أيهما أفضل المنحه أم النقدي ......؟

[draftsman]

مشكور اخوي الراقي وجزاك الله خير

 

[holding]

المنحه مثال 1000سهم منحه وسعر السهم 200فلس يعني 200دينار واذا نفدي 20% يعني أيضا 200دينار لكل 10000سهم .
الفرق المنحه تأثر علي زياده الكميه المعروضه وخاصه أذا رأس مال الشركه فوق 20مليون ألنقدي يبقي رأس المال نفسه .
بس أعتقد أن أداره الشركه الراغبه بحفظ سعر سهمها سواء كانت المنحه أو النقدي والامثله معروفه .هذا رائي شنو رايكم.

 

[بوعبدالهادي]

مع قرب بدايه نهايه السنه وبدايه دراسه الشركات بالتوزيع ولزياده المعرفه وأهل الخبره أيهما أفضل لي كمستثمر التوزيع المنحه أو النقدي .

من وجهة نظري لا المنحة ولا النقدي ... لانهم بيعطونك من نفس فلوسك

لنفرض انك شريت سهم اليوم بسعر 5000 دينار وكان آخر يوم قبل التوزيعه
وكانوا يبون يوزعون منحة او نقدي مثلا 250 دينار نقدي وغير المنحة

راح تلاحظ ان ثاني يوم سعر السهم مخصوم منه قيمة المنحة اللي عطوك اياها و قيمة النقدي ولنفرض ان صار سعر السهم لو حبيت تبيعه في اليوم الثاني من شرائك وبعد التوزيعه 4500 دينار اذا نلاحظ ان الفرق بين قيمة الشراء والقيمة اللي وصل اليها بعد التوزيع كالتالي

5000 قبل التوزيع - 4500 بعد التوزيع = 500 دينار الفرق

انت خسرتهم من قيمة السهم ولكن عطوك اياهم من ناحية ثانيه نقدي ومنحة


اسف على الاطالة واتمنى الفكرة وصلت الفكرة

تحياتي

 

[امين الصندوق]

صبه حقنه لبن .....!

 

[Yassaf]

المنحه افضل بكثير من النقدي

 

[كويت2]

نقدي .. اخوي

الكاش يلعب دور

 

[معرب الجد]

من وجهة نظري المتواضعه

أرى أن التوزيعه تعتمد إعتماد كلي على الشركة نفسها.

يعني إذا أرباح الشركة تشغيليه وتنمو بشكل جيد فالمنحه أفضل

أما إذا الشركة أي كلام فالنقدي أفضل

مثال 1
شركة زين 2006 قبل الجمعيه العموميه كان سعر السهم(4220)
نقدي 100 فلس ومنحه 50%
ومع هذا السهم زاد سعره ولم يتأثر بهذه التوزيعه الكبيره


مثال 2

شركة جيزان2004 وكان سعر السهم يوم الجمعيه العموميه (3360)

وزعت 200% منحه

وتدهور السهم ووصل إلى 160 فلس خلال سنتين.

أتمنى أكون وصلت لك الفكره
والسلام

 

[al-hajri]

صح لسانك

انا اقول المنحه

لانه المنحه تحتفظ فيهااااا.............لاازاد سعر السهم تبيعه بالسعر اللي تبيه

اماااا النقدي

ترووووح مع( العجاااااااج).............كلمة نيوزلنديه اقتصاديه

ذكرتني بنيوزلنده ... أذكر رحنا قنص هناك
وقام واحد من الربع وصاد له غزال
قام المقرود الثاني وضيع صيدته في عجاااااااااااااجه
ذكرتني يا Bmw أيام نيوزلنده
يالله عساكم ماتضيعون صيدكم في عجاجكم
الله يوفق الجميع ويرزقكم

 

[filfil]

الدجاجة و لا البيضة
الموضوع شائك ومعقد ليس بهذه الصورة تحسب الاشياء
لا شىء احسن من شىء الاحسن اداء الشركة ونمو الشركة وكفائة الشركة
اعتقد ان الاحسن منهم الحظ
حسب المثل المصري "أديني حظ وارمين في البحر "
ولكن النقدي مؤشر على حسن نوايا الشركة وعدم التلاعب في الميزانية
يعني لو ارباح وهمية من وين توزع وهدى يعتمد
وممكن شركة ممتازة وعندها مشاريع طيبهة وتبي توزع منحة مقابل التوسعات
يعني ما ليها حل البيضة الاول ولا الدجاجه الاول

 

[السوق الكويتي]

الجواب على هذا السؤال يعتمد بشكل كبير على الشركة اللي توزع المنحة او النقدي ,,

اذا شركة كبيرة ولها اصول كبيرة ونمو بالارباح .. الخ ,, المنحة تكون افضل بشكل عام اذا كنت مستثمر .. لأن منطقيا سعر السهم راح يرتفع بعد فترة تجاوبا مع اداء الشركة ,, مثل الزين , بيتك , الوطني .. الخ شركات كبيرة وممتازة ..

تخيل عندك 10000 سهم بيتك من 2006 ,, وحصلت على نقدي 50% يعني بس 500 دينار ,, ولو عطوك منحة 20% يعني 2000 سهم !

والحين قررت تكييش فلوسك .. سعر السهم الحين تقريبا 3,000 دنانير ,, وعندك 2000 سهم منحة ضرب 3 = 6000 الف دينار !

