مجلس الوزراء

[makandari]

تبون حل للكوادر ببساطه تكون للكويتين فقط.
تبون حل لزيادة المعاشات تكون للكويتين.

ليش حاشرين الاجانب معانا. يعني دكتور مصري توه متخرج من مصر لا خبره ولا شيئ ليش يدش بالكادر و ياخذ 35000 جنية بالشهر (1500 دينار) حتى رئيس مجلس الوزراء في ديرته ما ياخذ هل كثر.

 

[cocacola]

موضوع استقالات الدكاتره صجيه 220 دكتور عندهم عروض من المستشفيات الخاصه بالكويت و دول الخليح
شوف دول الخليج جم معاشات الدكاتره 6 اضعاف
نصيحه صير دكتور لاسبوع واحد وراح تكره انك ديشيت الطب
واح من الاهل مايشوف زوجته اكثر من 3 مرات بالاسبوع لان اهو وزوجته دكاتره طبعا مافي وقت يربون اعيالهم كله على الاهل
يا اخي الدكتور مو انسان

 

[المرزوق]

الصبر زين ان شا ءالله الحكومه تفكر بحل يستفيد منه جميع الفئات اقبض من دبش
خلكم علي عضاعض الشريب ترا الشعم يضرب عليها

 

[الراقي]

مو عنك عن اللي ينسون المقصات في بطون الأوادم
توقعتك تقراها وتعلق عشان جذي ماطبيت في كل الأطباء

ليو لاتصير نحيس ترى انا معاك في دار وكل الموضوع مقص واحد

 

[DR_SQR]

ليو لاتصير نحيس ترى انا معاك في دار وكل الموضوع مقص واحد

يبا الموضوع وما فيه ان المريض كان حامل بالمقص

 

[الراقي]

يبا الموضوع وما فيه ان المريض كان حامل بالمقص

هذا مقص ودوخونا فيه شلون لو ناسين سلندر غاز

 

[easy*money]

مشكلتنا ككويتيين محنا عارفين شنو اللي قاعد يصير بالبلد...........
واحسن شي نعرفه انا نحسد بعض.............
يا جماعة عندنا اجانب مثل المصريين والسوريين وغيرهم من الناس اللي لا كفاءه ولا بطيخ قاعد ياخذون رواتب خياليه وبالمقابل قاعدين يشتغلون شغل جدا بسيط يعني هذول اذا سمعتوا معاشاتهم ليش ما تقولون انه هذول ما يستحقون او انهم ينسون المقصات في بطون العالم او غيرة من هالحجي الفاضي واذا اقرت زيادة حق الكويتي اللي منكم وفيكم ويستاهل كل دينار فيها عصبتوا وحسدتوه
طبعا بالنهايه انا ما اقصد الكل ولكن البعض من اهل النفوس المريضة​

 

[Ali Baba]

احب اشوووف نفسياات الموظفيين باااجر بعد الوناسه والتبريكااات

صج كسره صح

 

[DR_SQR]

هذا مقص ودوخونا فيه شلون لو ناسين سلندر غاز

بعدد هالخبر وحياتك مو سلندر عدة العمليات كلها راح تنسه بطنه

 

[DR_SQR]

احب اشوووف نفسياات الموظفيين باااجر بعد الوناسه والتبريكااات

صج كسره صح

انا اولهم اقولك النفسية زبالة تكرمون

 

[Master-Leo]

ماني نحيس يا الراقي الأطباء الكويتيين على راسي وأكفأ من كثير من الغير كويتيين ومبدأ الثواب والعقاب مطلوب بكل مكان حسب اهميته وأنا عندي مداخله

الغير كويتي شكو ياخذ كادر بالأساس !!؟؟ عندكم التطبيقي مثال بسيط روحوا سألوا هيئة

التدريس منو وضع الكادر لهم ؟ ناس غير كويتيين وضعوا الكوادر هناك وشوفوا شكثر ياخذون رواتب

حاطين حق روحهم كوادر احسن من الكويتي اللي يشتغل هناك ومايتعبون نص تعب الأطباء

وموظفي النفط هذا مو ظلم ؟ موظف كويتي مثل الطبيب أو العامل بالنفط ياخذ راتب أقل منهم

وهو قاعد يتعب أكثر لا والمشكله لما تروح تقدم عندهم للتوظيف يفضلون الغير كويتي على الكويتي !

