واحد عنده 120000 ألف دينار مطلوب نصيحه

[النجدي2007]

اذ صج ناوي تدش الاسهم مافي اذنك ماي ان شاء الله
لاتدش في كل فلوسك النصيحة الاولي تطير الدوحة وتشتري في مبلغ 10000 سهم ناقلات الغاز وتشتري بعد سهم الريان في قيمة 10000 دينار وتنساهم.
ويبقي من فلوسك 100000 دينار في نهاية التصحيح ان شاء الله دش في مبلغ 50000 طبعا علي شركات تكانة وارباحها ممتازة وتشغيلية واظن الاخوان ماراح يقصرون وياك بالشركات هذي
اما 50000 الاخيرة هذي مثل ماقال اخونا العوضي اشترلك شقة تمليك او اشتر فيها ارض من اراضي الخيران يعني قيمتها مابين 35 الي 40 الف وعسي الله يوفقك ويرزقك ويرزق الجميع

 

[UNIX]

عندي 120000 ألف أشتري شنو ومتى

روح شركة الاستثمارات الوطنية.. ادارة الأصول

و أطلب منهم يسون لك محفظة استثمارية متوافقة مع الشريعة، تستثمر بكل شي مو بس بالبورصات،، قول لهم كم تبي عائدك السنوي مع مقدار المخاطرة و يضبطونك

أسواق المال
اكتتابات
أسهم خاصة
أدوات مالية
صكوك
عقارات مدرة
عملات

راح يستثمرون لك بكل القطاعات هذي ان شاء الله ما راح تتحسف. و أنا ريال أشتغل بشركة استثمارية و أنصحك النصيحة هذي.

و عسى الله يوفقك

 

[q8_chamber]

عليك بستين عافيه


اخذ نصيحة مني


10% استانس فيهم ((بالعقل)) ((كاش لامورك الشخصية))

50% وديعة في بيت التمويل ((تعطيك 8% سنوي ))

25% تداول بالاسهم ((لما يهدي السوووق ))

15% استثمرهم في صندوووق

 

[باكه]

عندك 120 ما تدري شنو تسوي فيهم

اولا من وين يايب 120 من التجاره خلك على تجارتك
ثانيا لك خاطر تدش السوق دش مستثمر وليس مضارب
ثالثا خل السوق حق اهلا
رابعا ما اتوقع عندك 120 لانه محد يقول عندي مبلغ بالرقم يا انك تبي اراء فقط او انك قاعد تتمنى او عندك 4000 وما تدري تسافر فيهم او تدش فيهم

عط الخباز خبره ولو اكل نصه اذا ما عندك خبره بالسوق لا تدش ابرك

والله انك طايح عليه ×!!

 

[ABO THAMER]

( بيتك + صناعات + مشاريع + تمويل خليج )

؟؟؟؟؟؟؟؟؟؟؟؟؟؟؟؟؟؟


وان بغيت نصيحة اخو .... روح سوق العقار
اشتر وبيع ....أضمن لك

 

[الأزدي]

نصيحتي لك في ابيار العقاريه // الصناعات المتحده // جراند // اسمنت ام القوين//

 

[sarheed]

تصدقون لو اني صاحب فلوس مثل اللي يسأل جان فعلا ربحت من هاالنصايح

مشاء الله عليكم خاصه الاخوان اللي قسموا المبلغ الى مجموعه من الاستثمارات كالاسهم والصناديق الاستثماريه والعقار

اتمنى من الاخو اللي سأل انه يتبع شورهم وخلي جزء بسيط من فلوسه بسوق الاسهم الدايخ

 

[بو عزؤوؤز]

السوق مبروك اشتر الاسهم القيادية ولا تخاف ونصيحتي لادش الاجل لانة هو الذي يجعل الولدان شيبا والذين يقولون انحش من السوق ديربالك اشتر غنم اشتر شقة قول بينك وبين نفسك ليش هم مايعملون الذي يوصون بة شلهم بالسوق وهوالة ورزاق الله بالاغنام توكل علي الذي ماتنام عينةويعرف خافي الانفس واوصيك ونفسي بصلة رحمك والصدقة لانها تدفع البلاء وعليك بالاسهم الاسلامية اخوك النصوحي

 

[kwt.to.kwt]

وديعة ببيت التمويل ارباح العام الماضي 8.4%

 

[holding]

شوف أذا كلامك جدي مو غشمره أشتر فيهم أي من أرخص الاسهم الي ما تحركت وعلي هالنزول فرصه تدخل علي الشركات الي لها أخبار مؤكده عن ربحيتها بنهايه السنه عندك مثلا الاهليه نهايه السنه ربحيتها 105فلس وسعرها رخيص عندك د.للأجاره ربحيتها أيضا بنهايه السنه 100فلس وعنك شركات الاسمنت الخلجيات أرخاص وبنهايه السنه فيها ربح حلو وأنا أفضل لو كنت بمكانك أفتح سياره بورش تون تيربو وأتمش علي البحر بدون عوار راس.

