بنك الخليج يزيد قيمة الاقساط

[ابو محمد 2007]

بساعدونى الا بيدمرون الناس لا رفعت القسط ساعدتنى ليش الخليج هو الوحيد رافع القسط

 

[كويت2]

ألحين زيادة القسط من قبل البنك أكثر من المتفق عليه مع المقترض يعتبر من الناحية القانونية ... مخالف أو غير مخالف؟؟؟

 

[الاحرش]

يبيله درس نحو ,

المهم اوصلت المعلومه ولا لا

اخوك شهادته رابعه متوسط

 

[SAM7]

لا حول ولا قوة إلا بالله
والله شي يحزن بصراحه اذا وصلت فيهم هالمواصيل
والغريب ان اهل البنوك من اهل الكويت يعني منا وفينا ليش يسوون جذي ما ادري
طيب لي وين بوصلون المواطن
ما طيحو القروض قلنا امرنا لله وما فيها عداله وراح يصير عندنا عجز اكتواري بالعلم ما ادري شنو يعني اكتواري
زادو الاسعار في المواد الاستهلاكيه والمواد الغذائيه والاعلاف وقلنا هذي ازمة اسعار عالميه لان الدولار نزل والنفظ ارتفع كله على الله
الحين الي قسطه 200 صار 260 دينار اذا على كلام اخونا سليم
يعني هل يريدون المواطن يغسل سيارات عند الجمعيات يا الله يرتاحون ؟

الله لا يبارك فيهم اذا كان هدفهم تكسير ظلوع المواطن

هنا بيت القصيد .... أخوي البواردي هذا مطلب العديد من تجار الكويت (عشان يعيشون الجو) أذكر أن واحد من التجار السوبر كان يتحدث بمرارة قبل حوالي عشر سنوات وكان يقول بأنك تجد في جميع دول العالم (الزبال - ماسح الأحذية - السباك - السائق ) من نفس جنسية البلد ما عدا عندنا بالكويت (طبعاً هذا مفهومه عن التكويت) وأذكر أن الكاتب/ محمد مساعد الصالح كتب مقالاً منذ فترة طويلة عن نفس الشئ حيث قال أنك عندما تسافر إلى بريطانيا العظمى فأنك تجد أن الزبال أشقر شحلاته فلماذا لا نجد الكويتي الأشلح لا يعمل زبال بالكويت الغير عظمى .

مختصر مفيد <الروس نامت والعصاعص قامت>​

 

[رومنسيات]

انا صار مع اى نفس الموقف
قصدى 339 ولقيتهم حاجزين على 452 دينار كلمتهم بالتلفون قالى زايدين القصد قلت بى حق تسون جذيه وحتى من غير ماتراجعون العميل وجذى صار قصدى اكثر من ثلاث ارباع الراتب وجذى
قلت انتو مخالفين القوانين سكت الموظف ومارد على
عموما دقيست السيارة سلف ورحة ابى اتهاوش مع الفرع اللى انا تابع له
دشيت على نائب المدير وقلت له ليش رافعين القصد قالى حنا مو رافعين ولا شى
ولا فى قرار جذى قلت انتو زايدين على القصد جيك بالجهاز لقا القصد مثل ماهو وقالى يمكن
عليك فيزا ولا شى قلت ماعلى قالى خلاص راجعنى بعد العيد وراح نرد الفرق لك
هنى هديت شوى وسكت وقلت له انت متأكد قالى اى متأكد لا فى زيادة ولا شى ولا وصلنا
من المركزى شى....
معنى السالفة البنك يحجر على مبلغ اكثر من المطلوب علشان يستفيد من الفلوس هذى
ويشغلها خلاف فترة العيد وبس ترجع الدوامات كل شى يرد طبيعى
بنوووووووووووووك يهوووووووووووووود واعتقد حتى اليهود مايسون جذى

الله ينتقم من كل بنك ربوى دمر العالم
وان الله على كل شئ قدير

 

[ابو وليييييييد]

انا زادو علي بنك الخليج 60 دينار وانا متفق معاهم القسط ثابت !!!!!!!!!!

 

[salem1144]

الاقساط برتفاع
الاسعار برتفاع
الاجارات برتفاع
اسعار البيوت برتفاع

رفض الخمسين
رفض زيادة الرواتب
رفض اسقاط القروض
رفض شراء المديونية

الفائض المالي وين يروح ؟؟؟
وين المستشفيات الي بيبنونها
وين المناطق السكنية الي بينونها
وين ووين ووين

شنوووووو الحل ؟؟؟؟؟
والله وصنا ان الحل صار معجزه

 

[ساموراي]

يا شباب ان اتصلت بالخليج للاستفسار معنه ما عندي قرض عندهم وسألتهم عن سبب زيادة الاقساط قالولي كل السالفه ان هناك قصور من طرف بنك الخليج لعدم تحديث بياناته أول بأول نتيجة لرفع المركزي لسعر الفائده بمعنى الي ما خذ قرض فرضا 20000 دينار لمدة خمس سنوات لنفرض تاريخ يناير 2004وينتهي في يناير 2009وقسطه الشهري مثلا 200 دينار وكانت فائدة البنك المركزي 5.75% والحبيب يدفع شهريا 200 دينار. لكن فائدة البنك المركزي زادت الان الى 6.25 و حبيبنا للحين يدفع 200 دينار بس بنك الخليج توه انتبه (الله بالخير) ان حبيبنا الي قاعد يدفع 200 دينار ما راح يخلص قرضه في الوقت المحدد وهو يناير 2009 وذلك لزيادة الغائدة من قبل البنك المركزي فقام وحدث بياناته علشان المقترض يسدد قرضه في الوقت المحدد وقام زاد الاستقطاع الشهري. وراح تلاحظون الي اقترض من الخليج من سنه او اقل ما تأثر قسطه لانه على اخر فائده 6.25%. يعني السالفه مالها شغل بالحكومة ولا المركزي ولا بوباسل 2 ولا حتى نظرية المؤامرة

