ماهو افضل جيب في السوق؟

[الأرستقراطي]

Porche cayenne turbo s
530 حصان
أسرع من المرسيدس E65
و البي أم دبليو M5
و البورش كايمان توربو إس

هذا الجيب فيه انظمه غير موجوده بالجيوب الأخرى
محركه 4.5 ليتر V8 توين توربو

نظام هيدروليك لل offroad يفصل اوتوماتيكيا أول ما تدخل الطرق الوعره
نظام هيدروليك لرفع السيارة بأزرار بالداش بورد
قفل دفرنش كامل للأربع عجلات في حالات الطين أو صعود المرتفعات
لا يعرفه الا من جربه
لأنه هذة السيارة في البر لا تستمتع فيها فقط
ولكنها تحبس الأنفاس , لا لكزس ولا لاندكروزر ولا رينج روفر ولا اسكاليد ولا بطيخ
جرب هذا الموديل و إحكم بنفسك
لايوجد عيب في هذا الجيب غير سعره

طبعا أنا اتكلم عن البورش كايين توربو إس و ليس الكايين العادي


مقطع يو تيوب تجربه للبورش كايين توربو إس
http://www.youtube.com/watch?v=1Sbl5V6ZzFU
شوفوه

اسمحلي اخوي أختلف معاك الكايين من الصفر الى 100 كم 5،3 والمرسيدس 4،9

http://www.youtube.com/watch?v=INAC2K5fcr8

 

[خالد المطير]

اللكزس ماعليه كلام نعومه وممشى بالخط مو طبيعي ولا تنسيم ولا حنه مثل الاند ونعومه ماشاء الله عطيت الله ياناس

 

[al7rairi]

اللكزس ثم اللاندكروزر ......

 

[راعى^الفتك]

بالسوق اكيد الرنج سبورت بالسعر هو اغلا ثبت سعرة

لاكن استعمال بالحر بالقيض هى الجيوب اليابانية وبعدها الامريكية

لاكن اقوى جيب فى الوعر ودفرنش وموتر بدو تحطه على يمناك بالمقناص اكيد الفتك نيسان باترول
الجديد والقديم كلهم للشدايد عند وجهك وانا راعى مقناص وهاذى شهادتى للموتر

اما عندك 12.000دينار وفوق والله مايستاهلها غير الرنج سبورت

 

[yoleses]

والله انا اقول بحكم الشي الي جربته والي جربوه اخواني والربع والي اعرفهم
ابدى بالي جربته وعايشته احنا من ال78 وسيارة الرنج تقول واحد من عيال الوالد وصراحه
مركب ورزه واناقه كلش لايعلى عليه ابد بس من ناحية المشاكل ابشر بعزك مايمر شهر الا وانت
عند حسن شميط بالري اول الايام يعني قوي ماتصلح الا بالوكاله وبالاخير تزهق وتصلحه حتى لو عند بنغالي
هذا من ناحية المشاكل .
ولما تجي للسعر حط في بالك انك خسران النص حكم في حالة البيع
يعني نصيحه من ناس مجربه ابتعدوا عن هالسياره قد ماتقدرون من 78 الى 2004 واحنا رنجات طبعا بتقولون شنو الي صبركم عليه بقول الرغبه والعشق وهالشي مايعرفه الا الي جرب رنج او جاكور الرنج سبورت اخوه بالضبط بس ليما الحين ماطاحت كفالته انطر سنه بس تخلص وشوفوه بالري متحذف

الاختيار الامثل للجيوب هو التويوتا بكل احجامه وبكل اشكاله لايعلى عليه ابداً
نصيحه يااخوان لحد يغامر ويقول باخذ جيب كشخه لان الجيب من اسمه مال بر ومال امطامر رصيف بس يعني اخذ لاند كروزر وبس واذا تبي كشخه الله يخلي الصالون شكثره
وتحياتي واتمنى فدتكم بتجربتي لكم الف شكر
بالنسبه للسفاري مال مكده بالعربي نيسان جنه وانيت عربانه يعني كد ومد بس سعره موفيه ولو انه بالشكل الجديد بدى يحافظ على السعر
شكرا

 

[مهم للغاية]

انا اعترض على صيغة السؤال

ماهو افضل جيب في السوق؟

يجب تحديد الافضلية حتى يكون السؤال مكتمل
كأن تقول
ماهو افضل جيب في السوق؟ من ناحية الفخامة
ماهو افضل جيب في السوق؟ من ناحية القوة
ماهو افضل جيب في السوق؟ من ناحية الاقتصادية بالوقود
ماهو افضل جيب في السوق؟ من ناحية اعلى عائد سعر عند اعادة البيع

