أفضل سهم للإستثمار

الموضوع في 'السوق الكويتي للأوراق الماليه' بواسطة بورش, بتاريخ ‏27 ديسمبر 2007.

  1. بورش

    بورش عضو مميز

    التسجيل:
    ‏25 سبتمبر 2005
    المشاركات:
    3,660
    عدد الإعجابات:
    1
    مكان الإقامة:
    دار بالبورصة
    السلام عليكم,
    إلي يانا وياكم...خير لفانا ولفاكم...وشرا تعدانا وتعداكم...زور ابن الزرزور..الى عمره ماحلف ولا جذب زور... ذبح بقره وترس 7 اجدور...وخلا الشحوم ... واللحوم على الصوانى تدوم :p

    بقولكم اليوم قصت أفضل سهم استثماري .. قصت المليونير مورت بيتس Mort Bates.

    كان رجل عادي .. مجرد ما أن تذوق طعم الكوكاكولا .. قال هذا طعمه حلو .. وأكيد الكل يبيه .. قام وقط حلاله كله في هذا السهم .. والأيام تمر وشركة كوكاكولا صارت من الشركات العملاقه .. والحبيب صار مليونير من ورى كوكاكولا.

    سألوه قالوله انت تسولف وتقول انا بصير مليونير من قبل ماتصير مليونير .. شلون كنت واثق انك راح تصير مليونير ؟؟

    قالهم بسيطه .. مشروب طعمه حلو .. يحبونه في الصين .. في روسيا .. وحتى في فرنسا.. وفي كل العالم .. وصارت الناس تحتاجه .. شلون ماتأكد ان سعر السهم راح يزيد :D


    سألوه سؤال ثاني, وقالوله بما انك خبير في شركة كوكاكولا .. متى تنصح بالدخول على السهم .. وكان رده بسيط " كل ماحصلتوا فلوس .. تقدرون تدشون على السهم ".

    حسبه بسيطه على السهم .. الشخص الي كان عنده 40$ من أسهم كوكاكولا ( مايعادل 11 دينار ) في عام 1919ومخلي السهم ليلحين عندك .. وطبعا هذا شي خيالي ولكن قاعد أقول حسبه .. كان أصبح الحين عندك 5,629,831 $ ( مايعادل 1,539,500 دينار ). وعيال عيالك عاد يكملون شرى وتصير عايلتك أغنى من عايلة الخرافي :p

    من وجهت نظري الإستثمارية .. سهم مركز سلطان سهم إستثماري بحت .. سعره أعتقد جميل جدا .. ولا ننسى ان أسعار الأغذية قاعده تصعد .. وهذا يعني ان أرباحه راح تصعد معاه.

    وراح أذكركم مع الأيام على هذا السهم :) ( سعر السهم اليوم 430 ) وهذي مو دعوه للبيع والشراء .. لكن هذي نظرتي الإستثمارية .. ويمكن أخواني تتفقون معاي أو تعارضوني. وفي النهاية لاننسى ان الأرزاق على رب العالمين. :)