لا لإسقاط القروض

[Mr.FaiSaL]

السلام عليكم ..

الكل يبي اسقاط القروض ليش .؟
البنك ما أجبر اي مواطن انه ياخذ قرض

المواطن ليش ياخذ قرض طالما .. المستشفيات - المدارس - الخدمات كلها بدون اي مقابل وكلها مجانية
والكويت الحمد لله مافيها ضرايب .. والكهرباء والماء كلها رسوم سنويه و لو تحسبها تلقاها رمزيه بالنسبه للدول الثانية..

بتقولي شوف غيرنا معاشاتهم عالية بس شوف مستوى المعيشه عندهم غالية واكثر خدماتهم عليها رسوم

70% من اللي عندهم قروض راكبين سيارات احسن مني ومنك و تشوفه ماشي ومعاه تليفونين وفواتير بعد وغيره وغيره ... عليه بألف عافيه بس لا تيي واطالب بإسقاط القروض.

القرض للحاجه الخارجه عن السيطره اللي تقول لا حوله ولا قوه مو تاخذ قرض علشان أشتري سياره واكشخ فيها ... افتكر انه الله مايرضى فيها هذي

وبعضكم يقول خيرنا كله بره .. خيرنا بره ليش مافكرت فيها ليش ؟
علشان لمن تروح بره مشاريعك تمشي وشغلك يمشي ويحسبولك حساب قارن شغلك بشغل غيرك شغل الكويت الحمد لله ماشي بكثير من الدول استثمارك ماشي .. عدل ولا لاء

وانا معاك انه الحكومه مرات تخورها وتعطي ناس ما تستاهل .. وهذا المفروض نطالب فيه مو نسقط قروض مو مجبوره الحكومه تتكفل فيه.

وانا عندي قرض بعد علشان ما تقولون انه ماعندي وقاعد اتكلم بس راضي لأنه مقتنع انه انا اللي ماخذه محد اجبرني عليه وشكرا

وتحياتي لكم

 

[stock sniper]

انا اقول خل يستثمروون في الكويت مثل ما قاعد يسوون بالامارات يبنون العمارات والشوارع مع بعض اما انهم يوزعون الفلوس يميين شمال حق اللي يسوا واللي مايسوا الافضل يعطوون اولاد البلد وكل شي بحسابه ولد البلد يرد الفلوس اذا جدولوها له ابرك اما الغريب يبلع ولا حمد ولا شكور

خيرنا لازم يكون لنا مو حق غيرنا ترا اللي قاعد يطلع هالخير اهم الكويتيين مو غيرهم

 

[طالب العبدالله]

انا راح اعطي مثالين :
الاول : انا خذيت قرض لشراء البيت خذيت 70000 لشراء البيت ومدة التسديد 20 سنة والقسط ثابت مو مغير ولما البنك المركزي رفع الفائدة عدة مرات ارفعت فترة السداد من 20 الى 30 سنة

الثاني : عديلي خذ قرض 70000 الف لشراء بيت مدة التسديد ثابتة 20 سنة والقسط متغير كان قسطه 620 دينار بالشهر وهو مدبر اموره على هالمسئلة ولما البنك المركزي رفع الفائدة ارتفع قسطه الى 800 دينار طبعا الحين اهو متوهق.

احنا مستعدين ندفع قيمة القرض اللي خذيناه بس ليش ندفع هالفوائد موحرام وليش لما امريكا رفعت الفوائد الكويت رفعتها ولما نزلتها امريكا الكويت ما نزلت
احنا ما نقول طيحوا القلروض احنا نقول طيحو الفوائد او نزلو قيمتها الى 2-3% ما دام اسعار البيوت شابه نار

 

[InUrEyEs]

مواطن صرخ على النائب باقر: أينكم من الفحم المكلسن والمدينة الإعلامية
جاسم الخرافي يخلي قاعة المجلس من الجمهور لاخلال النظام
وقت النشر 11:50ص

كتب محمد السلمان:


رفع رئيس مجلس الأمة جلسة مجلس الأمة مؤقتاً اليوم وأمر باخلاء القاعة من الجمهور اثر اختلال النظام داخل القاعة، بسبب صراخ احد المواطنين على النائب أحمد باقر الذي كان يدافع عن نفسه حول موقعه من المديونيات الصعبة عام 1992، وقد صرخ المواطن قائلاً: اتق الله في نفسك يا باقر، انت ضد الشعب... الله أكبر عليك، وين العدالة في الفحم المكلسن والمدينة الإعلامية، لو عرضوا ديون العراق انت أول واحد توافق عليها.
ورد باقر معلقاً عليه انك كذاب.. طلعوه من القاعة.
عندها قام رئيس مجلس الأمة باخراجه من القاعة واخلاء القاعة من الجمهور.
وكان المجلس قد فتح نقاشاً صباح اليوم في اقتراح قانون شراء الدولة لمديونيات المواطنين

 

[nawaa]

ياخى أنت ماتدرى الكلام كلة على أسقاط الفايدة والمدينين راح يسددون للدولة يعنى الفايدة ألى زادوها على العالم هم راح يدفعوون بالعكس أنا أشوف أنها شغلة طيبة وحرام البنوك فق ما أهي ربوية ومثل المنشار صاعد واكل ونازل واكل بهالمساكين ليش حاسدينهم (((الرازوق بالسما والحاسد بالأرض ))) من حظهم وأنشالة ينجح الأقتراح .

 

[طالب العبدالله]

على فكرة القرض 70000 دينار ونرده بعد 30 سنة 221000 دينار ::verymad:: مو حراااااااام

 

[Mr.FaiSaL]

اللي حارق قلبي انه يقارنون بالإمارات ... كل ما اكلم احد يقولي شوف الإمارات

الإمارات لمن تروح شنو فيها ؟
1- عمارات يم بعضها اللي الشمس ما تشوفها تنسيق مافي
2- زحمتها ما تنبغى كل مشوار يبيلك نص ساعه هذا اذا الله راحمك
3- شي ما ينقال ×××× اللي من تقول حق احد بروح الامارات يقولك هااا رايح حق شيسمونه سمعتها اخس من تايلند

والكويتيين شنو ناقصهم كل شي مجاني ياخوي ومعاشك واصلك وانت ما اداوم

وانا معاك انه وايد يستثمرون بره .. بس لو تلاحظ حاليا الإستثمار والمجمعات قاعد تطلع بالكويت واحسن من بره بعد ..

وتحياتي للجميع

 

[ضحية المخازن]

على فكرة القرض 70000 دينار ونرده بعد 30 سنة 221000 دينار ::verymad:: مو حراااااااام

اخوي وموحرام انك تتعامل بالربا

 

[Mr.FaiSaL]

الحكومه وفرت بيوت لذوي الدخل المحدود ... آخذ قرض 70 الف علشان ابني بيت ليش هم مو مجبور على القرض

بيت الحكومه العادي والله بنيانه ممتاز وجيد حق عايلة تفكر بالبساطه ما تفكر بكسرة الظهر

وانا شخصيا تربيت طول عمري ابيت حكومه ما اشتكيت من شي اللحمد لله مستوره ولا اكسر ظهري بقرض 70 الف وأدري 100000% انه مايكفي حق دور واحد ابنيه

وتحياتي لكم