والله مالوم الكويتي لما مايشتغل عدل ولايجابل شغله من كثرة الإحباطات اللي يشوفها يوميا

 

[BO-MUBARAK]

تبون الصراحة والله انا عندي بالدوام الاجانب ما يداومون ورخص على كيفك وتخليص معاملات حق المدرا وجتي بانزين وسيارات الوزاره لهم وحوافز مادية وبدلات !!!!!!!

والكويتيين مغضوب عليهم بالاداره ولالالا والاجانب عندهم وظائف ثانيه اما الكويتي اذا اشتغل بطووووووووووووه بط

انا اقولكم الكويت مو للكويتيين اخخخخخخخخخخخخ يالكويت

 

[wa7dany]

أول شي أقول حق الجماعة اللي تشمتوا بإلغاء الكوادر مشكورين على أرواحكم الطيبة المحبة للخير لأخوانكم.. انزين الحكومة ما عطتكم روحوا طلعوا مراجلكم عليها وأخذوا حقكم منها ليش تتشمتون؟ ذكرتوني بالمثل اللي يقول: أم ناصر.. لسان طويل والحيل قاصر

ثاني شي أحب أقولكم جريدة العفن الوحيدة اللي قاعدة تبث الإشاعة هذي كنه محد عنده مصادر بمجلس الوزراء إلا هم..

يبا فتحوا عيونكم ولا تصيرون امعات.. فيصل الحجي وهو وزير شئون مجلس الوزراء المختص بإخبارنا باللي دار في اجتماعات مجلس الوزراء الأسبوعية مصرح و تصريحة منشور بموقع وكالة الأنباء الكويتية.. ما جاب أبدا أي طاري لموضوع إلغاء الكوادر اللي سبق وأن أقرها مجلس الخدمة المدنية قبل يومين وهي كوادر الأطباء والكويتية والقطاع النفطي.. انما ذكر فقط خبر الدراسة الشاملة لرواتب باقي الموظفين اللي راح تتم في فبراير

رجاء لا تألفون على روسنا.. وهذا الفرق بين الأطباء والمهندسين و باقي الموظفين العاديين (مع احترامي لكم) انه احنا ما نمشي مع الخيل يا شقرا و أي شي نسمعه نركض نقوله.. انما نعتمد على أرقام و كلام موثوق

كبروا مخوخكم.. و أبشركم الكوادر بــــــــــــــــــــــــــاقــــــــــيـــــــــة ولا عزاء للحساد اللي حاسدين أخوانهم على رزق الله رازقهم إياه

اللي باط جبدي وقاهرني ان الزيادات هذي اللي يايتنا مو ماخذينها من معاشاتكم.. ليش تعصبووووووووووووووون؟؟؟؟؟؟ و يقولون مو حسد!!!!!! عيل الحسد شلون صاير؟ أخضر أصفرلو أزرق؟

 

[piccadilly]

ليش ما تتذكرون قبل الغزو.منو كان القيادين باكثر الوزرات موكانوا الفلسطينين الكويتى كان حده اذا صار صار رئس قسم .والحين بدال الفلسطينين يابوا المصاروه والسورين بدالهم.ما اقول الا الله يحفظ الكويت
الصراحه الكويت ماشيه على البركه الله يستر. سلام

 

[DR_SQR]

أول شي أقول حق الجماعة اللي تشمتوا بإلغاء الكوادر مشكورين على أرواحكم الطيبة المحبة للخير لأخوانكم.. انزين الحكومة ما عطتكم روحوا طلعوا مراجلكم عليها وأخذوا حقكم منها ليش تتشمتون؟ ذكرتوني بالمثل اللي يقول: أم ناصر.. لسان طويل والحيل قاصر

ثاني شي أحب أقولكم جريدة العفن الوحيدة اللي قاعدة تبث الإشاعة هذي كنه محد عنده مصادر بمجلس الوزراء إلا هم..

