_____ ياوزبر الاسكان______

[الطير القطامي]

والان وبعد رفض الحكومه لمشروع غرب هديه الاسكاني ,,,, وبعد الاقاويل

والشكوك حول امكاية انجاز مشروع مدينة (صباح الاحمد ) ,,, وبعد

الحديث عن التكلفه الفلكيه لانجاز مشروع مدينة الحرير

"""" هل اصبح حصول المواطن الكويتي على سكن هو مجرد حلم فنتازي

وهل اصبحت تصريحات وزير الاسكان عبد الواحد العوضي مسكن فقط

ليستطيع المواطن التأقلم مع واقعه الجديد

خاصة وهو يرى امواله تذهب كتبرعات واعانات ومناقصات لتنفيع علية القوم

وحاشيتهم المقربه!!!!!!!!!!!!!!!!!!!!!!!!!!!!!!!!!!!!!!!!!!!!!

 

[بوعبدالله _ 66]

بصراحه كنا ننظر هالمشروع بفارق الصبر واهو كان الامل بالنسبه لنا لكن تبدد الامل مع تصريح الوزير الاخير....

وبالنسبه لفلوسنا مو من اليوم من زامان وفلوسنا تروح لحوير وعوير اللي ماستفدانا منه وحنا بشد الحاجه لهم

ومثل ما قال المثل....عومه ماكوله ومذمومه

والله المستعان

 

[أبو فلسين]

لا وبشركم راح يسون مدينه سكنيه كامله ومتكامله بالقرب من العاصمه الاردنيه والعاصمه اليمينه و العاصمه السودانيه يقولون اهم اكثر حاجه من الشعب الكويتى ولأولويه للدوله المحتاجه ناس مشعرف حتى حاجه وناس تمشي واهى عطشانه وناس تركض واهى جوعانه وناس حتنام تحت شموسه وسلملى على مكعيل
تدرون متى راح تنحل قضيه السكن بالكويت لما يعينون وزير أسكان غير حاصل على سكن وذاق الامرين بالسكن
اما كل ماشالوا وزير أسكان يابولهم وزير أسكان عنده فلا اربع ادوار وسرداب وحوض سباحه وحديقه لى الخط السريع وين تبون الوزير يحل مشكلة الاسكان وهو أصلا ما تأذا من المشكله الاسكانيه ولا حس فيها كل وزير يأتى للوزاره يأكل يأكل ولا يشبع ماما يأكل

 

[الوافي ابو محمد]

أصبروا علي الحكومة يبون يسوون الكويت ثلاث طوابق بمساكنها بشوارعها بحرها وهذا المشروع في الخطة الخمسية للوزارة شعليكم أبشروا بالخير

 

[خالد العتيبي]

أصبروا علي الحكومة يبون يسوون الكويت ثلاث طوابق بمساكنها بشوارعها بحرها وهذا المشروع في الخطة الخمسية للوزارة شعليكم أبشروا بالخير

أهم شي القطارات!!

 

[سوق التجار]

لا و بشروا بعد قانون الايجار الجديد راح يرفع أسعار العقار أكثر من الحين .. و فوق أنك ما تقدر تشتري عقار .. أسعار العقارات راح ترتفع عليكم .. يعني طول عمرك بتسكن بالأجره .. لأن اذا كنت تفكر توفر لك جم فلس .. فبعد زيادة الايجارات ماراح يكفيك معاشك أنك تاكل فيه.

قانون الايجارات الي أقره المجلس في مداولته الأولى يعطي الحق للمؤجر أن يخرج المستأجر بعد مرور سنه من تاريخ العقد .. لكن في الوقت الحالي ما يقدر يطلعك من الشقة أو يزيد الايجار قبل خمس سنوات .. لكن بعد أقرار هذا القانون في مداولته الثانيه الي متوقع أن يتم في هذا الشهر أو بداية السنه القادمه يعطي المؤجر الحق أن يطلعك بعد مرور سنه من تاريخ عقد الايجار .. و هذا الشيء أكيد راح يستغله المؤجر برفع قيمة الايجار كل سنه اذا لم تخلي الشقة أو البيت الي مأجره.

شوفوا نوابنا شلون قاعدين يفكرون بمصلحتنا !!

 

[مستثمر فقير]

القضية الاسكانيه بالكويت ما له علاقه لا بالميزانيه ولا بالاراضي

القضيه سياسيه بحته

 

[بو سعود2003]

باختصار منو انصحاب العقارات والاراضي بالكويت اذا انحلت المشكله السكنيه يعني انخفاض بالاسعار ومنو راح يخسر او تقل قيمه عقاراته او تنزل ايجارات عقاراته هم نفسهم متخذي القرار يعني يشوفون مصلحتك او مصلحتهم ؟

 

[ياسر الروقي]

انا طلبوني سعد العبد الله وكنت ناوى افكر شكلي بروح على طووول وباخذ لو يطلعلي محول كهرباء

 

[خالد العتيبي]

القضية الاسكانيه بالكويت ما له علاقه لا بالميزانيه ولا بالاراضي

القضيه سياسيه بحته

القضية ليست سياسية بتاتا ... القضية هي تنفيع متنفذين وتجار فقط ... إذ أن الخطط الاسكانية الحديثة قابلة تماما للتطبيق ويمكنها حل هذه المشكلة بكل سهولة ... بل وحتى تم تخفيض التكلفة عبر مشاركة القطاع الخاص في جانب التمويل وكافة تفاصيل هذا الأمر جاهزة ... لكن تم تعطيل كل هذه الحلول لأنه لو تم توزيع البيوت والقسائم مثلما كان مخططاً ... فستجد أن الإيجارات ستنخفض إلى ما دون النصف عنها الآن ... وهذا في غير صالح التجار ممن استثمروا أموالهم في بناء عمارات قد لا تجد من يسكنها لولا هذا التعطيل للخطط الإسكانية ... هذا الأمر كان أحد الاسباب التي جعل أعضاء مجلس الأمة يقرون قانون زيادة بدل الإيجار لزيادة تكلفة هذا البند على الميزانية في محاولة للضغط على الحكومة لتجاوز الفكر التنفيعي البشع ... ولكن يبدو أنه لافائدة ترجى منها! فكما هو واضح ..يتم صياغة القرارات السياسية والتنموية ( بل والمعيشية ) حسب أهواء التجار ومصالحهم ...


