الاولى للاستثمار الى...................باذن الله

[*بو عبدالله*]

بسم الله الرحمن الرحيم

الاولى للاستثمار اعطت عدة اشارات صريحة للدخول


اولها كسر الترند النازل صعودا

ثانيا كميات تداول جيدة اليوم

ثالثا مؤشر الماكد اعطى اشارة دخول

رابعا مؤشر ستوكاستك ما زال يسير باتجاه ايجابي صاعد

خامسا مؤشر ار اي اي اعطى اشارة دخول صريحة امس

سادسا مؤشر اي دي اكس اقترب من اعطاء اشارة دخول صريحة

سابعا الهدف المتوقع 550

ثامنا قرار البيع والشراء قرار شخصي والتحليل ما هو الا اجتهاد

تاسعا مرفق الشارت

عاشرا نستقبل اي ملاحظات من الاخوان



في امان الله


اخوكم


بو عبدالله
​

 

[بوعبدالله _ 66]

مشكور يا بوعبدالله...سيف مجرب

 

[ميكانيكي]

مشكور بو عبدالله

وجزاك الله الف خير

بس حبيت اضيف شغله بعد

______________

شوف الشمعه الانعكاسيه بعد

موفق

 

[yoyo1983]

شكرا

 

[Abdullah Alhajeri]

على حسب كلام اخونا سوس من المنتدى النوادي

يقول بالتحليل الاليوتي ان السهم راح يصعد الى قريب 550 فلس

وراح يكمل مسيره التصحيح عشان يكمل الموجه الاخيره من التصحيح عند 490

 

[بوزييز]

يعطيك العافيه اخوي بوعبدالله على هالكلام الطيب​

 

[الاحرش]

والله ودي اخذه بس خاف اقبس على السهم

وان ماخذيتها وصل للاهداف المذكوره

حظي واعرفه عدل

الله يرزكم ان شاء الله ويتعدل حظي

 

[بوحمد2]

سبقتني يابوعبدالله بالتحليل
الله يحفظك
ورؤية موفقه

 

[WishToWin]

الله يجزاك خير يا بو عبدالله ..

والله يوفقك ويوفقنا جميع

 

[abdullahs]

السلام عليكم

بو عبدالله يعطيك العافيه

عندي سؤال...من وين متعلم التحليل الفني؟؟

بصراحه مهتم بالموضوع من زمان بس ما اعرف افضل دوره

و اتمنى من الشباب بعد ما يبخلون علي بالنصيحه

 

[STocK^IndeX]

السهم ماشي على التحليل حتى بعد نزوله ؟؟

 

[*بو عبدالله*]

حياكم الله يا شباب ومشكورين على الكلام الطيب

يا اخوان

السهم نزل بعد التحليل بيوم الى ال 500 واقفل على 510

النزول بنظري طبيعي لتاكيد الدعم عند ال 500 وفعلا باليومين الي فاتو نزل المؤشر الشركة حافظت على الدعم 500 واتمنى ان يرجع السهم يعاود الصعود لتحقيق الهدف


بالنسبة لاخوي الكريم عبدالله الي يبي يتعلم عن التحليل

اولا لازم يكون عندك الرغبه بتعلم التحليل

واذا توافرت عندك الرغبه بالتاكيد ان راح تبذل وقت وجهد بالتحليل وبالتالي بامكانك انك تدخل اورات وتقرى الكثير من المواضيع والكتب الي تتكلم عن التحليل وتتابع تحاليل الاخوان الخبرة بالمنتدى

والمنتدى ما شاء الله يضم نخبه جيدة جدا من الاخوان اصحاب الخبرات الممتازة والي اهم اخبر مني بكثير بامور التحليل


موفقين يا اخوان


اخوكم


بو عبدالله​

 

[m666666]

السهم فيه ربح تشغيلى على الاقل 65 فلس قبل نهاية العام

 

[*بو عبدالله*]

السلام عليكم

شباب للاسف السوق ما ساعد ابدا


وقف الخسارة الاغلاق تحت ال 495

لان السهم بعدها يتجه الى ال 470-465

موفقين ان شاء الله


اخوكم


بو عبدالله

 

