صراحه
يعطيك الف عافيه على مجهودك ... وسامحني اني خذيت من وقتك
العفو اخوي و الله يعافيك و ترى ما سوينا شي بالعكس انا استمعت بالنقاش معاك و استفدت من اني شفت نظرة مختلفة اثرت و افادت خبرتنا بالتحليل
بعد الي شفته ... موجات اليوت مو سهله ولا بسيط ... فعلا يبيله وقت طويل للتعليم ... وتحتاج ايضا دقه كبيره
الصراحه الواحد لازم يتعلم التحليل بكل الطرق .. ولا ترا بضيع مثل ماضعت انا الحين
..
فعلا اخوي ترى موجات اليوت مو سهلة و اكثر المحليلين يختلفون على اكثر من طريقة لتحليل نفس السلوك فالدقة باتباع قاونين النظرية شي يحتاج ممارسة و تدريب لتقليل فرص الخطأ. و طبعا كثر ما تتمكن من عدة طرق كثر ما تأمن على حلالك من الضياع و هالشي يعتبر مسؤوليتك بالدرجة الاولى
.
________
عزيزي ميكانيكي، ودي اسئلك سؤال بالنسة للمثلث اللي قبل، و ابيك تفيدني فيه قبل لا نكمل بالتحليل، انا كنت قاري من قبل ان مثلث حسب تحليل الترندات لازم يكون يكون مسوي قناة على شكل مثلث و يكون ملامس للمثلث بعدة نقاط (اعتقد 5) و يجب ان يرتد منها بوضوح؟
اتاكدلك
_________
انا سويت بحث عن المثلثات بالنت و لقيت كذا مصدر يقول لازم على الاقل يحقق نقطتين فوق و ثنتين تحت على خطوط الترند و الخامسة المفروض تكسر. و ما يازال البحث جاري
بخصوص عقارات الكويت
انا متأكد فقط من المثلث الاول بالقمه لأنه في قمه وقاع ... اما المثلث الاخير اوافق الراي ان مو مضبوط ...
بس هذا الي لفت نظري
شارت ويكلي .. اضبط
ونسيت ارفقلك اياه
شوفه وعطني رايك ... وهل ترقيمي عدل ؟؟ ... ووين الموجه (( 5 )) ؟؟
و الله يا اخوي ميكانيكي اللي اشوفه ان المثلثين مو صحيحين خصوصا مع المعلومة اللي ذكرتها فوق بان لازم يلامس الخط العلوي مرتين و السفلي مرتين، فهنيه نجد تفسير ليش المثلث الاول كسر شوي لتحت بعدين رد فوق المثلث شوي و بعدين رد لتحت، لو كنت قاعد تتداول وقتها اكيد بتتخربط و بتكيش او تضرب ستوب لوز بدل المرة ثنتين، مرة لما نزل اول شي و الثانية لما صعد.
بالنسبة لشارت الويكلي بحط تحليلي تحت و هو تقريبا نفس ما حضرتك تفضلت و قلت بالترقيم مالك، بس ترى ممكن الموجة 4 تكمل شوي لتحت قبل لا يصعد بالموجة الخامسة. طبعا هالتحليل حسب هالشارت و يمكن لو كانت الفترة اطول لكانت الصورة اوضح. بس شكله الموجات الاندفاعية لفوق اسست 3 موجات واضحين و باقي الخامسة قبل لا يدش بموجة تصحيح اخرى مستقبلا فاقدر اعتمد على هالتحليل ان شاء الله.
ونسيت شغله .. احنه طعنه بره موضوعنه
... شنو رايك بالهواتف ؟؟؟ هل فعلا مثلث هابط
للاسف اخوي ميكانيكي ما عندي برنامج لتحليل الاسهم حاليا فاخذت شارت من موقع الاوسط و حللت، اتوقع له صعود لهدف مو بعيد بمثلث متباعد و من ثم النزول حسب تحليل اليوت و هم حسب وضع السهم بالسوق لقرب توزيع الارباح و تفسيخ السهم. هذا على المدى المتوسط و البعيد، على المدى القصير حضرتك تقول انه فيه مثلث هابط، حاولت اصيد هالمثلث ما قدرت، اذا حضرتك متأكد من وجود المثلث يا ريت تحط لي الشارت مع توضيح لمكان المثلث لو سمحت
طبعا اعيد و اكرر اني قاعد احلل بشكل بصري بدون استخدام اي ادوات او برنامج و قد يكون هناك اكثر رأي للتحليل او لاستخدم فيبوناتشي لتحديد طول الموجات و اهدافها لقياس مدى صحة كل موجة. و ارجو السموحة لو كنت غلطان بشي بالتحليل.
و مرة ثانية شاكر لك سعة صدرك و صبرك على طوالتي بالرد و يعطيك العافية عالنقاش الطيب و اذا انا راجعت نفسي و لقيت غلط بالتحليل مالي ان شاء الله برد و اوضح
.