عاجل / الحكومة تدرس زيادة رواتب الموظقين بناء على اوامر من سمو امير البلاد

[1st choice]

وقال الوزير الحجي عقب الاجتماع الاسبوعي لمجلس الوزراء ان الحكومة كلفت ديوان الخدمة المدنية بالتعاون مع البنك الدولي وأية مؤسسات تخصصية اخرى دراسة هذه الزيادة بحيث تنتهي في موعد اقصاه نهاية شهر فبراير المقبل ، موكدا ان دراسة زيادة رواتب جميع الموظفين الكويتيين في القطاع الحكومي تأتي «لمعالجة الاختلالات في الرواتب ومجابهة الزيادة المطردة في الاسعار».

3 شهور لدراسة الزيادة...يعنى بالمشمش

 

[مستثمر عنيد]

ليش خلوها في فبراير

يعني هدية العيد الوطني​

 

[جوكوزال]

الله كريم وهو الرزاق سبحانه ولا راح تاخذون الا الي الله كاتبه لكم

 

[اليوفى]

[SIZE="4[COLOR="Red"]"]يا جماعه اى زياده رواتب اى بطيخ[/COLOR]

شكثر بيزيدون 50 او 100 دينار شتبي تسوى شوفو الاسعار وين شلعت فوق

شوفو اسعار بيوت الحكومه اقل بيت يسوى 130,000 الف
اسعار الاراضى نار 375 متر بمنطقه دايخه قيمتها 150,000 الف
اسعار الايجارات نار 400 دينار وفوق
وكل يوم التجار يهددون المواطنين بزياده المواد الغذائيه ( الجمعيات )

وغيره وغيره

الله المستعان[/SIZE]

 

[مضارب شجاع]

المفروض من الحكومه وللعداله الاجتماعية بين المواطنين الغاء جميع الكواد التى صرفت بغير وجه حق وبعض الادارات اخذت الكادر عن طريق الواسطات والمعارف
وزيادة جميع الموظفين بنسبة 30 % كل على حسب درجته الوظيفية من الراتب الاساسى
وبهذه الطريقه تكون هناك عداله بين المجتمع فى توزيع الثروات
اما ان ادارة تأخذ كادر وادارة ما عندهم واسطه ما يأخذون كادر !!!!!!! هذا شئ فيه نوع من الظلم ويسبب الحق والغيره والحسد بين الموظفين فى جميع القطاعات الحكومية

 

[السوق الكويتي]

ظلم مابعده ظلم اصاب مهندسي القطاع النفطي ,,

نحن طالبنا بزيادة الرواتب واقرار كادر المهندسين أسوة بالوزارات .. ولكن الحكومة قالت لا ,, راح نزين الكل بالقطاع النفطي مو بس المهندسين ...

كلام جميل !


والآن بعد رفض الزيادة رجعنا الى النقطة صفر ,, ويظل المهندس بالقطاع النفطي مظلوم ,, ليش ؟

لأن قرار زيادة الكل بجميع القطاعات الحكومية راح يجعل معاش من حاشه من الكادر المهندسين يزيد مرتين !! مرة بالكادر ومرة الحين !! واحنا المهندسين بالقطاع النفطي بس زيادة مرة وحدة هذا اذا اقروها !!

يعني راح يظل مهندس بالوزارة افضل من مهندس بالقطاع النفطي وشتان بين طبيعة عمل الوزارة وعمل القطاع النفطي ...

ديرة متروووسة تخبط بالقرارات والقوانين والمماطلات ... واااااه من الحسد والغيرة !

 

[خالدالمطيري1]

يا أخواان أنا
علي يقين لو
زادو الرواتب
نروح فيهاا من زياادة الأسعاار
يعني لو زادو الرواتب مثلا خمسين دينار
راح يزيد مصروف البيت ألي 100 دينار
وهذا حاصل عندنا باالكويت
لأن وزارة التجااره ماتنتبه باالزياده ...

 

[caca]

السلام عليكم

الزيادة فى الرواتب والمنحة حق للاسره الحاكمه اذا سلبه مجلس الامه فلا يبقى شى للاسرة الحاكمه....
يعنى زيادة والهبات صعبه من مجلس الامه ....

 

[خالد_الفيصل]

يعطيكم العافيه لكن انا ابي اعرف شدخل البنك الدولي ؟
ماعندنا البنك المركزي ليش مايسوي الدراسه بدال لايودون فلوسنا للبنك الدولي يسوي دراسه البنك المركزي يسوي الدراسه دهنا في مكبتنا
وثانياً الشعب ماعنده ثقه لابالحكومه ولا اعضاء مجلس الامه لو كنا نثق بالحكومه ماكنا نطلب زيادة رواتب او كوادر كنا نبيها في مشاريع تنميه مناطق جديده مستشفيات ... الخ الخ مو كل يوم يسون القار ويصبغون الرصيفات هذا اللي فالحين فيه والحين نبي اي شي يعطونا مو يسرقها واحد وثاني يوم راجع وزير ولا ماسك منصبه ويحلفونه قول والله مابوق ويحلف والله مابوق ويرجع مسئول مره ثانيه والله يهدي الجميع انشاله

 

[ابو غانم]

معقولة القطاع الخاص ماراح تحوشهم الزيادة .. وين التشجيع للعمل بالقطاع الخاص ؟!!!!!!!!

 

[alcaptin]

يقولون ...على ذمة يقولون

معقولة القطاع الخاص ماراح تحوشهم الزيادة .. وين التشجيع للعمل بالقطاع الخاص ؟!!!!!!!!

يقولون على ذمة يقولون راح يستقطعون من رواتبهم القطاع الخاص ضريبه اسمها عقوق القطاع الحكومى ههههههههههههه ليش تاركين اللى صرف على دراستهم وراحو للخاص لووووووووووول

 

[بوعبدالهادي]

يامعودين التجار عسى ما شموا ريحة زيادة.. طب زادت الاسعار دبل ... هذا لو معطينا زيادة صج جان اشصار؟!؟!؟!؟!

 

[نرجس]

صراحة هذا تمييز غير مقبول شمعنا بس موظفي الحكومه الي رايح يزيدون رواتبهم وموظفي القطاع الخاص يعني الي يكرف من 8 الين 5 على اقل تقدير مالهم رب؟؟؟؟