ليش السوق الكويتي مايجذب أهل الخليج؟نرجوا المشاركة الهادفة

[عصويد]

السوق الكويتي منظم وسوق من أقدم الاسواق الخليجية..وسوق يتمتع بنظام دولة ديمقراطي.. السؤال ليش الاسواق الخليجية تجذب المستثمر الكويتي والسوق الكويتي لايجذب الخليجيين ؟؟؟؟نرجوا فتح النقاش لتعم الفائدة.

 

[caca]

انا اقولك ليش لانه ماعندهم اى معلومه عن البورص ولا عن تقيم السهم والبيانات المالية يعنى حديثين العهد...
يعنى لوترجع اربع اسنين 95% كانو ما يعرفون الاسهم وكيفية التداول فيهاا...
اتصدق انى اعرف السعودين ايىتداول ولايطالع الشارت بس يشوف اعلى سعر وادنى سعر ولا يعرف اى معلومه عن السهم ....
يعنى فى جهل فى تقيم البورصاة عندهم...
ولا السوق الكويتى من افضل الاسواق الخليجيه...

 

[adel1968]

اعتقد السبب الشفافيه عندنا السهم يشبع صعود بعد ما يشبعون التجار منه يحطلك الخبر يخليك تاخذ السهم واهوه يبعه عليك بالصاعد واذا طلع الخبر قبل نفته الشركه وبعدها بجم يوم يردون ياكدون الخبر
بصريح العباره عندنا حراميه محترفين وكل يوم قانون تعجيزي من مصلحة الحراميه

 

[BO-MUBARAK]

انا اقولك ليش من خلال خبرتي للخمس سنوات عشتها ويا الاماراتيين

هذولييي ناس مايفكرون الا بالعقار والتجاره الاستيراد والتصدير وتوهم من 3 سنوات اهتمووو بالبورصة وثاني قوانينهم تجاريه بحته ولا تتدخل الاسر او العوائل وتتحكم بالسوق نفس اللي عندنا

اخرة الكلام ان البورصة عندنا فيها خطوررره كبيره صج هذا اللي عرفته شلون المجاميع اقصد العوائل المتنفذه في السوق تتحكم باللعب فيه اذا زعلت من مسئول بالبلد والا اداره البورصة محاوله على قولة القايل كسر عظم ؟؟!!! منو ادارة البورصة والا صغار المساهمين

 

[محام]

السؤال ليش الكويت بكبرها غير جاذبة لاي نوع من الاستثمار

 

[وحش السوق]

السوق الكويتي منظم وسوق من أقدم الاسواق الخليجية..وسوق يتمتع بنظام دولة ديمقراطي.. السؤال ليش الاسواق الخليجية تجذب المستثمر الكويتي والسوق الكويتي لايجذب الخليجيين ؟؟؟؟نرجوا فتح النقاش لتعم الفائدة.

السلام
منو يقول انهم ما يدشون بسوق الكويت .....انا بنفسى مدلى بعض الشباب الخليجيين على طريقة التعامل بالسوق الكويتى ....وقاعد يدشون ويطلعون وبكميات كبيرة