الله المستعان

 

[ياسر الروقي]

القضيه الاسكانيه تبيلها وزير رجل بمعنى الكلمه ماهو لوتي وجذاب وبياع مشمش رجل عنده وطنيه وكريم يفكر بعيال ديرته ماهو واحد ساكن بقسيمه 1500 متر وضامن مستقبل عياله لان عنده شركات واراضي هذا الطبقي وين تبيه يحن قلبه لك يا المواطن لكن الشره على مجلس الامه اللي صار مثل المصريه اللي تزوج عليها رجلها ماعندهم الا الصياح بس وليتهم فالحين فيه بعد

 

[al7mly]

الله المستعان ........لا بورصه والا بيت ..........
مشكله غرب هديه من سنتين تقريبا واهم يبحثونها واخيرا رفضت ...زين لو رافضينها من اول اجتماع وسكروا الموضوع وانتهي واعلنوا للناس بان لا مجال نهائيا مع توضيح الاسباب ويفكرون في حلول ثانيه والناس تعرف اللي لها واللي عليها وتبحث عن بدائل ........
الحين رجعنا من نقطة الصفر .....
انا احيي الوزير علي التوضيح وحسم الامر نهائيا لمشروع غرب هديه
ولديه كذلك تصريحات ممتازه بشأن بيع اراضي خيطان بالمزاد العلني للذين لديهم طلبات اسكانيه
وكذلك اراضي ابوحليفه وتوجهاته ممتازه بخصوص الاسكان ولا نحمله تبعيه اخطاء وتصريحات الوزراء السابقين وعليه الان ان يبحث عن بدائل بشكل سريع

 

[L.yan]

الله المستعان ........لا بورصه والا بيت ..........
مشكله غرب هديه من سنتين تقريبا واهم يبحثونها واخيرا رفضت ...زين لو رافضينها من اول اجتماع وسكروا الموضوع وانتهي واعلنوا للناس بان لا مجال نهائيا مع توضيح الاسباب ويفكرون في حلول ثانيه والناس تعرف اللي لها واللي عليها وتبحث عن بدائل ........
الحين رجعنا من نقطة الصفر .....
انا احيي الوزير علي التوضيح وحسم الامر نهائيا لمشروع غرب هديه
ولديه كذلك تصريحات ممتازه بشأن بيع اراضي خيطان بالمزاد العلني للذين لديهم طلبات اسكانيه
وكذلك اراضي ابوحليفه وتوجهاته ممتازه بخصوص الاسكان ولا نحمله تبعيه اخطاء وتصريحات الوزراء السابقين وعليه الان ان يبحث عن بدائل بشكل سريع

أخوي ماسبب رفض مشروع هدية ياليت توضح بالتفصيل أو أي واحد من الأخوة يوضحة .

 

[almayeef]

القضية

وبكل اختصار

بوق × بوق = (بوق)2

ويعطيكم العافيه

 

[أبو فلسين]

أخوي ماسبب رفض مشروع هدية ياليت توضح بالتفصيل أو أي واحد من الأخوة يوضحة .

يبونه سكن لموظفى شركة نفط الكويت

 

[L.yan]

يبونه سكن لموظفى شركة نفط الكويت

مشكور يابوفلسين لكن السبب غير مقنع .

 

[مستثمر فقير]

انا طلبوني سعد العبد الله وكنت ناوى افكر شكلي بروح على طووول وباخذ لو يطلعلي محول كهرباء

بعد اهو في مجال تفكر يا حبيبي روح اخذ تخصيص.... عن نفسي رحت ركض

 

[L.yan]

بعد اهو في مجال تفكر يا حبيبي روح اخذ تخصيص.... عن نفسي رحت ركض

انا طلبي 3\95 يعطوني قسيمة بسعد أوجابر ودي اعرف منكم بارك الله فيكم

 

[بوعبدالله _ 66]

أخوي ماسبب رفض مشروع هدية ياليت توضح بالتفصيل أو أي واحد من الأخوة يوضحة .

يقولون فيها انابيب نفطيه تحت الارض..وعلى كلامهم يقولون لو ينفجر واحد من الانابيب راح يكون هناك خطوره على سكان المنطقه...وفيها فجوات وكهوف تحت الارض وخايفين يصير فيها انهيارات...

والغريب ان شركة النفط راح تبني بنفس بالموقع بيوت لموظفينها

شي يحير!!!

 

[مستثمر فقير]

انا طلبي 3\95 يعطوني قسيمة بسعد أوجابر ودي اعرف منكم بارك الله فيكم

يا حبيبي روح يوم الاحد اخذ طلب تخصيص وبعد شهر يعطونك تخصيص رسمي وبعدين انطر اسمك بالجريده... وحسب الي قاقولي بالاسكان احتمال يطلبونه اول السنه الجديده


وخلونه ندخل قرعه وحده وناخذ بيوت يم بعض ونسميه فريج المؤشر نت