عندك e-GO من Zain وتبي شبكة Wireless في البيت وبنفس السرعة ؟

[حسين سعدون]

السلام عليكم ورحمة الله وبركاته

1on@windowslive.com

لاحظت أن هناك موضوع فيه أكثر من 100 صفحة وأغلبها يوجد فيها السؤال عن كيفية عمل شبكة Wireless في البيت أو أي مكان عن طريق الــ e-GO أو إنترنت الوطنية

مستعد إستعداد تام لعمل شبكة Wireless عن طريق الــ e-GO أو إنترنت الوطنية في البيت أو في أي مكان آخر

لكن تذكر أنه لابد من أن يكون جهاز الكمبيوتر شغال علشان الــ Wireless يشتغل للأشغاص الشابكين معاك

السعر الحالي 35 دينار فقط إذا كنت تبي تسوي الشبكة عن طريق جهازك الحالي وهو الكمبيوتر

للعلم يا إخواني حتى إشتراك الإنترنت العادي Dial Up أقدر اسويه Wireless لكن مثل ما إنتوا عارفين بطيئ وما راح تستفيد منه !

وإذا تبي عن طريق Server طبعا راح تستغني عن الكمبيوتر ولكن راح يكلفك فوق 1000 دينار هذا بس سعر السيرفر طبعا !!

إخواني كنت اسوي هذي الشغلة فوق 40 دينار وسامحوني مستحيل أسوي السعر أرخص وقريبا إن شاء الله راح افتح محلي في حولي شارع بن خلدون مجمع البسام (( 3 )) بالسرداب محل رقم 14

إتصل : 6091591

البريد الخاص : 1on@windowslive.com

لأي إستفسار الرجاء الإتصال هاتفيا أو الإقتباس والرد وأنا حاضر

أخوكم حسين سعدون ..

 

[q8_chamber]

بالتوفيق ان شاء الله ياخوي

 

[bof10]

السلام عليكم ورحمة الله وبركاته

1on@windowslive.com

لاحظت أن هناك موضوع فيه أكثر من 100 صفحة وأغلبها يوجد فيها السؤال عن كيفية عمل شبكة Wireless في البيت أو أي مكان عن طريق الــ e-GO أو إنترنت الوطنية

مستعد إستعداد تام لعمل شبكة Wireless عن طريق الــ e-GO أو إنترنت الوطنية في البيت أو في أي مكان آخر

لكن تذكر أنه لابد من أن يكون جهاز الكمبيوتر شغال علشان الــ Wireless يشتغل للأشغاص الشابكين معاك

السعر الحالي 35 دينار فقط إذا كنت تبي تسوي الشبكة عن طريق جهازك الحالي وهو الكمبيوتر

للعلم يا إخواني حتى إشتراك الإنترنت العادي Dial Up أقدر اسويه Wireless لكن مثل ما إنتوا عارفين بطيئ وما راح تستفيد منه !

وإذا تبي عن طريق Server طبعا راح تستغني عن الكمبيوتر ولكن راح يكلفك فوق 1000 دينار هذا بس سعر السيرفر طبعا !!

إخواني كنت اسوي هذي الشغلة فوق 40 دينار وسامحوني مستحيل أسوي السعر أرخص وقريبا إن شاء الله راح افتح محلي في حولي شارع بن خلدون مجمع البسام (( 3 )) بالسرداب محل رقم 14

إتصل : 6091591

البريد الخاص : 1on@windowslive.com

لأي إستفسار الرجاء الإتصال هاتفيا أو الإقتباس والرد وأنا حاضر

أخوكم حسين سعدون ..

