عاجل : فوز الاتصالات السعودية برخصة النقال الثالثة

[ahmed18]

قناة الراى : الاتصالات السعودية تقدم اعلى عرض لرخصة النقال الثالثة فى الكويت

 

[white soul]

الله يبشرك بالخير

الامريكان حررو العراقيين من ظلم صدام

وانتم انشالله راح تحررونا من جشع زين​

 

[الفال الطيب]

مشكور احمد على الخبر ..
خبر جدا جميل , عشان يتسنعون زين والوطنية اللي ذابحينا بالاسعار العالية والخدمات البطيئة , وعشان مستقبلا تحدث المنافسات الشريفة , اللي من صالح المواطنين ..

 

[Cha3bar]

248 مليون دينار

 

[bnyder2002]

الاتصالات السعوديه تفوز

الاتصالات السعوديه تفوز برخصة النقال الثالثه في الكويت ......قناة الراي

 

[alshammery]

واللة كنت اتمنى تاخذة شركة اتصالات غير كويتية علشان مثل ما قال اخوى الفال طيب اسعارهم غالية وحرق فى العالم

 

[بوعبدالهادي]

الله يبارك لهم انشالله ويرزقهم وهاردلك للشركات اللي ماحالفهم الحظ

وانشالله نشوف الاسعار رخيصة

تحياتي

 

[bu3teeg72]

اتصالات سعودية 248مليون
بيت التمويل 195
اتصالات الامارات 180
جلوبل 166
الكابل تلفزيوني 112

 

[bu3teeg72]

الله يبارك لهم انشالله ويرزقهم وهاردلك للشركات اللي ماحالفهم الحظ

وانشالله نشوف الاسعار رخيصة

تحياتي

والله تشوف الأسعار رخيصة هذي صعبة شوي.. الجماعة دافعين هالمبلغ و في سوق مشبع.. من وين بيطلعون أرباحهم؟

 

[Mr.FaiSaL]

بالمبارك انشالله منها دقايق أرخص .. ومنا ندفع

وتحياتي للجميع

 

[بو هادي.]

والله تشوف الأسعار رخيصة هذي صعبة شوي.. الجماعة دافعين هالمبلغ و في سوق مشبع.. من وين بيطلعون أرباحهم؟

بالعكس يا الغالي إذا السوق متشبع لازم تقدم أسعار حلوة وخدمة أحلى عشان تسحب مستخدمين وآنا أول واحد راح أترك الحرامية زين.

 

[Master-Leo]

اوووف ليش السعر مبالغ فيه جذي !!

 

[s man]

بالعكس يا الغالي إذا السوق متشبع لازم تقدم أسعار حلوة وخدمة أحلى عشان تسحب مستخدمين وآنا أول واحد راح أترك الحرامية زين.

حرب أسعار صعبة تصير , والا جان صارت مع الوطنية وزين , والشركة الجديدة ماتقدر تنافسهم على الأسعار وهى بحاجة الكاش فى البداية, الفرق بالخدمات اللى تقدمها

 

[سوق خضرة]

من امس انتشر الخبر واللي واصلني انه 120 مليون دينار


عاد كنت مقدم 119 مليون دينار بس ما ضبطت

 

[BO-MUBARAK]

راح تشوف الكويتيين والاجانب ينكبون عليها تدري ليش لانها شركة سعودية مو كويتية
والاجانب يموتون في الكويت !!!!

اما الكويتيين الله يعينهم بيدورون على الرخيص

 

[الفهلوي]

والله تشوف الأسعار رخيصة هذي صعبة شوي.. الجماعة دافعين هالمبلغ و في سوق مشبع.. من وين بيطلعون أرباحهم؟

بالعكس يا الغالي إذا السوق متشبع لازم تقدم أسعار حلوة وخدمة أحلى عشان تسحب مستخدمين وآنا أول واحد راح أترك الحرامية زين.

تعرف شلون راح يربحون

احد شروط الشركة الثالثة هو تحرير ملكيه الارقام وهى القشه التي كسرت ظهورنا كل السنوات الماضية

وذلك ان اغلبنا اضطر لتحمل سوء الشركات الحاليه بسبب ان رقمة منذ مده طويله معه ولا يستطيع تغييره

اما الان فهو يملك الرقم ويستطيع ان يتنقل بين الشركات الثلاث بكل حريه وبدون قيد

وبذلك يصبح المعيار الوحيد لكسب العملاء هو السعر والخدمة المتميزه



الفهلوي​

 

[النجدي2007]

يستاهلون وعسي الله يبارلكلهم فيها

 

[نوخذه 15]

والله يا اخوان اللى اسمعه ان السعوديين انفسهم يتشكون من غلاء شركة الاتصالات اللى عندهم اشلون اهنى راح تكون افضل مادرى لو كانت الشركة اوربية او امريكية جان اخذ الخدمات والسعر

 

[Bubyan]

الله يكتب اللي فيه خير ومبروكين لنا ولهم ان شاء الله

 

[بوحمد2]

والله تشوف الأسعار رخيصة هذي صعبة شوي.. الجماعة دافعين هالمبلغ و في سوق مشبع.. من وين بيطلعون أرباحهم؟

ناس تفكر لبعيد تقدم خدمات افضل وتسعيره مفضله وخدمات انترنت ممتازه وبسعر

وبجذيه يجذبون الناس لشركتهم مو على طول بيرفعون الاسعار على شان يعوضون قيمة المزايده وقليل دائم خير من كثير منقطع
ناس تفكر صح وشوفوا خدماتهم بالسعوديه ناس تفكر بالعميل قبل الماااااااااده عكس اللي عندنا