انهيار اسعار العقار بالكويت يات وشيكا جدا

[ولد الديرة]

يرخص العقار اذا تم توزيع ارض المطار
اما اذا المواطن ينتظر على نار توزيع المطلاع قالعقار في طلاع

افهم يافهيم

اذا اعتمادكم على ارض المطار في حل أزمة الاسكان ونزول الاسعار فهذا بعيد على الاقل خلنا نقول ال 20 السنة القادمة لعدة اسباب
1 - وجود مكامن بترولية ضمن مساحة المطار
2 - كثرة الانشاءات والمباني والتوسعة القائمة على ارض المطار التي تجرى حاليا وهذا يدل على عدم تفكير الحكومة في نقل موقع المطار الى موقع آخر
3 - وجود محمية الشيخ جابر الاحمد رحمه الله ضمن سور المطار في الجهه الغربية
هذا غير التكلفة الكبيره اللتي تصاحب نقل مطار الى موقع آخر
للعلم مساحة مطار الكويت تبلغ 24 كم2

 

[MUSAED77]

بس عشرين سنه عادي ما باقي شي قول ليش لانه صاحبي توه منادينه ودخل القرعه بمدينة جابر ومتزوج من 1993 يعني كم صار له يعني 15 سنه ويبيله سنتين يبني لانه مو حرج يعني الناتج = 17 سنه يعني بالنسبه لارض المطار مو باقي شي .


:d:d :d

 

[ولد الديرة]

المشكلة ان سنة الكويت لازم تضربهم في 10 وخير مثال جسر الصبية
يعني احنا قلنا 20 سنة على اقل تقدير ... 20×10= 200 سنه فيك شده تنطر

 

[1aziz]

بس عشرين سنه عادي ما باقي شي قول ليش لانه صاحبي توه منادينه ودخل القرعه بمدينة جابر ومتزوج من 1993 يعني كم صار له يعني 15 سنه ويبيله سنتين يبني لانه مو حرج يعني الناتج = 17 سنه يعني بالنسبه لارض المطار مو باقي شي .


:d:d :d

اي هاذي الاخبار الزينة.......

 

[مال و أعمال]

انزين اذى وزعولكم ابيوت عماير اعضاء مجلس الامة والبلدى منو الي يبى يسكنها بعد سياحة مافية البركة فيكم

 

[الكعمي1]

انزين اذى وزعولكم ابيوت عماير اعضاء مجلس الامة والبلدى منو الي يبى يسكنها بعد سياحة مافية البركة فيكم

يسكن فيها سكرتارية مجلس الامه والبلدي​

 

[مضارب عقاري]

هيا نسكن الخفجي ؟؟؟؟؟؟؟؟؟؟؟؟؟؟؟؟؟؟؟

 

[life-enginer]

هيا نسكن الخفجي ؟؟؟؟؟؟؟؟؟؟؟؟؟؟؟؟؟؟؟

لا لا لاتروح إصبر شوي بعد

اللي قبل شهر حادينه 210 ألحين يترجوني آخذه 190
لا بعد أبشرك قاعد أتشرط

وابي ينزل بعد

هذا بالعقيله

ناهيك عن هديه 750م قاعد افاوض على 170

اللهم ديمها عليهم نقمه

ويعطينا اللي فيه الخير

 

[مضارب عقاري]

وين بهدية 170 انا شراي تكفا

 

[life-enginer]

وين بهدية 170 انا شراي تكفا

بيوت الشركه وقاعد افاوض عليها انا شراي الله يرضى عليك ويوفقك ادري سعر حلو بس كل واحد على قده وآخرهم اذا ما شريت باعلنه رسمي

 

[بوناصر10]

المشاركة الأصلية كتبت بواسطة Sky-Q8


يا شباب ابشاره اليوم فلا بمنطقة اشبيليه بطن وظهر 400 متر دورين الاول سكني والثاني شقتين معروض علي 145 الف وما في شرايه
يا شباب لا تستعجلون الانهيار قادم عن قريب جدا جدا جدا



جم وصل سعر البيت اليوم ؟


الحجى ابلاش وبعد بطن وظهر

انا ودى ينزل العقار ويطيح اكثر واكثر علشان الكل يقدر يشترى
بس نتكلم فى صدق


اخوكم بوناصر

 

[المتريث]

الى كل من يملك أرض.


