شنو أفضل حشو للنقرور ؟؟

الموضوع في 'إستراحة المنتدى' بواسطة stillhamad, بتاريخ ‏4 ديسمبر 2007.

  1. stillhamad

    stillhamad موقوف

    التسجيل:
    ‏13 نوفمبر 2005
    المشاركات:
    1,965
    عدد الإعجابات:
    0
    يا اخوان ابى منو عنده طريقه مبتكره ولذيذه لحشو النقرور او اى سمجه اخرى حق الشوى ؟؟


    يعنى الى عنده حشوه لذيذه هو مخترعها ومبتكرها فيرجى تزويدى بها

    شوفوا هالطريقه تعلمتها من واحد من الشباب

    عقب ما ينظف النقرور يحطه على جنب لمدة ساعتين منيه لما يطلع الماى اللى ببطنه ويتأكد انه بطنه ناشف وبعدين يحط الحشو ويوديه الخباز .. صراحه لذيذ ولو فيه منه على سلفر جان شريته

    وبما انكم ناس تحبون الخير للناس وتحبون تساعدونهم فياليت طريقه سهله حق صينية الدجاج بالفرن ورجاء وأنا هنيه أقول رجاء ابى طرق خاصه فيكم مو تروحون الغوغل وتسوون بحث ترى حتى انا عندى حاسوب شخصى وأعرف أبحث فماله داعى هالسوالف والحركات وخلونا أخوان وأنا يشهد الله حالى من حالكم غاص بالسهم صارلى سنتين .
     
  2. meshari meshari

    meshari meshari عضو جديد

    التسجيل:
    ‏22 نوفمبر 2007
    المشاركات:
    208
    عدد الإعجابات:
    0
    وبما انكم ناس تحبون الخير للناس وتحبون تساعدونهم فياليت طريقه سهله حق صينية الدجاج بالفرن ورجاء وأنا هنيه أقول رجاء ابى طرق خاصه فيكم مو تروحون الغوغل وتسوون بحث ترى حتى انا عندى حاسوب شخصى وأعرف أبحث فماله داعى هالسوالف والحركات وخلونا أخوان وأنا يشهد الله حالى من حالكم غاص بالسهم صارلى سنتين .[/quote]


    شوف, اول شي روح الجمعيه واشتر دجاجه صغيره طازجه (مبرده مو مثلجه)
    حجمها صغير جدا.

    بعد الغسيل الجيد. قلي بطاط وقصه بشكل مدور. لا تخليه يستوي عدل. خله بس يشرب دهن ويذوب

    تبل الدجاجه ببهار ابو القوطي الاخضر يسمونه شب يعني سفينه في لغه الافرنجيه.

    زيد علي البهار بهار اخر اسمه بزار دجاج تحصله في جمعيه بنيد القار او الدسمه.

    اعصر عدل 2 ليمونه علي الدجاجه ثم افركها بيدك عدل وخلها بالثلاجه لمده 3 ساعات حتي تصبغ التتبيله.

    بعدها روح الجمعيه مره ثانيه و اشتر اكياس دجاج مالت الفرن.
    حط الدجاجه داخل الكيس ويكون تحتها حلقات بصل وفي بطنها ربع ليمونه.

    صف البطاط علي الاطراف داخل الكيس.

    قضض الكيس 30 مره من الاعلي عشان ما تنشق عليك.

    روح الجمعيه مره ثالثه واشتر صينيه قصدير
    حطها كلها داخل صينيه قصدير في الفرن
    الحراره خلها 350 ثم 320

    خلها علي الراحه

    لاتنسي هم تعصر ليمون لما تصف البطاط والدجاجه داخل الكيسه. راح يعطيك طعم زقرتي.

    انشاء الله اكون ساعدتك.

