ما ضيعنا غير الإقفالات الوهمية ... !!

الموضوع في 'السوق الكويتي للأوراق الماليه' بواسطة النــاقــد, بتاريخ ‏29 نوفمبر 2007.

  1. النــاقــد

    النــاقــد عضو نشط

    التسجيل:
    ‏8 مايو 2006
    المشاركات:
    993
    عدد الإعجابات:
    0
    السلام عليكم

    عظم الله اجركم باللي حصل لسوقنا اليوم و الايام اللي طافت, و حسبي الله على اللي كان السبب لو كان الأمر بفعل فاعل, ولكن سواء كان بفعل فاعل او غيره مالنا الا انقول:"قدر الله وما شاء فعل".

    المهم, انا لاني محلل محترف و لا هم يحزنون لكن انا مقتنع بشغلة وحدة بنسبة 100% وهي:

    أن الاغلاقات الوهمية للسوق ككل ( مو بس للأسهم) واللي تتم في الثواني الاخيرة و ترفع مؤشر السوق 100 نقطة او 50 نقطة او حتى 30 نقطة هي أساس الدمار و غربلة كل المؤشرات و القراءات المستقبلية للسوق, والا كلامي غلط ؟!

    يا جماعة الخير في السابق لما كان السوق "يصحح على الخفيف" وينزل 70 نقطة مثلا تلاقيهم اخر ثواني يخلون ال 70 احمر 25 اخضر !!!

    واذا نزل 130 نقطة صار نازل 10 نقاط !!

    واذا كل الخبراء حذروا من قدوم تصحيح قوي في الافق و صدقت توقعاتهم ونزل المؤشر 250 نقطة طلعوا مصباح علاء الدين السحري و طلع لهم المارد و طلبوا منه يخلي ال 250 احمر الى 14,7 أحمر !! ( هذا اذا ما خلوه أخضر بعد ...!!)

    بالله عليكم, من وين السوق يعرف العافية ؟

    اشلون مؤشراته تصير معقولة و مقروءة ؟!

    اشلون السوق ممكن يمشي حسب الشارت و يحترم التحليل ؟!

    وهذا هو السوق جدامكم لا يحترم أرباح شركات ولا استقرار و اسعار نفط ولا اخبار ايجابية ولا ولا ولا اي شيء, لأنه ببساطة قاعد يحطم كل الاغلاقات الوهمية ( الورقية مثل ورق الكلينكس ) السابقة

    وأفتكر اللي حصل اليوم واللي راح يحصل في المستقبل ( الله لا يقول) هو خير دليل على كلامي.

    حسبي الله ونعم الوكيل و سامحونا اذا طولنا !
     
  2. مركز7

    مركز7 عضو جديد

    التسجيل:
    ‏8 سبتمبر 2007
    المشاركات:
    137
    عدد الإعجابات:
    0
    شكرا اخي يكفي العنوان ويفهم معني التصحيح
     
  3. الصافي@

    الصافي@ عضو جديد

    التسجيل:
    ‏26 يوليو 2007
    المشاركات:
    829
    عدد الإعجابات:
    0
    صح لسانك يا الناقد لازم هذا يكون لنا درس قاسي ومؤلم في


    المستقبل هذا اذا كان لنا مستقبل في البورصه



    راح الحلالـــــــــــــــــــــــــــــــــــــــــــــ




    من علي بابا و61 حرامي عسا الله لايوفقهم بالدنيا واخره
     
  4. بوعبدالهادي

    بوعبدالهادي عضو نشط

    التسجيل:
    ‏10 ديسمبر 2005
    المشاركات:
    503
    عدد الإعجابات:
    0
    مشكور اخوي

    وبصراحة كلامك 100 %

    لا وكان يتداول في الايام الماضية ان صغار المستثمرين هم سبب نزول السوق ومحد تدبس فيها غير التجار ؟!؟!؟!

    تحياتي
     
  5. alhilo

    alhilo عضو نشط

    التسجيل:
    ‏2 ابريل 2006
    المشاركات:
    633
    عدد الإعجابات:
    0
    كلامك كله صح 200 % يا الناقد
    مثال 1 عندك المجموعة الدولية لغاية الساعة 12:29:20 كان سعرها 300 فى اخر 40 ثانية فقط
    صار سعرها 315 مو حرام هالشى يحصل
    يعنى يلمون منا بالنازل ويبيعونا ايه بالعالى وكل يوم على ذا الحال واللة حرام