مجلس الوزراء يسقط قيمة الاقساط الشهرية المترتبة على شهداء الكويت

[((بن حسين))]

الحجي.. مجلس الوزراء يسقط قيمة الاقساط الشهرية المترتبة على شهداء الكويت ​

الشؤون الإقتصادية 10/12/2007 05:18:00 م



الكويت - 10 - 12 (كونا) -- اعلن نائب رئيس مجلس الوزراء ووزير الدولة لشؤون مجلس الوزراء فيصل الحجى ان مجلس الوزراء قرر اليوم اسقاط قيمة الاقساط الشهرية واية التزامات مالية اخرى مترتبة على شهداء الكويت الذين ضحوا بارواحهم دفاعا عن الوطن .
واوضح الحجى فى تصريح لوكالة الانباء الكويتية (كونا) عقب الاجتماع الاسبوعى لمجلس الوزراء ان المجلس "قرر اعفاء مجموعة من شهداء الكويت الذين ضحوا باروحهم من اجل الوطن سواء فى مواجهة العدوان العراقى الغاشم عام 1990 او فى مواجهة الاعتداءات على امن واستقرار المجتمع الكويتى عام 2005 ".(النهاية) ج ي / ن ا كونا101718 جمت ديس 07

 

[* مواطن *]

جزاهم الله خير بستاهلون أهالى الشهداء

 

[قنوع ؟]

الله يجزاهم خير على هالمبادره
وهذا اقل شئ يقدم لشهداءالكويت

 

[kwt.to.kwt]

ضحايا سوق الكويت للأوراق المالية
ما لهم شيء يا اخوان

 

[misho200]

الله يجازيهم كل الخير .. والفال ان شاء الله للاسر المتعففه
بس بصراحه .. استغربت لما عرفت ان الموضوع توهم يتكلمون فيه !!
يعني المفروض تكون ردة الفعل من اول حاله صارت !
لان اللي اعرفه ان الميت تتم روحه معلقه حتى ينقضي دينه
وهذا الشهيد .. راح واهو مديون والدوله اهي المسئوله عنه
لا حول ولا قوة الا بالله

 

[فلسني البدر]

خطوه ايجابيه من الحكومه "مع انها متأخره جداااااااااااااااااا"

اللهم احفظ الكويت وشعبها من كل مكروه

يعطيك العافيه

 

[september]

بعد اكثر من 17 سنة تاتي المبادرة

الحمد لله يعني اذا في زيادة رواتب ان شاء الله سنة 2024

سلحفاة

 

[البواردي]

يستاهلون كل خير والله
وعسى الله يجزاهم خير الحكومه الرشيده على هالخطوه الطيبه
ويستاهلون اكثر بعد

 

[الوافي ابو محمد]

مبادرة حلوه من مجلس الوزراء اللة يحفظ الكويت وأهلها من كل مكروه ويردلنا الشيخ سالم العلي معافي بأذن اللة يارب

 

[المهندس الكويتي]

يستاهلون والله

 

[sarheed]

عدل كلامكم يستاهلون

انا اقول بعد 17 سنه يسقطون ديونهم، اي ديون هذي اللي يتكلمون عنها بعد 17 سنه والله لو في حياء كان ما اعلنوا عنها

انا اقول المفروض يصرفون حق كل عيلة شهيد مالا يقل عن 50000 دينار علشان يسدون حاجاتهم اليوميه، لا ننسا ان هذي العوايل فقدت معيلها

ولا شنو رايكم

 

[شرياص العديلية]

آنا أتوقع أنه ليس لديهم قروض ..أصلا

بس الحكومة كانت ناطره آخر قسط لآخر شهيد يتسدد ...

بعدين يقولون طيحنا قروضهم ..

2008-1990 = 18 سنه ( شالقرض اللي مايخلص)

أتوقع حتى القسط طلع له ليسن قيادة ..!

والله حرام اللي قاعد يصير فينا جذي ....

ما نقول الا ... لاحول ولا قوة الا بالله العلي العظيم .

السبعينات أفضل من الثمانينات

والثمانينات أفضل من التسعينات

الله يستر على عيالنا .... الجيل الجديد (السبايكي شكله ورا الشمس ) ​

 

[salem1144]

رحمت الله لشهدائنا مااعتقد عندهم ديون ؟؟؟؟؟

بس المقاومة اولي لو لهم نية صادقة ؟؟؟؟؟؟

 

[kwt.to.kwt]

آنا أتوقع أنه ليس لديهم قروض ..أصلا

بس الحكومة كانت ناطره آخر قسط لآخر شهيد يتسدد ...

بعدين يقولون طيحنا قروضهم ..

2008-1990 = 18 سنه ( شالقرض اللي مايخلص)

أتوقع حتى القسط طلع له ليسن قيادة ..!

والله حرام اللي قاعد يصير فينا جذي ....

ما نقول الا ... لاحول ولا قوة الا بالله العلي العظيم .

السبعينات أفضل من الثمانينات

والثمانينات أفضل من التسعينات

الله يستر على عيالنا .... الجيل الجديد (السبايكي شكله ورا الشمس ) ​

هههههههههههههههههه
صادووووووووووووووه

 

[baselko]

حركة مكشوفة القصد منها ان شوفوا الحكومة تستخدم فائض الاموال لمساعدة الشعب ولا مثل ما ذكر الاخوان اي قسط هذا اللي للحين ماخلص بعد 17 سنة ... اعوذ بالله ما ادري هالحكومة ليش ماتحب شعبها شنو مايحسون ان العالم قاعد تتذمر الله يستر

 

[حمد النمر]

لو قالوا ذوى الشهدا يمكن نقول سووا شئ

الله المستعان

 

[q8_chamber]

الله يصبر اهالي الشهداء

 

[السور]

شهداء تجار الاسهم مالهم شى !!

 

[على قاسم على]

يا جماعة شفيكم يمكن الشهيد ياخذ قرض وهو متوفي كل شى جايز