يبا فتحوا عيونكم ولا تصيرون امعات.. فيصل الحجي وهو وزير شئون مجلس الوزراء المختص بإخبارنا باللي دار في اجتماعات مجلس الوزراء الأسبوعية مصرح و تصريحة منشور بموقع وكالة الأنباء الكويتية.. ما جاب أبدا أي طاري لموضوع إلغاء الكوادر اللي سبق وأن أقرها مجلس الخدمة المدنية قبل يومين وهي كوادر الأطباء والكويتية والقطاع النفطي.. انما ذكر فقط خبر الدراسة الشاملة لرواتب باقي الموظفين اللي راح تتم في فبراير

رجاء لا تألفون على روسنا.. وهذا الفرق بين الأطباء والمهندسين و باقي الموظفين العاديين (مع احترامي لكم) انه احنا ما نمشي مع الخيل يا شقرا و أي شي نسمعه نركض نقوله.. انما نعتمد على أرقام و كلام موثوق

كبروا مخوخكم.. و أبشركم الكوادر بــــــــــــــــــــــــــاقــــــــــيـــــــــة ولا عزاء للحساد اللي حاسدين أخوانهم على رزق الله رازقهم إياه

اللي باط جبدي وقاهرني ان الزيادات هذي اللي يايتنا مو ماخذينها من معاشاتكم.. ليش تعصبووووووووووووووون؟؟؟؟؟؟ و يقولون مو حسد!!!!!! عيل الحسد شلون صاير؟ أخضر أصفرلو أزرق؟

هدي اعصابك اخوي وحداني ان شاء الله ماكو حسد انا دكتور ومتضايق من اشاعة الوطن بس هم ما الوم باقي الناس الاسعار نار والمعاشات مثل ما اهي وطبع الانسان غيور بس مافي داعي حق العصبية وبالتوفيق

 

[Master-Leo]

هدي اعصابك اخوي وحداني ان شاء الله ماكو حسد انا دكتور ومتضايق من اشاعة الوطن بس هم ما الوم باقي الناس الاسعار نار والمعاشات مثل ما اهي وطبع الانسان غيور بس مافي داعي حق العصبية وبالتوفيق

زين واللي كان ياخذ كادر 300 دينار وشالوه منه بحجة ان مخالف لقوانين الخدمه المدنيه هذا شنو يسوي ؟؟!؟

 

[DR_SQR]

زين واللي كان ياخذ كادر 300 دينار وشالوه منه بحجة ان مخالف لقوانين الخدمه المدنيه هذا شنو يسوي ؟؟!؟

الديرة ماشية جذي ليو شنسوي الحين اذا الاسنشاريين الخبرة راحوا شراح يصير بالوضع الصحي زيادة

 

[Master-Leo]

تبون الصراحة والله انا عندي بالدوام الاجانب ما يداومون ورخص على كيفك وتخليص معاملات حق المدرا وجتي بانزين وسيارات الوزاره لهم وحوافز مادية وبدلات !!!!!!!

والكويتيين مغضوب عليهم بالاداره ولالالا والاجانب عندهم وظائف ثانيه اما الكويتي اذا اشتغل بطووووووووووووه بط

انا اقولكم الكويت مو للكويتيين اخخخخخخخخخخخخ يالكويت

خلني أزيدك انت تعال شوف اللي عندنا الغير كويتيين صاروا يسوون واسطات حق الكويتي والغير كويتي !!!!

وفوق هذا يسوون واسطات حق عيالهم و إييبونهم من بلدانهم ويتعينون عندنا

واحنا عيال الديرة لو نفحط حتى صباب قهوة مانقدر نوظف !

 

[wbg]

مصادر: الحكومة تتجه لوقف كل الكوادر حتى فبراير
الحجي : اوامر سامية للحكومة بدراسة زيادة رواتب الموظفين
6:58:46 Pm 11/19/2007
الآن- محرر المحليات



علمت أن توجها بوقف كافة الكوادر، وبأن الحكومة تدرس زيادة الرواتب جميعا، على أن تبت الحكومة في هذه المسألة في وقت لاحق. وقالت مصادر أن الحكومة ترى بأن الإضرابات هي محاولة للي ذراع الحكومة من قبل النقابات لفرض زيادات غير مدروسة في الرواتب.

