ديروا بالكم من كنتاكى الأسعار إرتفعت

[المستثمر الراكد]

أرجوا الإنتباه عند التفكير من الشراء من كنتاكى لانهم رفعوا الاسعار

الوجبة اللى كانت 1600 الآن 2000

انا قررت عدم الاكل هناك

الاختيارات كثيرة

نعم للمقاطعة

 

[بوسعود66666]

حبيبى الله يرحم والديك خلنى ساكت الدنيا كلها ارتفعت جات على كنتاكى ؟

 

[بو بندر 2000]

اخي المستثمر الراكد يعطيك العافية على التنبية

انا عن نفسي ما احب الوجبات السريعة كلها بس المشكلة العيال عندى الله يهداهم

بعلمهم ونبي نسويها مقاطعة لكنتاكى يا علة ما يربح اللعين .

خالص تحياتى

 

[Master-Leo]

كنتاكي مو تابع لأمريكانا اللي تابعه للخرافي اللي خالفوها في الامارات بسبب زيادة أسعارهم هناك ؟

 

[بوسعود66666]

كنتاكي مو تابع لأمريكانا اللي تابعه للخرافي اللي خالفوها في الامارات بسبب زيادة أسعارهم هناك ؟

وهنى ليش مااحد يخالفهم طيح الله حظهم

 

[ali hussain]

من زين كنتاكي عاد الله يزيد النعمه
رفيجي متسمم مرتين منهم وللحين مو راضي يقتنع
انا اقول في بدائل وايد بس لو الواحد فينا يطبق على نفسه اول شئ

 

[Master-Leo]

وهنى ليش مااحد يخالفهم طيح الله حظهم

تبي تخالف شركات الخرافي في عقر داره بالكويت لايجوز شرعا

 

[بوسعود66666]

تبي تخالف شركات الخرافي في عقر داره بالكويت لايجوز شرعا

نعم نعم انه حراااااااااااام المخالفه
عاشت الكويت

 

[mod]

أرجوا الإنتباه عند التفكير من الشراء من كنتاكى لانهم رفعوا الاسعار

الوجبة اللى كانت 1600 الآن 2000

انا قررت عدم الاكل هناك

الاختيارات كثيرة

نعم للمقاطعة

نهاية سنة 2008 كل الاسعار راح تزيد 40 % اللة يكون في عون الجميع على المتغيرات السريعة و الغير معقولة .

اللهم إني أعوذ بك من شر الخلق . وهم الرزق .

 

[ChuCky]

خلك على ماكدونالدز و برجركنج ارخص و انظف بواااااايد
و الحين اكو صب وي و مستر صب اكلهم نظيف جدا جدا و ارخص
والله يخلي شارع المطاع الوجبة بدينار

 

[zoya_y]

يعني ال ss صارت بجم ألحين ؟؟
كانت اب 750 وعقب صارت 950 وبعدين صارت اب 1.100 الحين جم ؟؟ :s

 

[الفارس الجسووور]

اصلا لو يسون تنزيلات على اكلهم الواحد لازم يوخر عن اكلهم لان ضار جداااااااااااااااااااااا بالصحه وكله دهون وبلاوي سوده والدياي مالهم كبير ويلوع الجبد ومتروس ومشبع بالزيوت انا ماني عراف الناس ليش مدمنين عليه ؟؟؟؟؟؟؟؟؟؟؟ يعني الواحد يدفع فلوس عشان يظر نفسه وللعلم انا مانع عيالي ومعودهم من صغرهم انهم ماياكلون بهذي النوعيه من المطاعم

 

[حفار قبور]

كنتاكي ؟؟؟

الله يزيد النعمة

 

[بقايا-جروح]

ياجماعه بالنسبة لكنتاكي بعث واحد من الربع بامريكا عن مزارع كنتاكي مقال مفاده كالتالي:
ثبت ان الدجاج المستخدم من قبل كنتاكي هو حيوان مهجن للدجاج واهو كبير الحجم ولايوجد فيه ريش وشكله مشوه بسبب التهجين والغذاء الحيواني والكمياوي لان اهم شي عندهم الحجم
ياجماعه اللي يبي يشووف عظام دجاج كنتاكي من ناحية الحجم واللون الاسود يدرك ان هذا الحيوان لايشبه الدجاج العادي

ارجوا اني افدكم والله من وراء القصد

 

[Speed90]

لو تصير الوجبة ب 250 فلس ما آكل عندهم
يكفي الي قاعد تاكله من كنتاكي و مكدونالذ ******** الله يكرم النعمه
فوق هذا علبة بيبسي فيها 50 جرام سكر
قمة المرض

 

[ولد البورصه]

اللى ياكل من ايد مصرى الله يكون بعونه

 

[Speed90]

اللى ياكل من ايد مصرى الله يكون بعونه

أنا والله ما يقربون لي مصريين لا من بعيد ولا من قريب

و أدعوك الى سحب كلمتك هذة و الإستغفار و انا خوك
مسلمين و فيهم شرفاء و عقول و ناس ينحطون على الراس و شرف للأمة العربية و الإسلامية
على الأقل إذا كان هذا رأيك فيهم خله في نفسك ولا تشهر فيه و تحرض غيرك على هالأمور و تكسب ذنبهم فوق هذا الذنب بعد

إستغفر قبل لا يمسي عليك هذا اليوم
تحياتي...