موفق اخوي والله انا اعرف اسوي شبكه ويرلس من الكمبيوتر والله اذا تكلف 35 دينار نشتغل فيها وانترزق ان شاء الله

وشكراا

 

[alkhalid73]

اخوي اهي اصلا ماتكلف لو تبي تسويها ماتاخذ منك وقت وللمعلوميه راوتر وايرلس احسن نوع بـــ 25 لانها كثرت بالسوق والحين نازل منه اذا ماتدري اخوي وايرلس معاه مكثف يوصل للدور الثالث

موفق خير اخوي

 

[حسين سعدون]

موفق اخوي والله انا اعرف اسوي شبكه ويرلس من الكمبيوتر والله اذا تكلف 35 دينار نشتغل فيها وانترزق ان شاء الله

وشكراا

الله يوفقك حبيبي بس تذكر إن السالفة مو بس 35 دينار وتترزق الله وتمشي عن الناس

لأني آنا متأكد إنك راح تواجه مشكلة في المستقبل وهي limited or no conectivity connection وهذي يبيلها شخص يعرف يحلها

وفي شي لازم تعرفله عدل وهو موضوع DHCP يالغالي

وطبعا كل شخص ركبتله راح يدق عليك ويقولك تعال حل مشكلتي وطبعا إنت لو ما عرفت الحل راح ترجعله فلوسه

الله يوفق الجميع

تحياتي .

 

[حسين سعدون]

عفوا عفوا !!

اخوي اهي اصلا ماتكلف لو تبي تسويها ماتاخذ منك وقت وللمعلوميه راوتر وايرلس احسن نوع بـــ 25 لانها كثرت بالسوق والحين نازل منه اذا ماتدري اخوي وايرلس معاه مكثف يوصل للدور الثالث

موفق خير اخوي

كلامك صحيح متروس السوق بس وضح شنو المتروس ؟

وشلون يشتغل ؟

كم سرعة الشبكة 1.8 ولا 7.2 ؟

تحتاج e-GO ولا شنو بالضبط ؟

على فكرة في جهاز أحسن من بو 25 دينار الي تتكلم عنه بس سرعة الشبكة 1.8 وموجود في شارع بن خلدون محل إسمه Linksis مقابل الولاء

فياريت تقول لنا عن أي جهاز تتكلم وشلون نستعمله ؟

هل تركبه على الكمبيوتر ولا شنو بالضبط ؟

وعلى فكرة إنت تحتاج تعطي شرح كامل عن كيفية توصيل شبكات !! علشان الناس تفهم يعني شنو جهاز بو 25 !!

إنت قاعد تتكلم عن جهاز تركب فيه كرت الداتا مباشرة وهذا سرعته 1.8 القديمة

طيب ، في المستقبل إذا شرينا هالجهاز والشركات طورت سرعات الإنترنت إلى أكثر من 7.2 هل الجهاز الي تتكلم عنه يعطيك نفس السرعة في المستقبل ؟

خاصة أنا شرحت في الموضوع وقلت إني أسوي الشبكة وبنفس سرعة النت مالتك في الكمبيوتر ولو زادت بالمستقبل تعطيك نفس السرعة ، فياريت تشرح للناس لو كنت حاب إنك تفيد العالم مجانا !!

شاكرلك

 

[Mr.FaiSaL]

يعطيكم العافية شباب والله يوفقكم جميعا

والشبكة بالبيت تعتمد على حاجة الشخص شلون يبيها
اذا عندك لابتوبين وعندك e-Go ماتحتاج لا راوتر ولا كيبل ولا شي ... من الوايرلس تشبك الكمبيوترين مع بعض .. وإستمتع

أما اذا اكثر من كمبيوتر سويج عادي يأدي الغرض تركب الـ e-Go على اي كمبيوتر وتسويله شير وتوصل كيبل من الكمبيوتر لي السويج ومن السويج ركب اللي اللي بخاطرك من عدد كمبيوترات ... وإستمتع )

وفي طرق ثانيه وثالثه ورابعه إلخ

وتحياتي للجميع

 

[bof10]

الله يوفقك حبيبي بس تذكر إن السالفة مو بس 35 دينار وتترزق الله وتمشي عن الناس

لأني آنا متأكد إنك راح تواجه مشكلة في المستقبل وهي limited or no conectivity connection وهذي يبيلها شخص يعرف يحلها

وفي شي لازم تعرفله عدل وهو موضوع DHCP يالغالي

وطبعا كل شخص ركبتله راح يدق عليك ويقولك تعال حل مشكلتي وطبعا إنت لو ما عرفت الحل راح ترجعله فلوسه

الله يوفق الجميع

تحياتي .