لا للبيع بثمن بخص السوق بدأ يتماسك. مجلس الأمه والحكومه فشلوا في حل المشكله الاسكانيه فلا تجعلونهم يتكسبوا سياسيا من وراء ظهوركم. أّذا أرادوا أن يحلوا المشكله فليوزعوا اراضي جديده. لا للبيع بخساره فالسوق مصيره للارتفاع. خبراء العقار يتوقعون حدوث أزمه سكانيه ستتفجر في السنوات القادمه بسبب قلة الأراضي القابله للبناء وطرد القطاع الخاص. اصبروا وسيعوض الله خسارتكم بربح انشاء الله

 

[AHMADO85]

الحل يشيلون منطقه المطار ويقطونه بعيد بالجنوب ويثمن منطقه جليب شيوخ ويقطون العمال بالشمال بعيد عن مشاكلهم وتثمين منطقه صبحان الصناعيه ويروحون الشمال بهذا راح تصير في اراضي وراح يغطي كل طلبات الاسكان وعلى طاري الميزانيه الحين وصلت 19 مليار على قولتهم يعني مبلغ ضخم وشكرا .

 

[الصافي نت]

الاخ المتريث ليش ماتبي العقار ينزل مع ان من صالح المواطن النزول انت الظاهر من المضاربين في السكني

 

[النجدي2007]

المشاركة الأصلية كتبت بواسطة Sky-Q8


يا شباب ابشاره اليوم فلا بمنطقة اشبيليه بطن وظهر 400 متر دورين الاول سكني والثاني شقتين معروض علي 145 الف وما في شرايه
يا شباب لا تستعجلون الانهيار قادم عن قريب جدا جدا جدا



جم وصل سعر البيت اليوم ؟


الحجى ابلاش وبعد بطن وظهر

انا ودى ينزل العقار ويطيح اكثر واكثر علشان الكل يقدر يشترى
بس نتكلم فى صدق


اخوكم بوناصر

كفوا والله بوناصر علي الاخبار الطيبة بس الي محيرني ومستغرب منة ان بالجهرة عندنا اسعار للحين ماسكة نفسها والطلب اكثر من العرض !!!!

 

[المتريث]

الاخ المتريث ليش ماتبي العقار ينزل مع ان من صالح المواطن النزول انت الظاهر من المضاربين في السكني

عندي أرض ودي أبيعها بس مو مشكله اذا مايابت أبنيها وأجر انشاء الله.

 

[بوناصر10]

يا شباب ابشاره اليوم فلا بمنطقة اشبيليه بطن وظهر 400 متر دورين الاول سكني والثاني شقتين معروض علي 145 الف وما في شرايه
يا شباب لا تستعجلون الانهيار قادم عن قريب جدا جدا جدا

اخوى النجدى علشان تكون الصوره واضحه معاك اكثر


اخوكم بوناصر

 

[مضارب عقاري]

نسمع بانهيار الاسعار ولا شفنا شئ النسبة اللي مبينة بالسوق هبوط 15%

مادام هناك طلب وشح بالاراضي لا توقعون هبوط لان الحاصل هو ركود وترقب

حتى لو يوصل البيت 100 الف والبنك ما يمولني شلون اشتري

فية لعبة كبيرة في قانون 9/2008 ماحد عارفة القانون وضع للتجار يعني بالعربي ( تجاري + استثماري )

مو حق السكن الخاص حتى يكون المضارب على مجمعاتهم وعماراتهم وهذا اللي حصل

لان منو اللي يملك التجاري والاستثماري هم اصحاب القرار التجار واعضاء مجلس الامه

والا شرايكم فية دولة تلغي وزارة التخطيط لاحول ولا قوة الا بالله وعليكم بالصبر انة مفتاح الفرج

ولاتنسوا الاستغفار والتوكل على الله سبحانة

 

[the horizon]

ياليت نشوف هالانهيار ويمسح الأسعار والتجار معاهم

 

[دبي داري]

الله يشوفلكم ان شاءلله ويمكن ف الحاصل خير لكم والله كاتبلكم رزقه طيبه فاصبروا شوي
والله بيفتح لكم فتحا جميلا

اختكم من الامارات ..


دبي داري