عندها سترى الاجوبة الحقيقية


وبالنسبة لكل ما سبق اعتقد ان البرادو انتشر بالكويت بشكل كبير جدا جدا لدرجة تؤكد ان هذه السيارة لها سر يميزها

وشكرا

 

[sjl71]

لا ندكروز

 

[wooow]

لكزس- نفس الاند بس فرق الاكسسوارات والعزل
لاندكروزر - قطع غيار رخيصه +صرف بانزين معقول + قوة فى البودى = ما يتفكك وقرشع بسرعه
نيسان باترول - قطع غيار نار = البابطين واقف عند باب قطع الغيار يحد سكينه +صرف بانزين يسابق عداد الكيلو = يصرف بالهبل + يتفكك بسرعه= اذا مرك وانت بالبر تسمع صوت القرشعه من بعد 10 كيلو
الرنج روفر سبورت - ملك الجيوب تحس انك راكب موتر صح + صيانته كارثه ومصيبه عتد فلوس وخير لا تدور غيره
باجيرو - رخيص وكويس + قطع غيار غاليه+ صرف البنزين ممتاز

هذولى اللى جربتهم ونظرتى فيهم

 

[برميت]

والله التاااهوو خووش شي

 

[abdullah6868]

لاند كروزر
بس الوكيل حسود وطماع وغالي
1- حسود لانة سنة 2003 رفع قضية على الشعب الكويتي اللى يجيبون تويوتا من يرةيتم حجزها في الجمارك وبعدين صار لازم تاخذ موافقة من وكيل وزارة الداخلية ولكن للة الحمد سقطت القضية
2- طماع لان سياراتة مافيها مواصفات مثل وكالات الخليج تبي هو يحطلك مواصفات بفلوسك
3- اغلى سعر في العالم لاندكروزر الكويت

 

[بو_راشد]

احسن جيب اكيد لاندكوروز لاتفكر ولاتحتار

 

[away1979]

والله كرأيي الشخصي والمتواضع واتمنا منكم الاستعلام عنه هو
الاند روفر
فيه جودة الصناعة وجمال المنظر وقوة لامثيل لها

 

[الحوت1]

يا شباب نسيتو ملك الصحراء نيسان باترول سفاري جيب ماله مثيل مع احترامي براي الجميع مشكورين على الاستفتاء

 

[كيفاني]

احسن جيب استعمال اكيييد البرادو

 

[الحـــوت]

احسن جيب استعمال اكيييد البرادو و احلا جيب كشخه اكيييد رنج سبورت

واللي يقول لانكروزر يا اما شريطي او يشتغل بالساير ويييييييييع اخذ باجيرو احسن نفس الشي عالاقل ارخص.

هههه كلامك عدل اخوي وعجبني ردك
شنو لاندكروزر والله بس دعايه
وعندي الباجيرو احسن منه على الاقل ارخص وثاني شي استهلاك بنزين
اقل وكد ومد وقطع غيار ارخص وشكل احلا وداخليه احله
وعندي اللاندكروزر تسوقه جنك سايق باص مواصلات وكله يطامر
وكل دقمه فيه يبيلها اثنين يفرونها
تقول سيارة شياب ضد التطور والذرابه والتكنولوجيه
يبون كل شي قديم ويدوي ومافي اي شي فيها تستعمل فيه ذكائك
ومخك

 

[navy_q8]

فعلا لاندكروزر بلا منازع

 

[غيلان 1]

حتما انه bmw جيبب

ذلك الالماني العملاق

 

[السيد الأصلي]

نيسان سفاري

نيسان باترول وأقطع.... ملك ومواصفات ممتازه... وترقبوا موديل 2010 راح يتغير الشكل للأحلى .​

 

[السبيطي]

السلام عليكم

في الجيبات المعروضة اكيد اللاند كروزر بس تبي جيب مجرب ورخيص فيرا كروز من هيونداي

 

[w_e_e_b]

اخوي حدد غرض الاستعمال والمبلغ ترى اسعار متفاوته
وفي شي كشخه وفي حق بر وبحر وفي مكده شنو تبي
تبي شي يطير جيب مرسيدس
تبي شي بر وبحر سفاري
تبي شي حق شارع الحب رنج سبوت ولا كاين ولا اسكلد الجديد
تبي شي تروح وترد تيوته ولا هوندا
حبيبي قبل لا تشترى روح اي وكاله وقول بجرب السياره يعطونك اجربه يمكن ربع ساعه ولا ثلث ساعه وفكر بسياره الى اذا بغيت اتبيع في ناس تاخذه من مو ادقر ابيعتها والله يوفقك