منو احسن

واذا شركة تعبانه وخاصة الورقية ,, النقدي افضل لأنك ماتدري شنو مصير الاسهم اللي راح تحصلهم يمكن سعر السهم ينزل بسبب ان الشركة حققت خسائر بالارباح وماعندها اصول جيدة وماكو نمو بالارباح .. الخ

بشكل عام الاستثمار في شركات كبيرة :
مستثمر على مدى قصير = يبي كاش
مستثمر على مدى بعيد = منحة

 

[EUR/USD]

ملاحظه

الدجاجة و لا البيضة
الموضوع شائك ومعقد ليس بهذه الصورة تحسب الاشياء
لا شىء احسن من شىء الاحسن اداء الشركة ونمو الشركة وكفائة الشركة
اعتقد ان الاحسن منهم الحظ
حسب المثل المصري "أديني حظ وارمين في البحر "
ولكن النقدي مؤشر على حسن نوايا الشركة وعدم التلاعب في الميزانية
يعني لو ارباح وهمية من وين توزع وهدى يعتمد
وممكن شركة ممتازة وعندها مشاريع طيبهة وتبي توزع منحة مقابل التوسعات
يعني ما ليها حل البيضة الاول ولا الدجاجه الاول

هلا بالريال الطيب
هذا مثال منتهية صلاحيته ( البيضة أول أو الدياية) !
الدياية قبل البيضة للاسباب التالية :-
1- اذا نقول البيضة أول لزم ان تكون مدفأة من قبل الأم أولا حتى تفقس !
2- نظرية الخلق تتفق مع وجود المخلوق أولا و من ثم باقي السلسلة سواء أتوا من البيض أو الولادة
3- نظرية التطور ( اذا ما كنت من أنصار نظرية الخلق) تقول بتطور الحيوان من حيوان بسيط الى مركب و معقد و ليست بيضةالدجاجة تطور لبيضة الفري مثلا لأن النظرية تطبق على الحيوانات لا على قطعة هشة من الكالسيوم
4- جملة (من الأول) تقابل سؤال من الأول :جوابي أم جملتك, رقم 5 أم رقم 2 , الزفير ام الشهيق ,اليوروووووووو صاعد أم الدولار نازل ! الصراحة يعتمد من أي جهة تنظر للموضوع

 

[وراكم وراكم]

يعتمد ذلك على الشركة

- اذا كانت الشركة لها نشاط تشغيلي ونمو تكون المنحة أفضل من النقدي بشرط أن تخصم الشركة سعر سهم المنحة من الارباح بسعر القيمة الدفترية على الأقل .

- وإذا توقفت الشركة عن تحقيق نمو تكون الأرباح النقدية أفضل لأن سهم المنحة يكون عبئا على الشركة في المستقبل .

 

[مستثمر عنيد]

المنحة افضل بكثير من النقدي

لان النقدي يكون على القيمة الاسمية

والمنحة على سعر السوق

واخذ بيت التمويل الكويتي مثال جيد على المنحة وسعره كم وصل بعد فترة من التفسخ

 

[UNIX]

مزاد اهو؟

معروف حق جميع مدراء الصناديق ان الكاش أحسن من الورق. لأن توزيع الكاش بالغالب يدل على ملاءة الشركة، أما الورق فهو سهل الطباعة و التوزيع.. أكبر مثال شركات البحر.. بس توزع ورق ماكو كاش.

 

[المؤشراتي2]

مزاد اهو؟

معروف حق جميع مدراء الصناديق ان الكاش أحسن من الورق. لأن توزيع الكاش بالغالب يدل على ملاءة الشركة، أما الورق فهو سهل الطباعة و التوزيع.. أكبر مثال شركات البحر.. بس توزع ورق ماكو كاش.

اتفق معاك

 

[جمبازي]

مع قرب بدايه نهايه السنه وبدايه دراسه الشركات بالتوزيع ولزياده المعرفه وأهل الخبره أيهما أفضل لي كمستثمر التوزيع المنحه أو النقدي .

الشركات القويه التى اسعارها عاليه (ومجلس اداره محترم )


منحه افضل ...



الشركات الى لك عليها ...

او شركات قويه (ومجلس اداره سىء ) الكاش افضل

 

[سهم استثماري]

مع قرب بدايه نهايه السنه وبدايه دراسه الشركات بالتوزيع ولزياده المعرفه وأهل الخبره أيهما أفضل لي كمستثمر التوزيع المنحه أو النقدي .

أنا شخصيا أفضل النقدي على المنحه ...
لسبب بسيط إن الشركة في المستقبل سيصعب عليها تحقيق نفس الربحية بالسنوات المقبله لأن عدد الأسهم زاد وبالتالي تحتاج أرباح توازي عدد الأسهم الجديدة ..

والنقدي بالتفسيخ أفضل من المنحه لأن تفسيخه السهم أقل .


العبره بالتاريخ خلونا نشوف الشركات اللي عطت بالسابق منح كبيره شنو صار بأسهمها ( مثلا : شركة زين السنة اللي طافت عطت منحه 100% الآن الشركة بالربع الثالث متوقع إنها ما تحقق نفس ربحية نفس العام الماضي !! بسبب عدد الأسهم اللي تدوبلت ( لو ما عطت هالمنحه الضخمه كان اللحين محققه أرباح فلكيه وممكن نشوف سهمها فوق الـ 8 دنانير )




الموضوع هذا دائما يصاحبه جدل كبير .

 

[holding]

المحير أذا شركتين لهم نفس التوزيعه مثل 25نقدي و5 منحه وبس الاولي سعرها250فلس مثال(جيزان) والثانيه سعرها 560 مثال (د.لأجاره)
ولهم تقريبا نفس رأس المال الفرق جيزان متثبت سعرها ود.للاجاره سعرها ثابت

 

[holding]

علي هالنزول كل يوم فلسنا لا نقدي ينفع ولا منحه تبرد