سعر يرميل النفط قاعد ينزل توقعاتكم سياثر على السوق ننتظر ارائكم

[لورد ستار]

نلاحظ تراجع اسعار النفط فهل سيكون لها تاثير على السوق في الايام القادمه من لديه راي في هذا الموضوع فاليتفضل مشكورا 0تقبلوا تحياتي

 

[chandler]

أعتقد التراجع وقتي، والإتجاه العام صعود
مافي أي تأثير يذكر على سوقنا

 

[لورد ستار]

اشكرك اخي على هذا الراى واتمنا ان يكون مؤقت حتى لايكون سلبي على الاقتصاد المحلي 0 تحياتي لك

 

[kakpal]

سعر برميل النفط راح يتعدا 100 دولار

نلاحظ تراجع اسعار النفط فهل سيكون لها تاثير على السوق في الايام القادمه من لديه راي في هذا الموضوع فاليتفضل مشكورا 0تقبلوا تحياتي

النزول هذا جني أرباح سريع ولاتحاتي في صعود مقبل وقوي جدا

والذهب فيه جني أرباح وتصحيح سعري جديد

كذالك الين راح يكون مابين 111 ألى 107 مقابل الدولار

ولاتنسى راح يتم تخفيض الفايده للمحافظه على التضخم الحاصل والضغط من قبل الرهان العقاري بأمريكا وهذا يزيد الطين بله يعني راح ينزل الدولار للأدنى في الأسبوعين القادمين وبتشوف اليورو بمستويات عاليه جدا

وهذا يأيد صعود سعر برميل النفط والذهب بالمقابل كذالك

وراح يحافظ على مستويات سعره البرميل النفط مابين 92 دولار 102 دولار

خلال شهر

والله المستعان

 

[راعي فزعة]

شنو استفدنا من ارتفاع سعر النفط ؟؟؟ ضريبة ارتفاع السعر حنا اللي ندفعه نتيجة ارتفاع اسعار كل شئ والراتب ما تغير

 

[chandler]

حالياً، مافي فايدة! أول الصعود كانت الفايدة الحركة والربح من البورصة

بس بعدها، رجع لنا الارتفاع عايدي! بصورة تضخم!
الأرباح اللي تطلعها من السوق وحتى العقار ما تلحق على الزيادات الكبيرة في السلع، المعيشة ، مواد البناء (حديد، اسمنت) الخ

قالوها في بداية ارتفاع النفط!
الحين صارت واقع!!

 

[مستثمر عنيد]

خلوووه ينزل علشان اسعار المواد تنزل

محد ماكلها الا المواطن المسكين

 

[مستثمر عنيد]

شنو استفدنا من ارتفاع سعر النفط ؟؟؟ ضريبة ارتفاع السعر حنا اللي ندفعه نتيجة ارتفاع اسعار كل شئ والراتب ما تغير

اؤيد كلامك وبشدة

 

[السور]

خله يحترق احنا شنو استفدنا غير الفقر !!

 

[خوش خبر]

النفط

صعد البترول ونزل السوق عندنا خله ينزل يمكن سوقنا يستعدل الله كريم

 

[adel1968]

وانا وياكم بعد ما نبيه خل نرجع نفس قبل الجار يعرف الجار وانطيحله باجا وموش لانه النفط ما فادنا حالتنا للاردي لا خدمات ولا مستشفيات ولا كهرباء شنو فادنا ولا شي كلماله للاسوأ محد مستفيد الا ناس معينين والحراميه وناس مالهم ولاء للبلد ولاءهم للدينار والله يعز ...........
ما اقول الا الحمدالله علي الصحه والعافيه ويا الله ارزق الفقارا المساكين

 

[مستثمر عنيد]

وانا وياكم بعد ما نبيه خل نرجع نفس قبل الجار يعرف الجار وانطيحله باجا وموش لانه النفط ما فادنا حالتنا للاردي لا خدمات ولا مستشفيات ولا كهرباء شنو فادنا ولا شي كلماله للاسوأ محد مستفيد الا ناس معينين والحراميه وناس مالهم ولاء للبلد ولاءهم للدينار والله يعز ...........
ما اقول الا الحمدالله علي الصحه والعافيه ويا الله ارزق الفقارا المساكين

وازيد على كلامك اخي الكريم

البلد كل ما الله يرزقها ثروات ومال واسعار نفط زينة بعدها كل ما يزيد عملية شد الحزام والبخل على المواطن من كل النواحي

 

[بو عزؤوؤز]

مادري شنو مستفيدين ارتفع او نزل المواطن هو المتضرر اذا ارتفع قالو كل شيئ ارتفع عالميا كل شيئ واذانزل قالو البلد مديونةالله يرحمنا برحمتة والله انا واحد من الناس اني اتمنا من الله ان يحفظ بلادنا من الفتن والحسد الموجود في قلوب بعض الناس احذرو الاعصار القادم من ؟؟؟ المدمر الذي لايبقي ولا يذر ----عليك بتقوئ الله ان كنت غافلا *ياتيك بالارزاق من حيث لاتدري

 

[xENGx_1]

ماستفدنا من طلعته ياشباب ولا فلس ولكن راح تاكلونه اذا نزل سعره عن 70 وتذكرو كلمتي والشاطر يفهم

 

[البواردي]

لو يتأثر السوق بسعر النفط جان شفنا السوق بعز ازمته صاعد
السنه اللي طافت والسوق قاعد ينزل كان النفط قاعد يرتفع
ان شاء الله كلامي يطلع صحيح وما يتأثر بالنزول

 

[لورد ستار]

اشكركم اخواني على هذه الاراء الطيبه وبالفعل عندما نرى النفط يصعد يقولون كل شيء صار غالي في العالم واذا نزل قالو ا النفط نازل مانقدر نزيد الرواتب ولافيه علاوات لكن انا اقول اللة يحفظ ديرتنا الغاليه الكويت الي حاقظه كل مسلم فقير في بقاع الارض -- ادعو معاي اللهم احفضها من كل مكروه امييييييييييييييييييييييييييييييييييين يارب العالمين 0تحياتي الخالصه لكم