبيع وأوقف الخساره ولا أخلها سكاتي

شنو الاسهم الي ماخذهم

 

[لندن]

شنو الاسهم الي ماخذهم

أخوي جراند 400فلس

 

[مضارب 2]

أخوي مضارب2 أخذت جراند أذا تذكر ثاني مره تحرك 400 فلس

شوف حبيبي من واقع تجربتي اذا انت ماخذ جراند على 400 فلس اتوقع ما خذ وحدتين عدل يعني اليوم خسارتك بحديد 800 دينار فيا انك تبيع باجر على 360 او 350 وحسب عرض وطلب السوق وتوقف خسارتك وترد تاخذه بعدين من تحت وتعوض خسارتك بعد الاطمأنان بتوقف التصحيح وبداية دورة جديدة للسوق او تنتظر تشوف شنو يسير هالاسبوع وانا بصراحة ما انصحك على الحل الثاني والسبب من واقع تجربة انا صارت وياي العام وخسرت بحدود 4000 الاف دينار وكنت اقول اليوم وباجر ونزل السهم لمن خسرت المبلغ المذكور ..

وعلى فكرة ارباح جراند النصف الاول 11,408,108 مليون , و 5,208,355 غير محقق ...


وتوزيعته في 2006



10 % نقدري و20 % منحة يعني مو ذاك الزود وانت حر في مالك اخي العزيز .....


ودمتم...

 

[Believer]

أخوي مضارب2 أخذت جراند أذا تذكر ثاني مره تحرك 400 فلس

إذا هذا سهمك وهذا سعرك فلا تخاف، إن شاء الله ما عليك إلا العافية ... السهم من الناحية الفنية عنده دعم عند 345 والهدف الأول 420 والثاني 440... ومن الناحية الأساسية فمكرر ربحية جيد جدا ويساوي 6.5 تقريبا .... يعني برأيي لا تبيع وانطر ... والقرار لك طبعا ...

 

[Master-Leo]

الله يخلي لك الوالده ويطول عمرها قول لها الصج انك ماربحت وان شاءالله تدعيلك كل يوم الله يوفقك وتربح بسهمك

 

[مضارب 2]

الحمدلله أنا من يوم الثلاثاء الماضي سيلت المحفظه كلها تقريبا والأسهم اللي عندي الحمدلله ما نزلت غير 3 حركات خلال التصحيح ما شكلت 2% خساره على رأس المال كله، وعيني على سهم ناطر حتى يهدأ السوق عشان أصيده ....

يه يامعود لا تنسانا علمنا عليه وعلى جم خل نعوض ولك الاجر والثواب...


طبعا بعد هدوء عاصفة

تسونامي ناسجت الكويت​

....

 

[Believer]

أخوي مضارب 2 ... صاحبنا على الأغلب ما هو مضارب حتى يعرف وقت الدخول والخروج المناسبين ... برأيي يفضل على سهمه وما يغير أحسن ما يتحرك بين الأسهم ويخسر أكثر ...

 

[Believer]

يه يامعود لا تنسانا علمنا عليه وعلى جم خل نعوض ولك الاجر والثواب...


طبعا بعد هدوء عاصفة

تسونامي ناسجت الكويت​

....

سهم الدار .... إن شاء الله اللي يدخله هذي الأيام ماراح يندم ، وأنا ناوي عليه آجل بإذن الله ... من الناحية الفنية هو عند الدعم ومن الناحية الأساسية فمكرر الربحية = 4.1 تقريبا ....

 

[مضارب 2]

أخوي مضارب 2 ... صاحبنا على الأغلب ما هو مضارب حتى يعرف وقت الدخول والخروج المناسبين ... برأيي يفضل على سهمه وما يغير أحسن ما يتحرك بين الأسهم ويخسر أكثر ...

كلامك عدل بس هم مو من صالحة يظل على سهم بالوقت الراهن والسوق كله في نزول فالافضل الخروج والتريث لفترة وبعدها لكل حادث حديث..