قصيدة فى حب الناقلات

[السور]

الحرامي مو مثل أول ..

كريه.. وإلاّ شيفه

ولا لازم .. تلقا في وجهه أثر

جرحٍٍ قديم

أو بعد.. ندبه خفيفه

الحرامي الحين ممكن لو تشوفه

من حلاته .. تقول :هاك

هاك كل اللي تبيه

بس أطالع بسمتك هذي الظريفه!!

أنا ما أقصد أبد عمي الخليفه!

***

الحرامي الحين تغير

وصار يواكب الحياة

صار ما يهتم للأشيا البسيطه

والفتات

صار يفكر

شلون يبوق الشركات؟!

شلون يسرق ناقلات؟!

شلون ينهب بورصه؟!

شلون يخلي الديره تمشي..

على كيفه؟!

أنا مو قصدي ترى.. عمي الخليفه!

***

الحرامي مو مثل أول يبوق

لنّه.. جايع!

الحرامي صار يظن البوق

من أحلى الطبايع

وإن مال الناس هذا

مال حلال

مال ضايع

لو ما لحَق أهو عليه

صار هذا المال .. فاسد

لا له شاري .. ولا بايع

واحنا مفروض نشكره

إن هو فكر يبوقه

ونشكر الفكره الحصيفه

أنا مو قصدي ترى.. عمي الخليفه!

***

الحرامي الحين يبوق..

من أجل الهوايه

مو لأن المجتمع

ما عطاه الحق يعيش

أو لأنه مالقى..

فالعيش وسيله

ولا غايه!!

أو لأنه شاف نفسه ..فجأه يائس

وشاف عمره يقترب نحو النهايه!

أبدا..

أهوَ ياسيدي يبوق

بس.. هوايه

أو أحيانا يظن..

إن هذا المجتمع كله غبي

وشي محزن له ..وجوده بينهم

فضروري يدفعون ..

شي أشبه "بالجبايه"!

وهَمّ ..لازم يدفعون

حق هالطلة البهية

والذرابه

والتهندم

والغتره البيضا النظيفه

أنا مو قصدي ترى.. عمي الخليفه!





منقول من منتدى سوق الكويت للعضو حاير طاير !!

 

[السور]

هذا دليل قاطع على ان قضاءنا عادل جدا !!

 

[ولد البورصه]

اهم شى القضاء ترى انظف ما فى البلد

وتعرفون ليش تحفظ القضيه
لانها سجلت قضيه بدون تاريخ
وهذا سبب حفظها

 

[اقتصاد77]

القصيده سخيفه .. تطعن بالقضاة
بسكم بلبله بسكم تحلطم مايهمكم الا الحجي
والكلام الفاضي ... اما عن كاتب القصيده
فهو نزه نفسه فوق القضاة اللذين نكن لهم حترام وتقدير

فارجو من المراقبينا الافاضل شطب هذه القصيده اللتي
تطعن بالقضاة ... وعذرا اخي السور نقلك كان مو فيه محله
بل ترويج وتحريض علني بطريقه غير مباشره على قضاة الكويت

 

[c200]

والحرااامي لوووووو يصووم ولووو يصلي لااالقااله سرقتن ناااداا رفيجه
والمصري يقوول (الماال الساايب يعلم السرأة)

 

[عصويد]

جنها من قصايد دعيج الخليفة..شب الليت طف الليتغير حبك مالقيت

 

[c200]

جنها من قصايد دعيج الخليفة..شب الليت طف الليتغير حبك مالقيت

هههههههههههههههههههههههههههههههاي ابك انت وين جبتهاا يعصويدههههههههههههههههههههههههههههاي

 

[boalons]

الله يعطيك العافيه

قصيده معبره

حسبي الله ونعم الوكيل