واحد عنده 120000 ألف دينار مطلوب نصيحه

[trooy]

عندي 120000 ألف أشتري شنو ومتى

 

[comheeros]

حطهم وديعة ابرك لك !

 

[الساحل]

عندي 120000 ألف أشتري شنو ومتى

لا تشتري ولا شي الى ان يعطي السوق اشارة دخول الصبر زين

 

[september]

عندي 120000 ألف أشتري شنو ومتى

نصيحتي لك اشتر فيهم أرض في العقيلة أو المهبوله


خل عنك سوق الهم والغم يا الحبيب

 

[مستثمر عنيد]

شد حيلك بالاكتتابات

 

[Trend Hunter]

اشتر راحتك وانحاش

 

[barbarian]

قسم محفظتك الى 3 أقسام

1 - المجموعه الدوليه أشوف سعرها وايد نازل مقارنة بارباحها
2 - تمويل الخليج صيده على 690 فلس
3 - الصناعات المتحده 100%

وادعيلي...تمويل الخليج بيعه قبل توزيع الارباح والمجموعه الدوليه خلها عندك استثمار طويل والصناعات المتحده ضارب فيها

 

[العوضى]

نصيحتي لك اشتر فيهم أرض في العقيلة أو المهبوله


خل عنك سوق الهم والغم يا الحبيب

كلامك سليم ميه بالميه , و عنده حل ثانى انه ياخذ شقق تمليك اسعارها من 30 الى 35 الف وكل شقه تتأجر بسعر لا يقل عن 230 دينار , منه اهو ربحان من الإيجار الشهرى للشقق ومنها ان اسعار هالشقق تزيد يوم عن يوم , واذا يبى شور ثانى يدخل موضوع (400 الف سعر البيت فى الكويت) انا تونى كاتب خوش مقاله عن مشروع سلوى 1 واذا كان لك نصيب اتوقع الإيجار فوق 650 شهرى وسعر البيت كل يوم وهو طالع , والله يوفق الجميع

 

[bader naser]

نصيحه لله وفي الله ما ابي منك شي تبي نصيحة اخوك اذا معزم تدخل السوق شوري عليك استمتع بفلوسك واشتر اللي تبي واللي ماتبي سافر اشتر سياره سو اي شي لأنك بالنهايه خسران وتقول ياريتني استمتعت بفلوسي انا دخلت بمبلغ اضعاف اللي عندك وكل ما اخسر امنّي روحي وأقول باكر اعوّض لكن للأسف الخساره قويه وكبيره.
صدقني طيع شوري واضعف الايمان حطهم وديعه .

 

[أبـو شـهــد]

عندي 120000 ألف أشتري شنو ومتى

اشتر فيهم غنم قرب عيد الضحية والغنم بتولع بيوصل الراس 100 دينار ابركلك من هالسووق الدايخ

 

[BMW2007]

اشتر فيهم غنم قرب عيد الضحية والغنم بتولع بيوصل الراس 100 دينار ابركلك من هالسووق الدايخ

هذاا الكلااااام...........الغنم غنيمه



والا نياااق ........وجيب لاندكرووزر..............هذي الراااااااااحه

 

[بو عبدالله العت]

120000
جمدها وصرفها يورو
وبعد حرب ايران ادخل السوق الكويتى لا وبعد بالاجل وان شاء الله تملين يعنى تصير من اصحاب الملايين
بس بالوقت الحالى اركد

 

[بو سعود2003]

عندك 120 ما تدري شنو تسوي فيهم

اولا من وين يايب 120 من التجاره خلك على تجارتك
ثانيا لك خاطر تدش السوق دش مستثمر وليس مضارب
ثالثا خل السوق حق اهلا
رابعا ما اتوقع عندك 120 لانه محد يقول عندي مبلغ بالرقم يا انك تبي اراء فقط او انك قاعد تتمنى او عندك 4000 وما تدري تسافر فيهم او تدش فيهم

عط الخباز خبره ولو اكل نصه اذا ما عندك خبره بالسوق لا تدش ابرك

 

[bo salem]

ما يبيله دش فيهم اوبشن اليوم​

 

[أبو فلسين]

انا اقول دش على القرين ودعيلى اخوى

 

[al3aned]

اخي الكريم
قبل لا تشتري اي سهم
اخذ لك دورتين أو ثلاث دورات عن الاسهم والمضاربه والتحليل الفني
وتابع السوق كم شهر
وبعدها انت تقرر تدخل السوق
واتمنى ما تدخل بكل المبلغ ادخل فيه على مراحل يعني ربع المبلغ مثلا
واذا ربحت وتوفقت زيد المبلغ
والله يوفقك

 

[BO-MUBARAK]

اشتر شقق بدبي او الشارقة وبعد 6 اشهر بيعهم دبل اضمن واذا بتاجرهم خلال سنه انت من اصحاب الملاييين

 

[هداف]

عندك خبره بالسوق دش ماعندك خبره حطهم بصندوق اسلامي
بعض الصناديق وصل ربخها الى 82%
يعني ربحك فوق ال 90 ألف اشتبي بعد
بس تحرى الاسلامي
اللهم اغننا بحلالك عن حرامك

 

[فوركسي]

قسم مبلغك 4 اقسام اشتر بيتك وصناعات وزين والربع الرابع خله معاك كاش لزوم التبريد علما بان هالاسهم استثماريه بحته والله الموفق

 

[*بو عبدالله*]

السلام عليكم ورحمة الله وبركاته


طويل العمر نصيحة محب

لا تدخل السوق الحين انتظر حتى تتضح رؤية واتجاه السوق

السوق حتى الان في نفق مظلم ومحد عارف اتجاااهه بالضبط


بعد ما يعطي اشارة دخول ممكن تفكر انك تدخل ولا تحاتي تر الفرص بكل وقت موجوده


اذا الله كتب ودخلت السوق حاول انك تكون مستثمر وليس مضارب مع حسن اختيار السهم الاستثماري ((( امثال بيتك وتمويل خليج وزين و اعيان و و تعمير ووووو ..........وغيرهم)))

بالاضافة الى حسن اختيار سعر الدخول على هذه الاسهم


نقطة اخيرة

اذا كان هالمبلغ هو كل ما تملكة

فانا اشوف انك ما تدخل فيه كله ولكن تدخل بنصه والنص الثاني تخليه وديعه لان الواحد ما يدري شنو ظروف السوق


موفق خير