400 ألف دينار كلفة الحصول على بيت في الكويت...فمن يستطيع?

الحالة
موضوع مغلق
التسجيل
6 أغسطس 2007
المشاركات
4,127
الإقامة
الكويت
الاخوان اللى يقولون المطلاع /عريفجان /الوفرة بعيدة ترا كلها ماتعدى 50 كم ماهى بعيدة وراح تنحل غلاء الاراضى انا اداوم يوميا فى الخفجى وماهى بعيدة الا اذا كل واحد يبي عند امة هذا شىء ثانى
 

العوضى

عضو نشط
التسجيل
12 أكتوبر 2005
المشاركات
1,766
الاخوان اللى يقولون المطلاع /عريفجان /الوفرة بعيدة ترا كلها ماتعدى 50 كم ماهى بعيدة وراح تنحل غلاء الاراضى انا اداوم يوميا فى الخفجى وماهى بعيدة الا اذا كل واحد يبي عند امة هذا شىء ثانى

حاضرين يا الغالى , كلامك سليم ميه بالميه , و بهالمناسبه ترا اسعار الأراضى بخيران رخيصه مقارنه بالداخل , كافى على شارع واحد 80 الف بس وممكن السعر يزيد الى ميه وشوى حسب الموقع , يا بلاش , بس المشكله صعبه ارويك الموقع , لازم نطلع البر كشته وكل واحد يدور ارضه :d
 

al7mly

عضو نشط
التسجيل
27 يوليو 2007
المشاركات
1,364
الاخوان اللى يقولون المطلاع /عريفجان /الوفرة بعيدة ترا كلها ماتعدى 50 كم ماهى بعيدة وراح تنحل غلاء الاراضى انا اداوم يوميا فى الخفجى وماهى بعيدة الا اذا كل واحد يبي عند امة هذا شىء ثانى

اخوي بومحمد ..اذا انت متعود علي المسافات البعيده وكل يوم داش رالي مو ذنبنا ياخوي .... انت تقدر قوي الحين بس ان باجر عمرك صك الخمسين وين فيك شده تداوم لا تقيس الامور عليك الحين وانت بشبابك...خل باجر يطلعك بيت في البر واسكن ....لا خدمات وكل شي بعيد عنك ... ولو تلاحظ اني قلت مافيه مانع اذا كانت الخدمات موجوده في الصحراء ...يعني ابدوا بالخدمات اولا وبعدين المواطن .... واضرب لك مثال :ام الهيمان شوف جم اسعارها وقارن بينها وبين اسعار فهد الاحمد علي سبيل المثال فقط لا الحصر ...تلاقي بيت محدود شارع واحد اغلي من قسيمه موقع ثلاث شوارع وارتداد ..... ياخي خلك واقعي بكلامك .... وانت باجر اذا عطوك بيت بالمطلاع وتداوم بالخفجي راح تعرف الفرق...
 

ahmad2

عضو نشط
التسجيل
2 أكتوبر 2006
المشاركات
574
والله يااخواني الاعزاء انا اعتقد السبب في اصحاب القرار اللي اهم الحكومة والمجلس وتجار العقار . واظن انه هالمشكلة متعمدة ومايبون لها حل لانهم مستفيدين اذا وفروا لنا السكن ومشوا الطلبات الاسكانية المتراكمة منوا بيسكن شققهم .... اكيد اكثر من نص عماراتهم راح تفضى.وسعر العقار راح ينزل وهذا مو من صالح التجار طبعا.فتلاقيهم دائما يتحججون عدم توفر الاراضي او يدخلون بمتاهات مع البلدية او يقولون هذه الارض شركة النفط محتاجتها .....لكن شوف سرعتهم بالتنفيذ حق مشاريعهم اعطيكم مثال القسائم الصناعية اللي بالعارضية الزبدة مايبون يحلونها واخيرا اذا وفروا لك سكن من يقترض من بنوكهم لشراء سكن؟ الحمد لله على كل حال ولا حول ولا قوة الا بالله العلي العظيم


لقد أصبت كبد الحقيقة
 

azzd

عضو نشط
التسجيل
30 أكتوبر 2005
المشاركات
1,062
القسيمة أم 500 متر مربع بالصديق
والكلام مت ثقة بــ 270 الف دينار ؟؟؟!!!!
والبيع بلوك عشر قسايم !!!!
 