[EUR/USD]

بو عبدالله خلاص استريح ! توصية بالأول و ما مشت مو مشكلة بس انت شايف طريقة السوق ! الحين هم اعتبرها توصية منك أي اقفال تحت ال495 السهم بيروح الى ال 460 , أكيييد ؟ شلون اذا يصكر 90 و كل الناس تقط و يرد 600 ؟ القصد بالظروف هذه المراقبة أخير من التوقعات, كان حلو ايقاف الخسارة قبل هالاسعار اوكي يجوز , بس الحين ؟ بالانجليزي (داميج ايز دون) و لو ينزل بعد شوي , و هالكلام من واحد يعرف قيمة ايقاف الخسارة ( و ما يطبقها كثر ما هو مفروض

 

[*بو عبدالله*]

بو عبدالله خلاص استريح ! توصية بالأول و ما مشت مو مشكلة بس انت شايف طريقة السوق ! الحين هم اعتبرها توصية منك أي اقفال تحت ال495 السهم بيروح الى ال 460 , أكيييد ؟ شلون اذا يصكر 90 و كل الناس تقط و يرد 600 ؟ القصد بالظروف هذه المراقبة أخير من التوقعات, كان حلو ايقاف الخسارة قبل هالاسعار اوكي يجوز , بس الحين ؟ بالانجليزي (داميج ايز دون) و لو ينزل بعد شوي , و هالكلام من واحد يعرف قيمة ايقاف الخسارة ( و ما يطبقها كثر ما هو مفروض

شتبي الحين ؟؟؟

والله مشكلة هالناس

عامل نفسك فهمان

على فكرة انا رافع الموضوع من الصفحة الثالثة وكان بامكاني اسكت بس مو هذا طبيعي يا بو الشباب

اسف شباب على هالاسلوب بس والله شي ينرفز

 

[EUR/USD]

عامل نفسي تقول ؟ هدي هدي لا تتحمس وايد اذا خسران مافي داعي تخسر الناس وياك زيادة , ولا الخط تقاطع مع هذا و الماك دي عطا اشارة يعني خل أوصي واذا صابت زين واذا لا السوق ما ساعد

 

[EUR/USD]

كنت اتمنى انك زعلان على نزلة السهم لأن احتمال كذا شخص دش على السهم ( و ما انكر انه سهم ممتاز) لكن حسافة ( نرفزتك على قولتك ) عشان عطيتك رايي في كلام تقدر تقوله بس ما تقدر تتحمل خسارته !

 

[*بو عبدالله*]

عامل نفسي تقول ؟ هدي هدي لا تتحمس وايد اذا خسران مافي داعي تخسر الناس وياك زيادة , ولا الخط تقاطع مع هذا و الماك دي عطا اشارة يعني خل أوصي واذا صابت زين واذا لا السوق ما ساعد

بصراحة شر البلية ما يضحك

لو تقرا كل تحاليلي اذكر ان قرارك شخصي وانا ما اتحمل تبعات قرارات الناس

اقرأ توقيعي وبعدها ناقشني

على فكرة

انا احط شي منطقي والي يخالفني يتفضل ما عندي مانع بكل احترام وتقدير





عموما انا اترفع عن الرد


واترك الحكم للاعضاء




اخوك


بو عبدالله

 

[الساحل]

عامل نفسي تقول ؟ هدي هدي لا تتحمس وايد اذا خسران مافي داعي تخسر الناس وياك زيادة , ولا الخط تقاطع مع هذا و الماك دي عطا اشارة يعني خل أوصي واذا صابت زين واذا لا السوق ما ساعد

مساك الله بالخير


اخوي اذا عند تعليق بالتحليل الفني وتخالف رأي بوعبدالله ارفق الشارت وعلق عليه بس اذا بتتكلم بدون شارت او تحليل فني

فبوعبدالله مو انت اللي بتعرفنا فيه او بتعطينا رايك فيه

الرجل حط توصيه والحين يبلغنا بآخر التطورات وهذا اسمه حرص منه


جزاك الله خير يا بوعبدالله