عاجل: حكومة الإمارات ترفع الرواتب 70%

[السوق الكويتي]

الخبر ورد قبل قليل على قناة العربية ..

 

[كناري الاسهم]

الفال لنا ان شاء الله

 

[فوركسي]

عليهم بالعافيه وعسى الله يصلح حالنا

 

[barbarian]

الله يزيدهم ان شاء الله

متى دورنا ؟

 

[ahmad2]

فيه معلومه غايبه عن كثير منكم

نسبة الزيادة على الراتب الشامل مو الأساسى

عسى الله يرزقنا ويرزقهم ..

 

[UNIX]

ودي أصدق،، بس لو صج زادوا 70% اعرف ان التضخم في الأسعار واصله 50%

 

[بوعبدالله _ 66]

هذا ولد زايد يرفع ابوها بعد...وكل عودٍ يطلع على بذره

 

[الفهلوي]

الثلاثاء 10 ذو القعدة 1428هـ - 20 نوفمبر2007م


توجيهات بسرعة التنفيذ
الإمارات ترفع أجور العاملين بالدولة 70% اعتبارا من يناير 2008








دبي - العربية.نت

قالت وكالة أنباء الامارات الثلاثاء 20-11-2007 بعد اجتماع لمجلس الوزراء ان الحكومة الاتحادية ستمنح العاملين المدنيين والعسكريين زيادة في الاجور بنسبة 70 في المئة من أول يناير كانون الثاني المقبل.

وقالت الوكالة بتوجيهات من الشيخ خليفة بن زايد آل نهيان رئيس الدولة أمر الشيخ محمد بن راشد آل مكتوم نائب رئيس الدولة رئيس مجلس الوزراء حاكم دبي بزيادة رواتب العاملين فى الحكومة الاتحادية من مدنيين والعسكريين العاملين في وزارة الداخلية بنسبة 70 بالمائة من قيمة الراتب الاساسي للموظف وذلك اعتبارا من يناير 2008.

وقالت الوكالة ان حجم الانفاق في العام المقبل تحدد بواقع 34ر9 مليار درهم (54ر2 مليار دولار).

وذكرت مصادر مجلس الوزراء ان الميزانية الجديدة للدولة تعتبر الاكبر فى تاريخ الاتحاد والأعلى نسبة .

ويشمل أمر الشيخ محمد زيادة معاشات المتقاعدين المدنيين وكذلك العسكريين من وزارة الداخلية بنفس النسبة اى 70 بالمائة اعتبارا من مطلع 2008.

وقد وجه الشيخ محمد وزارة المالية والصناعة بسرعة تنفيذ الامر وصرف الزيادات للمعنيين من موظفى الحكومة الاتحادية وعسكريي وزارة الداخلية مع رواتب شهر يناير 2008 .

 

[BO-MUBARAK]

ليشش عاجل الله يبارك لهم بحكامهم والله ويحفظ لنا حكامنا ......لا تنسون اخواني احنا تعرضنا لغززوووو شامل كامل وتاثيره اعتقد الى نهاية الاجيال اللي عاشت تلك السنه !

 

[ahmed6]

بسكم حسد يا كويتيين كوادرنا قالوا بيلغونها بسبة الحسد وشكلها الامارات بتروح وطي بسبتكم

 

[الجارح]

70 % ماشاء الله والله انهم رياييل

 

[فوركسي]

من الاساسي حسب ما قراته في وكاله الانباء الاماراتيه

 

[انور النقوشي]

الله يبارك لهم في ما عندهم ​

 

[سايق الخير74]

الخبر ورد قبل قليل على قناة العربية ..

للعلم أن هالزياده للعاملين بحكومة الامارات الاتحاديه فقط ابتداء من مطلع 2008 هذا ماورد بالاخبار الاقتصاديه بالعربيه الساعه 3

 

[مضارب شجاع]

الحين دكاترة الكويت يموتون قهر ولانهم دائما يحطون مقارنه مع دكاترة الامارات .,,,,,
مساكين دكاترة الكويت يبون يصيرون تجار من معاشاتهم ما يدرون ان المعاش عمره ما عاش

 

[ولد الديرة]

الحين دكاترة الكويت يموتون قهر ولانهم دائما يحطون مقارنه مع دكاترة الامارات .,,,,,
مساكين دكاترة الكويت يبون يصيرون تجار من معاشاتهم ما يدرون ان المعاش عمره ما عاش

هم بس الدكاتره اللي راح يتحسرون قارن بين رواتب الموظفين الاماراتيين ورواتب الكويتين لجميع الوضائف وراح تشوف الفرق وللعلم قبل اقل من سنتين تم زيادة رواتبهم بنسة 25% وشوف اسعار العقار عندهم وشوف اسعار العقار عندنا
ما اقول الا عليهم بالعافية والفال لنا

 

[ابوعايض]

الله يباركلهم والفال لنا يعني ما استشاروا البنك الدولي على الطاير بالمقص

 

[AutoCad]

ليشش عاجل الله يبارك لهم بحكامهم والله ويحفظ لنا حكامنا ......لا تنسون اخواني احنا تعرضنا لغززوووو شامل كامل وتاثيره اعتقد الى نهاية الاجيال اللي عاشت تلك السنه !

من وين جبت هالتحليل أخوي ؟

حتى الحرامية اللي متفوخين من كثر الحرمنه بطلوا من شماعة الغزو ....

الزيادة على الأساسي هو عين العقل وهذا الحاكم إللي يبي مصلحة شعبه لأن الراتب الأساسي ما راح يتأثر في حالة التقاعد ....


سكتوا بس والله الأساسي يفشل


عاش ولد زايد قدها وقدود

 

[باش مهندس]

حمدوا ربكم على النعمة

لا تحسدون غيركم ... خلوا كل واحد في حاله

الواحد طول ما صحته زينه .. ماكل شارب نايم بأمان

نعمة المفروض نحمد الله عليها




--------

يالله متى يزيدونا

 

[قوانين]

حتى احنا زيادتنا فى شهر فبراير 2008 انشاء الله بس لا تنسون حسب الدراسه مو بس زياده من دون تخطيط و اذا اثبتت الدراسه ان مافى زياده هم راح الرواتب تزيد