    حقوق الوصفه محفوظه لدي
    شركه مطاعم مشاري للبيض والدجاج واللحوم ليميتد كومبرهنشن ايكزام
     
  3. " قاصد خير "

    " قاصد خير " عضو جديد

    التسجيل:
    ‏24 أكتوبر 2006
    المشاركات:
    1,614
    عدد الإعجابات:
    0
    تكفى غير الموضوع لا أطلع من الدوام ألحين على سوق السمك على طوووووووووووووووووووول ::verymad::​
     
  4. تلميذ المؤشر

    تلميذ المؤشر مشرف قسم الإستراحه

    التسجيل:
    ‏19 أغسطس 2003
    المشاركات:
    1,444
    عدد الإعجابات:
    1
    مكان الإقامة:
    الكويت
    سعابيلنا طاحت على الكيبورد يا مشاري :)


    اخوي احمد
    جرب بصل مفروم مع لومي اسود وكركم للسمج ...اشوف هالخلطة تحطها الوالدة وما ادري اذا نسيت شي.....لذيذة :)

    بالعافية
     
  5. S500

    S500 عضو مميز

    التسجيل:
    ‏30 مايو 2003
    المشاركات:
    2,037
    عدد الإعجابات:
    0
    مكان الإقامة:
    الكويت
    شفيهم الشباب بكلمتين رقصكم على رجل وحده:D

    هذا مو مال نقرور

    هذا مال ضب محشي بعيون جرابيع

    ولو فيه منه على سلفر جان شريته
    :D
     
  6. meshari meshari

    meshari meshari عضو جديد

    التسجيل:
    ‏22 نوفمبر 2007
    المشاركات:
    208
    عدد الإعجابات:
    0
    بما ان صاكني اليوع ..حبيت ان ايوعكم معاي واقدم لكم طبق
    صينه اللحم.


    اشتر لحم تكا (مربعات للي ما يعرف كويتي) لخروف صغير كميه 1 كيلو
    فوح اللحم مع نصف بصله وبهار شب يعني سفينه بو قوطي اخضر
    لما يقرب اللحم يستوي حط ملعقه ملح كبيره

    طلع اللحم من القدر واشخله.... مهم لاتكب الماي اللي بالقدر كله خل ربعه....

    حط نصف علبه معجون كي دي دي معجون طماط علي الماي مال اللحم
    اخلطه وخل النار تغلي فيه لما يصبغ الماي ويختلط بالبهار

    وفي هذه الاثناء
    تكون انت مقلي بطاط علي شكل مدور (يكون سميك) ويكون شارب الدهن وذايب وليس مستوي
    وتكون هم مقصص البصل حلقات
    وتكون هم مقصص الطماط حلقات

    الحين ييب صينيه قصدير مالت فرن
    حط فيها البصل اولا (صفه عدل في القاع)
    فوقه حط اللحم المفيوح
    فوقه حط بطاط تاره وطماط تاره اخري (يعني الطماط والبصل بالتناوب اعلي الصينيه)

    بالاخير صب الماء مال اللحم المخلوط مع المعجون علي الصينيه
    لغايه ربع الصينيه او اكثر شويه

    راح تلغي الماي المخلوط مع المعجون يعطي شوائب علي البطاط والطماط

    حط الصينيه بالفرن بحراره 340 لمده 3 ساعات او اقل.
    حسب قوه الفرن مالك
    سواء كان فرن بوتجاز - كرهربه - غاز - خشب

    روح الخباز ومعاك شويه سمسم وحبه حلو
    قول حق الخباز ينتثرهم علي العينه ليطلع لك قرص خبز ايراني اسلي

    سكر علي الصنيه لما تشوف ان البطاط بدا يتحمش.

    يفظل انك تدخل اصبعك بسرعه لتلتقط قطعه صغيره من التكا لتتاكد انها استوت عدل



    حقوق الوصفه محفوظه لدي
    شركه مطاعم مشاري للبيض والدجاج واللحوم ليميتد كومبرهنشن ايكزام نن ثيسيس بروجرام

    وبالعافيه
     
  7. stillhamad

    stillhamad موقوف

    التسجيل:
    ‏13 نوفمبر 2005
    المشاركات:
    1,965
    عدد الإعجابات:
    0
    والله فيكم الخير يا اخوان

    الحقيقه ما جصرتوا [​IMG]