 

[ياسر الروقي]

بأختصار السوق السعودي 000 اسهم بأقل من اسعار الاكتتاب زائد فرق صرف العمله 000 هذا الموجز التفاصيل ان نويت الدخول

 

[SMoOoKY]

أخوي روح للعقار ابركلك وافيد الارض تمرض ماتموت....والحين الديره موملحقه تشتري اليوم 120 تعرضه 130 اسبوعين الا طاير....

الحجي عن تجربة طال عمرك والشباب الحين شغالين على العقار لو شقق وتأجر...


حطهم بعراق قابضه يمكن تمتلكها ......غشمره مو صج...

اشتر راحتك وحلالك وحلال اعيالك وحطه بالمضمون السوق ماله امان وجانك بتمشي على القيل والقال بتتبخر فلوسك جدام عينك....

 

[الفارس2]

ديربالك تدخل فيهن السوق الرسمى........وركز على العقار.........والأسهم الغير مدرجه.......(الخليج القابضه-الديارللأستثمار العقارى- كويت أنرجى...........ألخ).......وهذا رقم تلفونى -9801952 ونا حاضر بالنصيحه

 

[BUTTERFLY]

شــوف اترك عنك كل هل النصايــح واسمع
منــي هل النصيحة
1- اذا حطيت افلوسك بالبنك وديعه كل
يوم تقعد اتفكر الف تفكيرمره اتقول اخاف
اخدعوني بالفايده ولفايده يمكن تنزل
ومره اتقول اخاف يفلس البنك
بكل الحالتين تفكير وعوار راس.
2-اذا اشتريت عقار مثل بيت يمكن تقعد
اتفكر وتخاف ينزل العقارواذا شريت شقه
كل يوم لاحق المؤجر تبي الايجار بكل
الحالتين عوار راس.
3-اذا دشيت فيهم السوق وشريت اسهم
كانك شاري حيه بوجرس ما تدري متي تلتقك .
الخلاصة:اذا حطيتهم بالبنك ولا بالعقار ولا بالاسهم
ماراح اتشوف بعدهاافلــوسك لان اذا دشوا السوق
ماراح يطلعون والحبل علي الجرار.
النصيحـــــــــــــــــــــــــــــــــــــــــــــــــــــه
حطهــــــــــــــم تحــت المخــــــــده وقبل لاتنــام
شوفهم وشمهــم وردهم مكانهم واذا قعدت من النوم
اول شي اتســوي شمهــم لان اذا ادخلـوا السوق بعدها
حتي شمــه ماراح اتشمهــــم

 

[السيل]

اسمع اخوي هناك منطقة في الجهراء (الواحة) اشتر هناك بيت المنطقة عليها كلام تثمين والكبار يشترون الان والله اعلم

 

[شرياص العديلية]

أهم شي الثقه المتبادلة بيني وبينك

عندي 120000 ألف أشتري شنو ومتى

مساك الله بالخير ..

اتصدق اني حبيتك من أول نظره ..

ويهك سمح .. وبشوش ... بس عقالك وايد ضعيف ( مو مال رزه )

المهم

تروي حبيبي ... أشوفك اليوم ان شاءالله بستاربكس العديلية ..

راح تشوف واحد لابس بجامه مخططه .. لا تخاف .. هذا آنا ...

راح نشرب جاي حليب ... ونبلش شلون نصير آنا وياك تجار بفلوسك .

تقوم تاخذ قرض 15000 دك ونزيدهم على اللي عندك = 135000 دك

حلوين ياولاد

أروح آنا وياك البشر ( طبعا حزتها بدل اعقالك الضعيف عشان لا يكشونا )

ونشتري مرسيدس S L R .. نسجله بسمي وبسمك ... حلو

نأجره باليوم الواحد 500 دك .