قسورة

عضو نشط
التسجيل
15 أكتوبر 2007
المشاركات
54
الموضوع الاساسي ان 400 الف تكلفه البيت بالكويت !!!!! موظف عنده 20 الف و راتب 1400 (كويتي وضعه زين) من وين يشتري بيت؟؟؟؟

انا عسكري بالجيش خدمتي 19 سنه
اسير بفترة الغزو
عندي 4 اطفال
راتبي 832 دينار
رصيدي الآن 278 دينار و لله الحمد

ادور بالجهراء بالعيون و سد بعد بيوت 300 متر
لقيت خرابه , البناء الحكومي سنة 85
كلها فوق 80 الف
يعني لازم اخذ قرض اقل شي 10 الاف دينار
 

العوضى

عضو نشط
التسجيل
12 أكتوبر 2005
المشاركات
1,766
اخوي بومحمد ..اذا انت متعود علي المسافات البعيده وكل يوم داش رالي مو ذنبنا ياخوي .... انت تقدر قوي الحين بس ان باجر عمرك صك الخمسين وين فيك شده تداوم لا تقيس الامور عليك الحين وانت بشبابك...خل باجر يطلعك بيت في البر واسكن ....لا خدمات وكل شي بعيد عنك ... ولو تلاحظ اني قلت مافيه مانع اذا كانت الخدمات موجوده في الصحراء ...يعني ابدوا بالخدمات اولا وبعدين المواطن .... واضرب لك مثال :ام الهيمان شوف جم اسعارها وقارن بينها وبين اسعار فهد الاحمد علي سبيل المثال فقط لا الحصر ...تلاقي بيت محدود شارع واحد اغلي من قسيمه موقع ثلاث شوارع وارتداد ..... ياخي خلك واقعي بكلامك .... وانت باجر اذا عطوك بيت بالمطلاع وتداوم بالخفجي راح تعرف الفرق...

و زياده على كلامك , فكر بالمستقبل عيالك بيروحون الجامعه او معاهد الشويخ الخ يعنى الدوله لازم توفر هليوكوبترات للمواطنين :D
 

al7mly

عضو نشط
التسجيل
27 يوليو 2007
المشاركات
1,364
و زياده على كلامك , فكر بالمستقبل عيالك بيروحون الجامعه او معاهد الشويخ الخ يعنى الدوله لازم توفر هليوكوبترات للمواطنين :d

من صجك هيلوكبتر من الخفجي للمطلاع يبيلك توماهوك :d
 

انطلق2

عضو نشط
التسجيل
20 يناير 2007
المشاركات
1,628
شي يقهر
والمشكلة هي أن ضحايا هذه الأزمة صوتهم غير مسموع.

لازم نتوحد و نتفق بالضغط على الأعضاء لحل الأزمة.
 

سوق التجار

مشرف قسم الناسجت
التسجيل
1 ديسمبر 2004
المشاركات
1,857
شي يقهر
والمشكلة هي أن ضحايا هذه الأزمة صوتهم غير مسموع.

لازم نتوحد و نتفق بالضغط على الأعضاء لحل الأزمة.

أخوي فعلاً .. هذه القضية الي المفروض تطالبون فيها كل عضو بمجلس الأمة أن يتبناها .. أغلب الأسر ساكنه أجار .. ليش ساكتين؟؟؟

الأعضاء مهتمين في مواضيع هامشية و التصيد على بعض .. و هذا الوزير راح نستجوبه لأنه مو من جماعتنا ..

وين التنمية .. وين المشاريع التنموية .. وين المدن الصحية .. وين المدن السكنية الي كل وزير أسكان يتكلم عنها ... همهم بس أنكم تحطون هذا الوزير و ما تحطون الوزير الفلاني !!

فعلاً شيء يحر .. و محبط في نفس الوقت.
 

