بيت بهديه ب600 ألف

الموضوع في 'اعلانات العقار' بواسطة عصويد, بتاريخ ‏17 ديسمبر 2007.

حالة الموضوع:
مغلق
  1. عصويد

    عصويد عضو جديد

    التسجيل:
    ‏10 يوليو 2006
    المشاركات:
    1,520
    عدد الإعجابات:
    0
    تم بيع قسيمه 750م في هديه أمس ب620 ألف .
     
  2. أبو وجدان

    أبو وجدان عضو جديد

    التسجيل:
    ‏10 أغسطس 2006
    المشاركات:
    560
    عدد الإعجابات:
    0
    إلي خذاه واحد رغاب بالبيت ومطنوخ وعنده خير الله يزيدنا وياه من فضله وهذا مو مقياس لأسعار القسايم بهدية
     
  3. Solid_investor

    Solid_investor عضو نشط

    التسجيل:
    ‏17 فبراير 2004
    المشاركات:
    1,461
    عدد الإعجابات:
    1
    مكان الإقامة:
    الكويت
    أتفق معاك .... بعدين البيت مو مقياس لان تقدر تبني بيت يكلف 60 الف و تقدر تبني بيت يكلف 300 الف حسب نوع التشطيب ومساحة البنيان والتجهيزات .... الخ
     
  4. صحفي

    صحفي عضو جديد

    التسجيل:
    ‏29 سبتمبر 2006
    المشاركات:
    457
    عدد الإعجابات:
    0
    مكان الإقامة:
    الكويت
    انا شاري بيت تو بالمنقف قطعة 7 مجابل بوابة الهلتون 3 ادوار وغرفة غسيل وحارس وشارع واحد بس البيت متعوب عليه 290 بينه وبين شارع البحر قسيمة يعني اطلالته على البحر
    وينك القسايم ولعت يا عمي المنقف قبل 40 الف نفكر الحين الارض بروحها 190 الف ولا طقني واطقك شخلينا حق باجي المناطق لو ناطر شوي يمكن حتى الوفره ما نطولها
     
  5. I T C

    I T C عضو نشط

    التسجيل:
    ‏24 يناير 2006
    المشاركات:
    2,302
    عدد الإعجابات:
    0
    مكان الإقامة:
    الكويت.القيروان
    عز الله اللى ما شريته
     
  6. الأبطح

    الأبطح عضو نشط

    التسجيل:
    ‏17 ديسمبر 2007
    المشاركات:
    405
    عدد الإعجابات:
    1
    نعم الاسعار موطبيعيه
    قسايم ابوفطيره (شرق القرين) قبل سنه كانت القسيمه السد (شارع واحد) ب 70 ألف
    الحين 175

    الحمد الله اني اشتريت بيت وبهديه بعد ...... شارع واحد:eek:
     
  7. jamalll

    jamalll عضو جديد

    التسجيل:
    ‏23 ابريل 2007
    المشاركات:
    1,492
    عدد الإعجابات:
    0
    مكان الإقامة:
    الكويت
    والله انتوا مساكين :)

    قاعدين تشترون بيوت بأسعار خيالية بدون اي تفكير

    وقاعدين تحملون نفسكم فوق طاقتها بدون داعي

    الواقع ان كل اللي قاعد يحصل لعب في لعب وهي كالتالي:

    هل تعلم ان المساحة المستخدمة من اجمالي ارض دولة الكويت هي 5% (الشريط الساحلي).
    كل مافي الامر ان بعض الناس مسكرة الاراضي بالديرة ومو راضين يفتحون الاراضي او يوزعون على الشعب علشان لا تنزل اسعار الاراضي اللي يملكونها
    وبنفس الوقت فتحلك القروض بالبنوك علشان يساعدك انك تشتري اراضيهم باسعار غالية
    وبنفس الوقت هم نفسهم اصحاب الاراضي هم ملاك البنوك فيستنفع منك ايضا لمن يقرضك

