مواليد الستينات والسبعينات فقط يدخلون ..

الموضوع في 'إستراحة المنتدى' بواسطة بوغمازات, بتاريخ ‏17 نوفمبر 2007.

  1. بوغمازات

    بوغمازات عضو نشط

    التسجيل:
    ‏15 مايو 2007
    المشاركات:
    2,416
    عدد الإعجابات:
    2
    وطبعا مواليد الخمسينات داشين معانا بالحسبه


    تذكرون لما اييلك واحد مليق من العايله اكبر منك ويقولك تبي اسويلك ساعه وانت تمدله ايدك ويقوم يعضك ذيج العضه اللي توارص منها.



    تذكرون لما كنا نصور فوري عند مصور الجمعية وطبعا غصبن عليك الخلفيه زرقه مو بكيفك ولازم تمشط شعرك بالمشط اللي عنده كله شعر وبعدين يقصلك الصورة بالآله اللي عنده ام ذراع والاطراف مشرشره يعني يكون حركه.



    تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتيــــــــــي فـــــــــــي تاتي والصفقه بصبعين بس .... صج كان منهج صعب.



    تذكرون لي شفت واحد عنده سيارة مرسيدس كان يحوشك فضول الا تبي تعرف شنو اكو بالصيدليه اللي ورى بالسياره ونقعد انطلطل بالسياره واخر شي يطلع( بلاستر وباندج)



    تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما ينفلون مع 6 كشاكيل-



    تذكرون المعجون الصغير اللي ريحته تبط الراس ومعاه عود لونه احمروكنا نبطله بالمقلوب ونرعصه ونلف العود عليه وننفخ عشان نسوي
    تفاخيه وطبعا لاتفاخيه ولا قالها الله لين تطلع بلاعيمك منه.



    تذكرون لما كانوا الاولاد يلعبون كره مبارات بالفريج واذاكان واحد من الفريق ناقص لاعب بعد ما يبيله قولجي دفاع هجوم ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر


    تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيــــــعه شنو هالشفاحه من لاحقكم خخخخخ.



    تذكرون يوم الجمعة ... نقعد من الصبح علشان نسمع أغنية في عالم الشعوب قصائص لا تنتهي وعالم حلو بهي يسكن في قلوب في قصص الشعوب.



    تذكرون لما كانوا بالصيف يسبحونا من الطشت والمغرافه الزرقه او الحمره لوول وانت تتنافض من البرد وتنطر متى يكتون عليك ماي اي بطل الدوش وفك عمرك....ياسلام على سياسة ترشيد المياه منذ القدم.



    تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق
    خدامتكم تلاقي اصابيعك اتعربك.....صج كانت معاناة بالعيشه.



    تذكرون لما نرجع من الزواره كنا انتناجر منو اللي ينسدح ورىبالسياره صوب الجام ويطقها نومه لي البيت لالا ويتحرش بخوانه ينزل ريله عليهم يعني يكون حارهم لوووووول



    تذكرون لما كنا نربط الشرشف او الفله على رقبتنا يعني يكون سوبرمان ونصعد فوق الكبت وانط على الدواشق واخر شي طاب غلط ومنكسره ايدك....

    تذكرون شريط الشراغي الاحمر اللي اذا اخترب المسدس ماله مايبيله كلام حًول على كعب الوالده وكمل عليه بالكاشي والا على عتبة الباب اخر شي الوالده مكمله عليك بالكعب لووووووول


    تذكرون لما كنا نحط قوطي السانكست بالفريزر عشان يثلج مع العصير الطوالي بونصين وكل ماتروح تبي تاخذه تلاقي الوالده منزلته تحت وماثلج.....راحت الفرحه.



    تذكرون لما كان الاولاد يغسلون الحوش بالويك اند قمة الوناسه يمسك المساحه يعني يكون بيساعد واخر شي طايحله سكيتنج على الكاشي لوووووول وبالليل رايح الاميري.


    تذكرون لما كنا نستقبل الحجاج عند الحدود من زود الفرحه واللهفه على الصوغه واخر شي جم مسواج وقحفيتين والكاميرا الحمره وسياده والبنات قطعه خام مالت هنود وساعه مينتها صغيييييييره.


    تذكرون لما كنا نحب عبدالرحمن العقل ونروح مسرحياته السندباد والزرزورر والف باء تاء ولما الحرامي يكون وراه نصرخ من قمة راسنا ورااااااك وراااااااك واهوا يقول وينه وينه يميييييين يميييييين....ياعيني على الاستهبال.