Desk^^Stock

عضو نشط
التسجيل
27 سبتمبر 2006
المشاركات
31
أخوي فعلاً .. هذه القضية الي المفروض تطالبون فيها كل عضو بمجلس الأمة أن يتبناها .. أغلب الأسر ساكنه أجار .. ليش ساكتين؟؟؟

الأعضاء مهتمين في مواضيع هامشية و التصيد على بعض .. و هذا الوزير راح نستجوبه لأنه مو من جماعتنا ..

وين التنمية .. وين المشاريع التنموية .. وين المدن الصحية .. وين المدن السكنية الي كل وزير أسكان يتكلم عنها ... همهم بس أنكم تحطون هذا الوزير و ما تحطون الوزير الفلاني !!

فعلاً شيء يحر .. و محبط في نفس الوقت.



اتفق معـــــاك والادهى انه الحكومه تعرف شقاعد يصير بالضبط

!!!!!!!!!!! غريبه والله كل شي بالبلد قاعد مايتحرك وكل مــــالنا وره الله يســـتر على اعيــــالنا
 

station-eng

عضو نشط
التسجيل
23 أكتوبر 2007
المشاركات
256
ومنو قال لكم ان الحكومه ودها تحل هالمشكلة ... تخاف لا يزعلون عيالها التجار .
باجر اذا عطت كل مواطن بيت..... منو راح يسكن بالشقق اللى بنوها الرؤوس الكبار ؟
ومنو راح يشتري منهم الاراضي ؟
ومنو راح يسكن ببيوت ارجان والخرسانة الخلوية واسكان وغيرهم من الشركات .
 

al7mly

عضو نشط
التسجيل
27 يوليو 2007
المشاركات
1,364
فيه تحركات ...احنا بالمنطقه العاشره أسسنا لجنه المطالبه في قسايم غرب هديه وعددها 4900 قسيمه ولها اجتماعات معلنه بالصحف وتم دعوه نواب الامه في اكثر من اجتماع وجميع الاعضاء الذين تم استدعائهم ارسلوا اسئله الي وزاره الاسكان عن المشروع طالبوا فيه الاسراع في الموافقه علي تسليم الارض من وزاره النفط ... بس ماكو شئ للحين
وعلي عكس التيار هناك مطالبه من قبل اعضاء الامه في منطقه السالميه لتحويلها من سكني الي استثماري ...وفعلا تمت الموافقه والفايده للتجار ...شوف المفارقه استثمار موافقين ..سكن للمواطن مماطلين
يااخوان فيه اراضي بالديره تكفي حتي للاجيال القادمه وتلاحظون هالشي هذا والمسافات التي بين منطقه والمنطقه الاخري بالكويتي البراحات الفاضيه ليش ماتنبني بيوت فيها
 

بيرم

عضو نشط
التسجيل
4 أكتوبر 2005
المشاركات
71
لان الشعب الكويتي لا يريد تنمية و لا يريد مستقبل لابناءه و لا يريد استكمال لرعاية صحية او تعليمية او اسكانية
و لكنه يريد ديمقراطية و زعيق و نعيق و تحدي و اسقاط للحكومات
و الحين اكلوووووووها
كان يحكمنا الصباح و الاجداد وضعوا افضل اتفاق بين الحاكم و المحكوم
و لكن الآن تحكمنا الاحزاب الدينية و التكتلات الفئوية و القبلية بالاضافة الى اطراف خارجية تطل برؤوسها من خلال ما يسمى بالبرلمان
نستاهل لاننا استبدلنا الذي هو ادنى بالذي هو خير
و طالما بقي الامر كذلك فليس لنا الحق بالاعتراض عن الاوضاع الحالية
 

بوزييز

عضو نشط
التسجيل
19 مارس 2007
المشاركات
3,759
الإقامة
بالديره
عادي ياجماعة الخير كل كويتي ينطر 16 سنه على مايطلعله بيت شفيها كلها 16 سنه :)
انا واحد بقالي على ال16 سنه زواج 5 سنوات قربت ان شاء الله :)
 

chandler

عضو نشط
التسجيل
27 يوليو 2004
المشاركات
116
الإقامة
kuwait
أعتقد ضروري يخلون إمكانية نقل طلب الإسكان إلى الأبناء!!
الدنيا حياة وممات! على ألأقل عيالنا يطلع لهم الدور إذا ما لحقنا على حياتنا!
:(:(:(
 

al7mly

عضو نشط
التسجيل
27 يوليو 2007
المشاركات
1,364
أعتقد ضروري يخلون إمكانية نقل طلب الإسكان إلى الأبناء!!
الدنيا حياة وممات! على ألأقل عيالنا يطلع لهم الدور إذا ما لحقنا على حياتنا!
:(:(:(