بنكي الوطني أقصد بوبيان

 

[baselko]

يا شباب ان اتصلت بالخليج للاستفسار معنه ما عندي قرض عندهم وسألتهم عن سبب زيادة الاقساط قالولي كل السالفه ان هناك قصور من طرف بنك الخليج لعدم تحديث بياناته أول بأول نتيجة لرفع المركزي لسعر الفائده بمعنى الي ما خذ قرض فرضا 20000 دينار لمدة خمس سنوات لنفرض تاريخ يناير 2004وينتهي في يناير 2009وقسطه الشهري مثلا 200 دينار وكانت فائدة البنك المركزي 5.75% والحبيب يدفع شهريا 200 دينار. لكن فائدة البنك المركزي زادت الان الى 6.25 و حبيبنا للحين يدفع 200 دينار بس بنك الخليج توه انتبه (الله بالخير) ان حبيبنا الي قاعد يدفع 200 دينار ما راح يخلص قرضه في الوقت المحدد وهو يناير 2009 وذلك لزيادة الغائدة من قبل البنك المركزي فقام وحدث بياناته علشان المقترض يسدد قرضه في الوقت المحدد وقام زاد الاستقطاع الشهري. وراح تلاحظون الي اقترض من الخليج من سنه او اقل ما تأثر قسطه لانه على اخر فائده 6.25%. يعني السالفه مالها شغل بالحكومة ولا المركزي ولا بوباسل 2 ولا حتى نظرية المؤامرة

بنكي الوطني أقصد بوبيان

منو بوباسل 2

 

[بيل غيتس]

في شيئ قاعد يخطط خلف الكواليس شنو الله يعلم ؟

نعم

راح يرجعونكم ايام السبعينيات الراتب فقط لزوم الطعام والكسوه

 

[adel1968]

ذهب عصر البشوات في مصر
وبدا عصر البشوات في الكويت
والله طرطره والنواب ساكتين يمكن يعطونهم من الاستقطاع فايده اقصد كومشن كالعاده علي سكوتهم
بس فالحين انا بستجوب وزير الداخليه ليش ما عطاني خدامه
واحد بيستجوب وزير الصحه ليش ما عطو صديقه دوا ازرق
نسيت ودوا الكحه
واحد يقول خلال شهر راح استقيل اذا ما استقالة وزيرة التربيه طاف الشهر وشهرين وهوه للحين لام الكرسي ولا دين حاطله لحيه وما عنده مصداقيه معا نفسه
يبه ما اقول الا ديرة كل من ايدو لايلو علي قولة اخوانه السوريين
والشعب المسكين ما يدري يلقاها من منو من الحكومه ولا المجلس ولا التجار
حسبيه الله ونعم الوكيل علي كل من شارك في اذلال الشعب الكويتي
يا جماعه يمكن يبون ينحشونا ويبون عراقيين والله اعلم ترا العراقي بهالبلد سهمه فوق

 

[الوسيم]

شباب قصو علي 505 بعد ماكان 426
هل يعد هذا مخالف للقانون مع العلم ان راتبي1000
وعلي اقساط 140سياره
افيدونا يامحامين يافاهمين بالقانون مع مصاصين دم الشعب الكويتي

 

[RICARDO-KAKA]

شباب انا ما زاد علي شي ولما كلمت البنك قالولي ماكو لا زياده ولا شي

تاكدو مع فروعكم احسن لا ياكلونها عليكم

 

[ابودخيل2006]

اليوم راجعة البنك ..........بختصار اللي صار
ليش زتوا القصد من 305 الى 360 وانا بقالي 30 شهر معناه راح ادفع 1400 فوائد
- لما زاد البنك المركزي النسبه خلينها دفعه اخيره هي الفائده اي العميل لما ياتي
على القصد الاخير يتفاجأ ان عليه 1400 فوائد ..........فمايقدر يسددهم
فنجدولها عليه مره اخرى بفوائد ( يهود بني قريظه )........لكن البنك المركزي اجبرنا على عدم تمديد المده لذلك وزعنا النسبه على الاقصاد المتبقيه فانت الان راح تسدد المديونيه ع 30 قصد صح بدون اي مفاجأه
عرفتوا ليش كل هل مده البنك الخليج مارفع القصد مثل البنوك الثانيه
يعني يالمسكين مستانس ان مازدو قصدك وتيي على القصد الاخير فرحان ولا تلقا عليك 10 الف فوائد ....اها اخوي انجدولها عليك
يصيرون 17 الف ......واللعب معاهم ......عبالك دخول الحمام مثل خروجه
الا ن انكشفوا .......خلصوا الناس بدون لف ودوران
عرفتوا .............حولوا اسلامي احسن لكم الان افتحوا التورق
وبدال البنك الواحد صاروا 3 بنوك عمار يابيت التمويل ...شوف سعره ورباحه