    تذكرون عزايم قبل والصماط المفروش على كبر الحوش اللي علىصورة ميوه ( فواكه ) وريحته لازم ريحة مطبخ وقاعدين على المده اللي لي قمت تلاقي ريلك كلها شخوط من المده....ياخي شنو هالزهد بس.


    تذكرون لما هبينا في اغنيه البحريني سليمان الزيمان ولييييييييي في ربوووووووع الشمال غرام حي وزنبقه طاهره وحاطين المسجل على قاري منتزه الخيران وحد الصوت العالي وطيحله فراره بالمنتزه



    تذكرون لما يبلشون الشباب يدخنون زقاير كل واحد حاط باكيت بمخباته ولافه بكلينكس عشان ما يبين من الدشداشه الصيفيه ولي شاف واحد من الربع يدخن يسأله السؤال المعهود (ها فلان تكنها ولا ما تكنها ) لووول شدعوه شي زين عاد ..وكان لازم مالبورو احمر شعار الرجوله.


    تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين
    على كل الكتاب وين الشي المهم مادري لوووول.


    تذكرون ايام الكشخه قبل كانت عباره عن سيارة هوندا بيضه اكورد باب واحد ولازق على الرقم من ورى شعار نادي الكويت يعني كووول وولد العاصمه والمشط بالدرج اللي على قبضة يد حق الجاكسون وحاط بالمسجل فرقة الدانه ولا عبدالكريم.

    تذكرون لما تطوروا الشباب بالطلعه عقب سوق الديره والعماره البيضه قاموا يروحون الصالحيه ويدشون محل محل ويتطمشون حجي هذا بجم وهذا بجم) لين يطردهم راعي المحل لما يعرف ان المخباة مافيها الا 1.500 حق الرده يا بالتاكسي ولا وانيت.



    تذكرون اول ما يبوق الصبيان سيارة الوالد كانت الريل اليمين على البانزين والريل اليسار على البريك من الثواره .... ولازم طبعا يمر على الربع بالفريج ايتشيحط عليهم....واديلوووووو بريك وبانزين


    تذكرون لما كانت جائزة البيبسي سياره بالمغاطي مالت البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره وصاير ماي مايوه.



    تذكرون لمايقول الاستاد ان هذي الصفحات ملغيه ايوااااااااااا تعال شوف التشخط اللي على الصفحه من فوووووووووق لي تحت ولا انشقها خير شر من الكتاب.....شدعوه هالحقد عاد......


    تذكرون لما اتهاوش مع ولد جيرانكم وتقوله وخرعن بيتنا وعن رصيفنا يقولك مو رصيفكم هذا رصيف الحكومه
    كلام منطقي الصراحه , لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ.



    تذكرون كمبيوتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول.


    تذكرون لما يروحون الصبيان السوق مع الوالد يشتري لهم خامات حق العيد ..اخر شي شاري طاقه كامله نفس اللون وتشوف باول يوم العيد من الوالد لي الاخو الصغير نفس الدشاديش (تقول فرقة التلفزيون لوووووووووووووووووووووووووول.)



    تذكرون لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا واخر شي منكسر ه ظهورهم....
    لووووووووووول.


    تذكرون المسجله السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف.....
    ترررررن تررررررن سكشن فايف.....هاي سوبر فالكون ههههههههه.



    تذكرون السشوار البيج بو جنطه بيضه تقول لاب توب مع الهوز جنه خرطوم طياره ( تشغله قبله بيوم عشان يصير حـــار.)..لوووووووووول


    تذكرون الكشكول الادعم اللي في صوره بابا جابر الله يرحمه ومن ورى صوره بعير والمسجد اللي بالضاحيه .


    تذكرون لما نقلد رقص مايكل جاكسون ونسوي حركه الرجعه وحركه الايد اللي على الجام ونغني بيييييييييييلييييييييييه بييييييييييلييييييييه شنو بيله مادري لووول.
     