اليوم اللي مايتأجر فيه ... آنا أسوقه وأقعدك يمي ونقز بالحب ليما

نحصل واحد يأجره .

نأجره 270 مره ... طلعنا راس مالنا آنا وياك .. عقبها تروح تأمن السياره

وتاخذها وتصفطها ابمكان سري ( مزرعه .. شاليه ) وأروح المخفر وأبلغ

عن سرقه سيارتي ( لا تخاف ماراح أقولهم انت ) اهني راح تعطيني شركة

التأمين .. هنقول 100 ألف + 13500 (الأجارات) = 235000 دك

اخصم أتعابي ومجهودي الاداري ( 115000 دك) + الجاي حليب .. ولا خلاص

جذي .. ضربنا ضربتنا آنا وياك .. عاد السيارة اللي خاشها .. قوم هز طولك

وفللها وبيعها قطع غيار .. لك حلال عليك آنا راضي ..

هذا مشروع مضمون 100% ومافي مخاطره بالمره ( لأني مشاركك )

عقبها احنا أغنيا أغنيا صج صج أغنيا ..

أول مشوار لك بعد الثراء الفاحش ... تروح مرعز ضروري !

اسمع كلامي وخذ بنصيحة أخ محب لك ومتعاطف معاك .. مو يقصون عليك

وديعه بالتمويل ... ولا تقوم تشتري عقار .. شنو قرعان احنا ..

دق علي بالدوانيه مع الربع قاعد 4845587​

 

[لندن]

شــوف اترك عنك كل هل النصايــح واسمع
منــي هل النصيحة
1- اذا حطيت افلوسك بالبنك وديعه كل
يوم تقعد اتفكر الف تفكيرمره اتقول اخاف
اخدعوني بالفايده ولفايده يمكن تنزل
ومره اتقول اخاف يفلس البنك
بكل الحالتين تفكير وعوار راس.
2-اذا اشتريت عقار مثل بيت يمكن تقعد
اتفكر وتخاف ينزل العقارواذا شريت شقه
كل يوم لاحق المؤجر تبي الايجار بكل
الحالتين عوار راس.
3-اذا دشيت فيهم السوق وشريت اسهم
كانك شاري حيه بوجرس ما تدري متي تلتقك .
الخلاصة:اذا حطيتهم بالبنك ولا بالعقار ولا بالاسهم
ماراح اتشوف بعدهاافلــوسك لان اذا دشوا السوق
ماراح يطلعون والحبل علي الجرار.
النصيحـــــــــــــــــــــــــــــــــــــــــــــــــــــه
حطهــــــــــــــم تحــت المخــــــــده وقبل لاتنــام
شوفهم وشمهــم وردهم مكانهم واذا قعدت من النوم
اول شي اتســوي شمهــم لان اذا ادخلـوا السوق بعدها
حتي شمــه ماراح اتشمهــــم

هههههههههههههههههههههه طيب عقب الشم ترد روحه يعني

 

[BUTTERFLY]

هههههههههههههههههههههه طيب عقب الشم ترد روحه يعني

علي الاقــل يشوفهــم كل اليــوم
مو احسن مني ومنك موقادرين انشوف
افلوسنا كل ما بعت سهم رحت ركض
تشتري سهم ثاني لا وتزيدهم بعد
من المعاش علشان اتغطي المبلغ ابصراحة
متي شفت افلوسك اخر مــره:D

 

[عديل الروح]

استثمر فلوسك في بيع وشراء الأراضي أو العقار

إما في البحرين أو قطر

راح تسأل نفسك سؤال تقول اشمعنى ما قلت الكويت

لأن العقار في الكويت ارتفع ارتفاع مو طبيعي ويعتبر في أعلى قمة حاليا

وإبعد عن البورصة علشان تحافظ على صحتك ونفسيتك ودوخة الراااااس ​

 

[فوركسي]

علي الاقــل يشوفهــم كل اليــوم
مو احسن مني ومنك موقادرين انشوف
افلوسنا كل ما بعت سهم رحت ركض
تشتري سهم ثاني لا وتزيدهم بعد
من المعاش علشان اتغطي المبلغ ابصراحة
متي شفت افلوسك اخر مــره:D

انزين اخوي بترفلاي ليش ما نخلي عنده ربطه ربطتين لزوم الشم والباجي اندخلهم له بالسوق ؟