    وبنفس الوقت اذا ما انصعت واخذت قرض واشتريت بيت وحملت نفسك فوق طاقتها
    يكون مجهزلك العمارات علشان هم تأجر منهم (التجار)
    فهي عملية محسوبة ومدروسه
    والا ليش كل دول الخليج اسعار الاراضي فيها ما تتعدى ال10% من قيمة الاراضي بالكويت؟؟؟ ليش يا شاطر انته وياه؟؟؟؟؟؟؟؟

    عموما المشقوق بالقروض اقوله الله يعينك ويصبرك
    واللي ناطر دور الاسكان اقوله الله يصبرك بعيشة الشقيق والضيق

    فلاحول ولا قوة الا بالله العلي العظيم

    وعلى فكرة بعد ايام اكمل انتظار 15 سنة بالاسكان ولا اني احمل نفسي فوق طاقتها علشان غيري يستنفع ويستغني على ظهري

    سلام
     
  8. الأبطح

    الأبطح عضو نشط

    التسجيل:
    ‏17 ديسمبر 2007
    المشاركات:
    405
    عدد الإعجابات:
    1
    اخي الكريم هبوط الاسعار حلم نحلمه ان وياك واللي على قد حاله
    لا تتعجب:confused:
    بيوت صباح السالم والقرين بشكل عام مجاوره لشرق القرين
    اللي وصلت 170 هذا الموقع التعيس
    معناه انك لما تشتري بيت تعيس بهالمناطق بحدود 130
    فانت ما وصلت لقيمة الارض:eek:
    لكن نصيحتي لك لااااااا تطوف مدينة سعد العبدالله
    خاصة القطعة اللي راح تتوزع عن قريب ق9
    لأن نظامها احلى من القطع السابقه واحسن من مدينة جابر
    ونسبة المواقع فيها كبيره وحتى السد قدامه ارتداد تقريبا 11 م
    واذا كنت ما ترغب المنطقه سو نفسي .......... شلوون .. اقولك
    دخلت القرعه وطلعلي موقع لابأس فيه
    وبنيت القسيمه وبعتها وزدت عليها واشتريت:)
     
  9. بوفراس

    بوفراس عضو جديد

    التسجيل:
    ‏19 ديسمبر 2007
    المشاركات:
    359
    عدد الإعجابات:
    0
    كلامك صحيح

    الاراضي حاليا سعرها مبالغ فيه وبشده

    والي يقول العقار ما يطيح هذا ومع احترامي له ينقصه الكثير

    كلنا نتذكر قبل ايام المناخ العقار ولع وبعدها انهار
    البورصة والعقار نفس الشي صعود وهبوط
     
  10. الأبطح

    الأبطح عضو نشط

    التسجيل:
    ‏17 ديسمبر 2007
    المشاركات:
    405
    عدد الإعجابات:
    1
    :)الله يوفقكم شباب

    وان شاء الله توصل الاراضي ب 50 او 60 ألف او أقل على ماتشتهون

    لكن المثل يقول عصفور باليد خير من عشره على الشجره
     
  11. bo5aled

    bo5aled موقوف

    التسجيل:
    ‏17 أغسطس 2007
    المشاركات:
    460
    عدد الإعجابات:
    0
    كلنا قلنا هالكلام لما كان سعر الارض 120 الف وقلنا مرة ثانية لما كان 150 الف ولازلنا انقوله وسعر الارض 200 الف وماني شايف اي بوادر تشير الى النزول أو الاستقرار على الاقل ( للعلم الكويتيون هم سبب زيادة سعر العقار في الخليج ) ولا شنو ارض براس الخيمة من سنتين ب 6 آلاف الحين سعرها 12 الف ؟
     
  12. عصويد

    عصويد عضو جديد

    التسجيل:
    ‏10 يوليو 2006
    المشاركات:
    1,520
    عدد الإعجابات:
    0
    والله صدقت اخوي يوم أكتتابات دانه غاز كنت عند صديق لي براس الخيمه من عيال حمرعين وهم تجار ومن أهل امارة راس الخيمه وكان يتهول من الكويتيين بشراء اراضي راس الخيمه وكان والله يعرض علي قطع بأربع ألاف دينار .
     
حالة الموضوع:
مغلق