  2. ياقوت

    ياقوت عضو جديد

    التسجيل:
    ‏18 فبراير 2006
    المشاركات:
    1,726
    عدد الإعجابات:
    0
    مكان الإقامة:
    kuwait
    شكرا
    على كثر مااقرى الموضوع ابتسم كل مره لانه ممتع
    بس على فكره مو بس مواليد الستينات والسبعينات انا 80 واذكر من هالاشياء
    ايام في قمة الروعة والبساطة :)
     
  3. aadm1

    aadm1 موقوف

    التسجيل:
    ‏22 يونيو 2005
    المشاركات:
    981
    عدد الإعجابات:
    2
    لووووووووووووووووووووول من واين امطلع هالسوووالف الله ياعن ابليسك
     
  4. سهم مرتاح

    سهم مرتاح عضو نشط

    التسجيل:
    ‏3 ابريل 2006
    المشاركات:
    1,244
    عدد الإعجابات:
    0
    مكان الإقامة:
    kuwait
    شغلات واجد يشتركون وياكم اهل الثمانينات
    بس سالفة توزيع الكشاكيل وتفصيل ملابس المدرسه وتوزيع الريوق مجانا مالحقنا عليها:)
     
  5. alajmiktv

    alajmiktv عضو جديد

    التسجيل:
    ‏23 ديسمبر 2004
    المشاركات:
    557
    عدد الإعجابات:
    0
    مكان الإقامة:
    kuwait
    الله يذكرك بالشهادة
     
  6. Bokandar79

    Bokandar79 عضو نشط

    التسجيل:
    ‏19 مايو 2007
    المشاركات:
    2,535
    عدد الإعجابات:
    1
    مكان الإقامة:
    Q8

    لووووووووووووووووول

    حسبي الله على ابليسك,,,
    كنت اغلط فيها ... لووووووووووول,, معنا كانت تافها,,,, بس لها معنى كبير بالوقت الحالي... يدل على برائتنا بايام الطفوله...
    لو تقولها حق اعيال اليوم يطالعك وناقد عالحركه,,,

    قواك الله ياخوي,,,
     
  7. مليونير بعد سنه

    مليونير بعد سنه عضو نشط

    التسجيل:
    ‏31 مارس 2006
    المشاركات:
    2,298
    عدد الإعجابات:
    31
    مكان الإقامة:
    الكويت الشقيقه
    تذكرون لما كان الاولاد يغسلون الحوش بالويك اند قمة الوناسه يمسك المساحه يعني يكون بيساعد واخر شي طايحله سكيتنج على الكاشي لوووووول وبالليل رايح الاميري.






    لوووووووووووول هذي صارتلي لووووووووووووووووول
     
  8. بوغمازات

    بوغمازات عضو نشط

    التسجيل:
    ‏15 مايو 2007
    المشاركات:
    2,416
    عدد الإعجابات:
    2
    مشكووورين علي الردود والمشاركات .............. واللي عنده ذكريات يقولونه عنها عشان نتذكر ونضحك :d
     
  9. ما أروعك

    ما أروعك عضو جديد

    التسجيل:
    ‏4 نوفمبر 2007
    المشاركات:
    651
    عدد الإعجابات:
    0
    مكان الإقامة:
    q8
    حتى الثمانينات لوووووووووول

    يسلمووو عالموضوع والله يعطييييييك العافيه حجي
     
  10. INFINITI

    INFINITI عضو نشط

    التسجيل:
    ‏19 سبتمبر 2007
    المشاركات:
    4,316
    عدد الإعجابات:
    2
    مكان الإقامة:
    راس العايــــر
    لوووووووووووووول صج ايام الصبا غير .. يعطيك العافيه وماقصرت حبيبي
     
  11. ولد البورصه

    ولد البورصه عضو نشط

    التسجيل:
    ‏5 يوليو 2006
    المشاركات:
    1,866
    عدد الإعجابات:
    38
    مكان الإقامة:
    فى بيت ابوى
    الموضوع ذكرنى بايام 77-الى82كاس العالم



    بس حلوه ماحشتك

    تذكرون لما تتهاوش مع ولد الجيران وتقوله ترى اعلم اسم امك..
     