مااعتقد راح يلحقون علي البيت بعد ...لانه أعضائك مقدمين مشروع قانون للمطالبه بحق الكويتيه المتزوجه من غير كويتي بالسكن الحكومي ... يعني الاجنبي يطلع له بيت بالكويت واهل الديره ساكن بشقه ..حلها :confused:
 

ولد الديرة

عضو نشط
التسجيل
29 سبتمبر 2004
المشاركات
446
الاخوان اللى يقولون المطلاع /عريفجان /الوفرة بعيدة ترا كلها ماتعدى 50 كم ماهى بعيدة وراح تنحل غلاء الاراضى انا اداوم يوميا فى الخفجى وماهى بعيدة الا اذا كل واحد يبي عند امة هذا شىء ثانى

وليش ما يكون عند أمه مو الجنة تحت اقدام الامهات

وليش ما ينقلون المعسكرات والمناطق الصناعية الى المناطق الخارجية بدل ما ينقلون هالبشر
انا ابي اعرف شغلة وحدة منو يحمي منو هل الناس تحمي الجيش ام الجيش يحمي الناس لاني شايف الناس على الحدود والجيش في وسط الديرة::eek::eek::eek:
 

المطرود

عضو نشط
التسجيل
22 أغسطس 2004
المشاركات
2,586
انا صارلي بالظبط 14 سنه من قدمت علي البيت وللحين ناطر ....وطافني قطار الرخص قبل سنتين ومالي الا جابر الاحمد مع اني اسكن بالمنطقه العاشره بس العوض والا القطيعه ....اليوم كانت فيه مناقشه من قبل لجنه مشكله من قبل خبراء في الحكومه لمناقشه ارتفاع اسعار العقار بالكويت والذي وصل 500بالميه واخر شهرين كانت الاسعار ترتفع بشكل يومي ومحاوله ايجاد حلول لهذه المشكله ..... الحل سهل جدا بس هل فيه جديه في اتخاذ القرار .... الحل هو كلاتي :ايجاد اراضي جديده وطرح هذه الاراضي للبيع من قبل الحكومه للافراد فقط دون الشركات والاراضي موجوده وجاهزه (خيطان _صبحان _شرق القرين _جنوب الزهراء_الصليبيه_جنوب ابوحليفه_وكتير من الاراضي الاخري ) وبالاضافه الي الاسراع في توزيع قسائم الحكوميه في المدن الجديده والموافقه علي مشروع غرب هديه وجنوب الظهر وابعض اراضي الفضاء بالفحيحيل والصباحيه وغيرها من الاراضي ... بالاضافه الي اشراك القطاع الخاص في المساهمه في بناء الاراضي وبيعها باسعار محدده من قبل جهات حكوميه حسب الموقع والمواصفات بالاضافه الي تحيييد البنوك في الاقراض وكذلك التدخل في عملية البيع والشراء باعطاء اوامر لبنك التسليف في عدم الموافقه علي السعر المباع اذا كان مبالغ فيه .....هذا جزء بسيط ومختصر لبعض الحلول .....واذا لم يتم ذلك فان الدوره التصحيحيه العالميه للاسهم والضمان العقاري في العالم مع احتمال انهيار اقتصادي دوري علي مستوي عالمي سوف ينال العقار منه النصيب الاكبر...كما حدث في السابق ....كله مكفول في اعاده الامور الي نصابها الصحيح


الله يعطيك العافية اخوي الحملي

أتمنى تفهمني الفقرة اللي فوق أنا أعرف إن فيه دورة تصحيحة لأسهم ولكن ماذا تعني الدورة التصحيحة للضمان العقاري.

خالص الشكر والتقدير لك

اخوك بو محمد
 
الحالة
موضوع مغلق
أعلى