من جهة أخرى، اعلن نائب رئيس مجلس الوزراء ووزير الدولة لشؤون مجلس الوزراء فيصل حجي بوخضور اليوم انه بناء على اوامر سامية من حضرة صاحب السمو امير البلاد الشيخ صباح الاحمد الجابر الصباح قرر مجلس الوزراء دراسة زيادة الرواتب والاجور لكافة الموظفين الكويتيين في القطاع الحكومي.
وقال الوزير بوخضور عقب الاجتماع الاسبوعي لمجلس الوزراء ان الحكومة كلفت ديوان الخدمة المدنية بالتعاون مع البنك الدولي واي مؤسسات تخصصية اخرى دراسة هذه الزيادة بحيث تنتهى في موعد اقصاه نهاية شهر فبراير المقبل.واكد ان دراسة زيادة رواتب كافة الموظفين الكويتيين في القطاع الحكومي تأتي 'لمعالجة الاختلالات في الرواتب ومجابهة الزيادة المضطردة في الاسعار'.
كما اكد ان هذه الزيادة ستأخذ بعين الاعتبار ظروف وطبيعة عمل كل جهة حكومية.واعرب بوخضور عن امله بأن يتيح جميع الموظفين فى الوزارات والمؤسسات والجهات الحكومية الفرصة للاجهزة المعنية المتمثلة بديوان الخدمة المدنية بالتعاون مع الجهات المتخصصة لدراسة الرواتب واعطائهم الفرصة لتقديم دراستهم فى موعد اقصاه نهاية شهر فبراير المقبل .

 

[wbg]

الحكومة تهدد المضربين عن العمل باجراءات قانونية ضدهم

8:15:42 Pm 11/19/2007
الآن- محرر المحليات



هدد مجلس الوزراء في اجتماعه الاسبوعي اليوم باتخاذ اجراءات قانوية ضد الجهات التي تنفذ اعتصامات واضرابات احتجاجية لتحقيق مطالبها . واعلن مجلس الوزراء عن رفضه لهذه الممارسات مشيرا الى انه كلف الجهات المعنية بمباشرة الاجراءات القانونية المناسبة ومحاسبة كل من يمارس الاضراب عن العمل ويتسبب في تعطيل المصالح الحيوية للمواطنين.

واستندت الحكومة في تهديدها لاحكام المادة 26 من الدستور التى تنص على ان الوظائف العامة خدمة وطنية تناط بالقائمين بها ، وكذلك المادة 24/2 من مرسوم قانون الخدمة المدنية الذي يلزم الموظف ان يخصص وقت العمل الرسمي لاداء واجبات ظيفته ويجوز تكليفه بالاضافة الى ذلك بالعمل في غير الاوقات الرسمية اذا اقتضت ذلك مصلحة العمل او طبيعة الوظيفة والفقرة الاولي من المادة 27 من ذات المرسوم بالقانون وتنص على ان كل موظف يخل بالواجبات او يخالف المحظورات المنصوص عليها في القوانين واللوائح يعاقب تأديبيا وذلك مع عدم الاخلال بالمسؤولية الجزائية او المدنية عند الاقتضاء.
واشار مجلس الوزراء الى انه استعرض مايتردد في الصحافة وغيرها من تهديد وتحريض من قبل بعض العاملين في بعض الاجهزة الحكومية الحيوية للقيام باضراب عن العمل بهدف الضغط على الحكومة لاجبارها على تلبية مطالب مالية او غيرها من المزايا الوظيفية.
واوضح بانه انطلاقا من حرصه على تحمل مسؤوليته في الالتزام باحكام القانون ومقتضيات المصلحة الوطنية فانه يؤكد رفضه القاطع لجميع وسائل الاضراب والامتناع عن العمل او التهديد بها ومحاولات فرض الامر الواقع بما يمثله ذلك من اسلوب غريب على مجتمعنا الذى جبل على الحوار الواعي المنضبط في اطار المصلحة الوطنية العامة ناهيك عما ينطوي عليه ذلك من اضرار بالمصلحة الوطنية العليا وبمصالح المواطنين.