  12. بوغمازات

    بوغمازات عضو نشط

    التسجيل:
    ‏15 مايو 2007
    المشاركات:
    2,416
    عدد الإعجابات:
    2
    ههههههه تذكرون الحلاو الملون اللي علي شكل طابوق جيري :) وبعض المرات انحطه في بطل البيبسي( بعد مو بيبسي كان كناددراي) :d
     
  13. ياقوت

    ياقوت عضو جديد

    التسجيل:
    ‏18 فبراير 2006
    المشاركات:
    1,726
    عدد الإعجابات:
    0
    مكان الإقامة:
    kuwait
    كنا نسميه حلاو بوطابوق :) ليلحين موجود ​
     
  14. ما أروعك

    ما أروعك عضو جديد

    التسجيل:
    ‏4 نوفمبر 2007
    المشاركات:
    651
    عدد الإعجابات:
    0
    مكان الإقامة:
    q8
    لوووووول
    ماعرفه هالحلاو
    والله زين عندكم ذكريات
    وإلي مايذكرر شي
     
  15. ولد البورصه

    ولد البورصه عضو نشط

    التسجيل:
    ‏5 يوليو 2006
    المشاركات:
    1,866
    عدد الإعجابات:
    38
    مكان الإقامة:
    فى بيت ابوى
    لووووووووووووووووووووووول كندادراى

    ولا فى آرسى
     
  16. بوغمازات

    بوغمازات عضو نشط

    التسجيل:
    ‏15 مايو 2007
    المشاركات:
    2,416
    عدد الإعجابات:
    2
    اهم شي أرسي(طعمه تمر وماي) ....وعندي تذاكر سينما الاندلس بو100 فلس .. من سنة 1982 للحين محتفظ فيهم :d
     
  17. ضحية المخازن

    ضحية المخازن موقوف

    التسجيل:
    ‏26 أغسطس 2006
    المشاركات:
    1,878
    عدد الإعجابات:
    0
    مشكور يابو غمازات على الموضوع والله انك رجعتني سنين ورا لايام الطفولة والبراءة ، وبغيت ازيد على نقاطك الحلوه
    1) تذكرون سيم المواعين لما نشب فيه نار ونقعد نلف فيه دائرة وتلقا الشرار يتطاير وحارق دشاديشنا.
    2) تذكرون لما كنا نقعد بالبراحه ونشب نار وكل واحد يجيب من بيتهم بطاطا ونقطها بالنار ونطلعها سوده ونقعد فتره نقشرها وتصير ادينا سود.
    3) تذكرون الدرباحه.
    4) تذكرون شنطة المدرسة اللي كنا نشيلها على ظهرنا بس احنا كنا نلبسها العكس على صدرنا على انها اكورديون.
     
  18. الخليجي 1

    الخليجي 1 عضو نشط

    التسجيل:
    ‏11 ديسمبر 2006
    المشاركات:
    782
    عدد الإعجابات:
    0
    تذكرون لما كانوا الاولاد يلعبون كره مبارات بالفريج واذاكان واحد من الفريق ناقص لاعب بعد ما يبيله قولجي دفاع هجوم ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر

    تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق
    خدامتكم تلاقي اصابيعك اتعربك.....صج كانت معاناة بالعيشه.

    تذكرون لما كنا نحط قوطي السانكست بالفريزر عشان يثلج مع العصير الطوالي بونصين وكل ماتروح تبي تاخذه تلاقي الوالده منزلته تحت وماثلج.....راحت الفرحه.


    تذكرون لمايقول الاستاد ان هذي الصفحات ملغيه ايوااااااااااا تعال شوف التشخط اللي على الصفحه من فوووووووووق لي تحت ولا انشقها خير شر من الكتاب.....شدعوه هالحقد عاد......

    تذكرون المسجله السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف.....
    ترررررن تررررررن سكشن فايف.....هاي سوبر فالكون ههههههههه.

    تذكرون الكشكول الادعم اللي في صوره بابا جابر الله يرحمه ومن ورى صوره بعير والمسجد اللي بالضاحيه

    هذوله اذكرهم هههههههه والله أيام حلوه
     
  19. بو سريع

    بو سريع موقوف

    التسجيل:
    ‏6 نوفمبر 2007
    المشاركات:
    493
    عدد الإعجابات:
    0
    تذكرون شوربة العدس مع الروتي
    تذكرون برد بوثلج
    تذكرون ينومنا بالروضة وهدونا الساعة 4 العصر
    تذكرون الصبيان يلعبون مقصي والبنات يلعبون حيلة
    تذكرون دعاية بدك ترح البحر مابدي بدك شكولاتة ويفا ياي
     
  20. بوغمازات

    بوغمازات عضو نشط

    التسجيل:
    ‏15 مايو 2007
    المشاركات:
    2,416
    عدد الإعجابات:
    2
    هههههههههههه والله مصيبه ذكريات قبل .... ذكرتوني بعد ايام الروضه لما يحطون المرهم الاصفر بعيوننا :cool: ولا لعب التيل ( طنب واورطه وملاحق):D