الامير يأمر بانشاء صندوق بقيمة 300 مليون

[باكه]

تم تأجيل التصويت بعد اوامر ساميه من الامير حفظه الله بانشاء صندوق بقيمة 300 مليون لمساعدة المعسرين فتم رد القانون للجنه تمهيدا للدراسة ووضع الضوابط ××!

جزا الله الامير كل خير وان شاء الله بميزان اعماله

 

[q879]

300 مليون او مليار

 

[باكه]

300 مليون او مليار

300 مليار يمكن إذا بيسددوون ديون معسرين آسيا طال عمرك ×!!

 

[بوزييز]

ردينه مره ثانيه الكادر وتوقف والحين الصندوق اقول خلوها على الله بس مانبي شي الرازق بالسما والحاسد بالارض

 

[Hit & run]

ليس من العدل..!! الذي سيستفيد من هالصندوق...المتخلفين عن السداد...!!!

شنو ذنب الملتزم أول بأول...و مو لاقي ياكل ليه أخر الشهر......و يتكلمون بالعداله!!!

 

[المؤشراتي2]

تخفيض الفائده 1% يحل المشاكل ويحقق العداله ويساعد المتعثرين والمعسرين ويصك الموضوع كله ,بس من يسمع

 

[باكه]

ليس من العدل..!! الذي سيستفيد من هالصندوق...المتخلفين عن السداد...!!!

شنو ذنب الملتزم أول بأول...و مو لاقي ياكل ليه أخر الشهر......و يتكلمون بالعداله!!!

اتوقع اذا عندك واسطه قوية يسددون عنك قرضك لا تحاتي ×!!!!

 

[راعي فزعة]

الصندوق سواء 300 مليون او 300 الف نفس الشئ لانه ما راح يستفيد منه أحد لأن شروطه أكيد راح تكون تعجيزية ... اذا معاملة رسمية وحق من حقوقك شوف الطلبات اللي يطلبونها ,, هالمرّة مساعدة شتتوقع راح يطلبون ؟؟

وبعدين ليش طماعين الحمدلله راح يعطونكم اسهم لكل مواطن ببنك جابر بقيمة 70 دينار شتبون بعد !!,, صج راح يتشرطون عليكم بهالأسهم بس خير وبركة ,,هذا اذا ما غيروا رايهم وقللوها

 

[بوزييز]

لا والله ديره مثل الكويت بثروتها وخيرها حق الغير وحق الي يسوى والي مايسوى بنصير طماعين ولا بعين قويه بعد ::verymad::​

 

[امين الصندوق]

تاجل و دراسه وضع ضوابط وضع خطط .........الخ

وتالي منو المستفيد من التاخير ومنو مستفيد من الدوخه ومنو ........ الخ

الديره من صاده عشي عياله والناس قامت ماتعرف الحرام والحلال إلا من رحم الله
الله يستر علي عيالنا و الجيل القادم الهش .

الله يكون في عون المواطن علي طول متأهب لأي مساعده ......

علي قوله النفيسي الله يرحمه يبه عطو كل رب اسره جم بيزه وهو يعوبل بأجياله القاده وفكونه من الدوخه .

 

[kandaaa]

الصندوق سوف يكون للمعسرين مو واحد القسط اقل من 50 % من الراتب ويملك عقارات ويقول انا معسر .
اول شرط للصندوق اتوقع يكون :
1-شهادة من السجل العقاري.
2-شهاده من نزع الملكيه.
3-شهاده من البنك تفيد بقيمة القسط والمديونيه.
4-شهاده من المقاصه.
5-شهاده من وزارة التجاره.
6- الشهادات لرب الاسره و جميع افراد الاسره من الدرجه الاولي.
7-شهاده بعدم وجود ودائع باسم المعسر.
8-شهاده بعدم وجود حساب تداول الكتروني باسم المعسر.
9-كشف حساب من تاريخ اخذ القرض.
10-شهادة من الاداره العامه للمرور بملكيات المركبات.

مليت وانا اكتب اتوقع بعد هذه الشهادات راح يكون هناك شخص واحد معسر في الكويت .

 

[holding]

صندوق حق الواسطات هذا يعطونه وهذا ولد فلان ما يستاهل ولا تقولون مساوات حتي بالتموين واسطات