ما أنت بهين يا عزوز !!

الموضوع في 'إستراحة المنتدى' بواسطة صيباء, بتاريخ ‏28 نوفمبر 2007.

  1. صيباء

    صيباء عضو جديد

    التسجيل:
    ‏10 نوفمبر 2007
    المشاركات:
    288
    عدد الإعجابات:
    0
    ما أنت بهين يا عزوز !!

    --------------------------------------------------------------------------------


    ما أنت بهين يا عزوز !!
    --------------------------------------------------------------------------------
    عزوز هذا راعي عند واحد من الجماعة ..
    وكل يوم يدج بالبهايم يرعاها وفي يوم من الأيام تأخر عزوز في البر ..
    وجاه صاحبنا اللي من الجماعة وقال له : علامك تأخرت !! ما هيب من عاداتك !!
    قال عزوز : يا عمي اليوم أنا تعبت من هالشغله وأبغي أرتاح وآخذ إجازه ..
    قال صاحبنا : هذا الناقص !! ما بقى إلا هي !! وش إجازته !! جعلك الوهم ..
    قال عزوز : أووه خلاص أنا مليت ومستقيل من الشغلة هذي ..
    قال صاحبنا : بقريح !!
    قال عزوز : بقريح !! الله يسامحك .. تراك ما تعرف من أنا !!
    قال صاحبنا : ومن أنت يا مال الفلس !!
    قال عزوز : أنا مستعد أوضح لك من أنا ،، بس بشرط !!
    قال صاحبنا : وفيها شرط بعد !! وش شرطه !
    قال عزوز : أنك تسافر معي بكره !!
    قال صاحبنا : تم !!
    وفي الصبح سافروا للرياض ،، وهناك راحوا لمكتب وزير الداخلية ..
    ويوم ادخلوا المكتب الوزير قام يهلي ويرحب بعزوز ..
    ويقول : كيفك يا عزوز ؟؟ وش أخبارك يا عزوز ؟؟ من زمان ما شفناك !!
    وعزوز يرد : مشغول يا طويل العمر ..
    كل هذا وصاحبنا طاقته البوهه ( بمعنى منثول ) !!
    قال الوزير : من اللي معك هذا ؟؟
    ألفت عزوز على صاحبنا وأبتسم وقال : هذا راعي من رعياني !!
    وقال الوزير : تامر شي يا عزوز ؟؟
    قال عزوز : مشكور يا طويل العمر أنا كنت مار قلت أسلم ..
    وطلعوا من المكتب ..
    قال عزوز لصاحبنا : هاه عرفت من أكون !!
    قال صاحبنا : أكيد إن الوزير مشبه عليك .. قم بس قم !!
    قال عزوز : أجل قم معي ..
    وراحوا قصر ولي العهد ..
    وهناك أدخلوا على ولي العهد اللي رحب بعزوز ..
    وكيفك ؟؟ واش أخبارك ؟؟ ومن زمان ما شفناك يا عزوز !!
    وعزوز يقول : مشغول يا طويل العمر ..
    كل هذا وصاحبنا الي فاتحٍ فمه ومنثول حدّه !!
    ألفت ولي العهد على صاحبنا وقال : يا عزوز من هذا اللي معك !!
    ضحك عزوز على شكل صاحبنا وقال : هذا .. سواقي يا طويل العمر ..
    قال ولي العهد : تامر شي يا عزوز !!
    قال عزوز : سلامتك يا طويل العمر أنا كنت مار قلت أسلم ..
    وأطلعوا من القصر ..
    قال عزوز لصاحبنا : هاه عرفت من أكون !!
    قال صاحبنا : والله ما أدري وش أقول !! لكني متأكد أنه مشبه عليك !!
    قال عزوز : أجل أمش معي ..
    وراحوا لقصر الحكم ..
    وهناك قال عزوز لصاحبنا : خلك هنا واقف هنا مع ها الناس اللي واقفين !!
    ودخل عزوز القصر .. وبعد شوي طل الملك مع عزوز من القصر على صاحبنا ..
    وقام يأشر ويسلم لصاحبنا وللي واقفين معه ..
    فجأه طاح صاحبنا في الشارع وجاه عزوز يركض ..
    وقال : علامك !! وش فيك !! ما تنلام .. أكيد ما أنت مصدق اللي شفته !!
    قال صاحبنا : والله يا عمي .. ما أدري وش أقول ..
    اللي شفته ما هو مشلكه !!
    المشكله طال عمرك ،، إني سمعت أثنين من اللي واقفين يقولون : من اللي واقف جنب عزوز !!
    ههههههههههههههههههههههههههههههههههه
     
  2. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    :)

    :)
     
  3. بدرالعتيبي

    بدرالعتيبي عضو جديد

    التسجيل:
    ‏8 يوليو 2007
    المشاركات:
    1,094
    عدد الإعجابات:
    0
    مكان الإقامة:
    مجلس التعاون الخليجي
    طيب الي جنب عزوز منو !!!!!!!!!!
     
  4. rakan_yes

    rakan_yes عضو نشط

    التسجيل:
    ‏24 مايو 2007
    المشاركات:
    2,073
    عدد الإعجابات:
    0
    الله يلعن بليس عزوز

    اي والله ياجماعه انا كنت وافق وراه
    هههههههههههههههههههههههههه
    لوووووووووووووووووووووووووووووووووول


    وربي ميت من الظحك


    هههههههههههههههههههههه



    يسلمو على المداخله
    تحياتي
    للكل
    ابورااشد