دورة المؤشرنت للتحليل الفني
50 دينار كويتي
شركه استحواذ القابضه ....3
- بادئ الموضوع abo othman
- تاريخ البدء
- الحالة
سؤالك يذكرني من سنين وره ... يوم إكتتاب الوطنية للأتصال سنة 97 من 11سنة بالضبط أكتتبت مثل مايكتتب الناس وكنت ماعرف شئ كلش يعني غشيم بالبورصة وكان أول إكتتاب لي قالو الناس زينة ورحت وياهم واكتتبت مثلهم ... ومضت السنين وانطر وانطر متى يعطوني الفلوس متى تكثر فلوووووووسي وطوف سنتين ونصف أو 3سنين ماياتني بيزاتي
.... ماطول عليكم يوم من الأيام رايح الدوانية ويتحجون عن الوطنية للأتصال انها زينة وأنها مرتفعه ويابخت إلي عنده !!! جان أنقز وقول آنا عندي الوطنية جان إقولي واحد منهم عندك أوووووووووخ عيل انت مليونير ... جان أقوله بس ماعطوني فلوووووووسي !!!!
آنا من قلت له ماعطوني فلوووسي حبيبنا فطس من الضحك 
وانا إنقص ويهي
كنت غشيم ماعلي شرهة (هذا أول
) ... الحاصل ماطول عليكم فهمني على الطريقة إني لازم أروح البورصة وأسأل عن المقاصة وبعدين يطلعونهم ويدمجونهم وبعدين أبيع .... وعملت نفس الطريقة إلي قالي إياها وبعدت وبعد أن بعت وياتني همجة الفلووووس إستانست وبعدها قمت أشتري وأبيع واتعلمنا المضاربة ولله الحمد ....خلاصة كلامي ... كنت عبالي من الأكتتاب أن إيوني ويطقون علي الباب ويعطون المقسوم من الأرباح أو الفلوس ...مادري إن في بورصة ومقاصة وإدراج الشركة .. وكان السهم واصل يوم أبيعها من دينارين إلى 1900 بالحروه هذي وبعتها 1900 ... والله السهم قبلها وصل 3 دنانير
وحبيبكم ناطرهم إطقون عليه الباب ويحطونهم بحضنه ... جني هذرت وايد وأن شاء الله إتضحت الصورة أخوي (nols) من الأدراج
أخوكم فووووووكس
abo othman
مشرف قسم الاسهم غير المدرجة
- الحالة
دورة المؤشرنت للتحليل الفني
50 دينار كويتي