عارفها هذي المشكله اخوي وصارت وياي اكثر من مره

 

[عازف الجيتار]

بالتوفيق بالمحل اليديد وانشاءالله موفق

 

[Lover]

بالتوفيق إن شاء الله اخوي حسين..

 

[حسين سعدون]

شباب ما شاء الله عليكم عندكم خبرة في هذا المجال

يالله شدوا حيلكم وإشتغلوا معاي وصيروا موزعين عن طريق شركتي

انا بس آخذ منكم نسبة والإعلانات خلوها علي

حياكم الله وبالتوفيق جميعا ..

 

[ابو عيسى]

اخوي حسين سعدون

بصراحه تعجبني ثقتك في نفسك وبالردود والله يوفقك وما شاءالله عليك

حلات الريال لا قال فعل شراوك وبالتوفيق والله فكره حلوه واذا احد من طرفي يبي بعطيه رقمك

موفق خير

 

[حسين سعدون]

ممتاز !!

يعطيكم العافية شباب والله يوفقكم جميعا

والشبكة بالبيت تعتمد على حاجة الشخص شلون يبيها
اذا عندك لابتوبين وعندك e-Go ماتحتاج لا راوتر ولا كيبل ولا شي ... من الوايرلس تشبك الكمبيوترين مع بعض .. وإستمتع

أما اذا اكثر من كمبيوتر سويج عادي يأدي الغرض تركب الـ e-Go على اي كمبيوتر وتسويله شير وتوصل كيبل من الكمبيوتر لي السويج ومن السويج ركب اللي اللي بخاطرك من عدد كمبيوترات ... وإستمتع )

وفي طرق ثانيه وثالثه ورابعه إلخ

وتحياتي للجميع

يعطيك العافية

إنت قلت (( والشبكة بالبيت تعتمد على حاجة الشخص شلون يبيها
اذا عندك لابتوبين وعندك e-Go ماتحتاج لا راوتر ولا كيبل ولا شي ... من الوايرلس تشبك الكمبيوترين مع بعض .. وإستمتع ))
أولا - يا سلام ! الكمبيوتر فيه راوتر ويستقبل ويمكن فيه ريبيتر بعد ؟!! إذا علمتني هذي الشغلة راح اعطيك 1500 دينار هدية لعيونك
ثانيا - أما اذا اكثر من كمبيوتر سويج عادي يأدي الغرض تركب الـ e-Go على اي كمبيوتر وتسويله شير وتوصل كيبل من الكمبيوتر لي السويج ومن السويج ركب اللي اللي بخاطرك من عدد كمبيوترات

عندي تعليق على ثانيا

أخي الفاضل انا أركب هذي الشغلة وهي الموزع والكيبلات
بس يا أخي إنت بكلامك هذا كله كأنك تقول ما عليكم من كلام حسين والوايرلس ماله داعي !

اخي الفاضل أنا سبق وقلت أسويلك تغطية كاملة في أي مكان عن طريق الوايرلس ، يعني مستعد أسويلك شيئ أفضل من الــ DSL وعندي ناس بالمنتدى ركبت لهم ويشهجون على كلامي

بعدين إنت قلت كلمتين مافيهم ولا شرح وتقول كيبلات و وايرات تبي تقنع الناس إنهم كافي يعملون وايرات ؟

يعني العمارة كلها مثلا تسوي فيها كيبلات ؟

عيل لا نتكلم عن تكنولوجيا الوايرلس أفضل !

يا شباب إذا عندكم خبرة في هذا المجال رجاءا لاتشرحونه في موضوعي وإنتوا أصلا ما تعرفون تشرحون للناس شيئ !

إذا تبون تقنعون الناس إنه شيئ سهل ترا حتى الخبز طريقة تحضيره سهلة
لكن ما تقدر تقوله حط الخميرة والماء وتسكت !!! زين شلون وشكثر يبيلها علشان تنطبخ ؟؟؟؟

فيا أخي الفاضل إذا هذا إعتقادك والوايرات والكيبلات تكفي بالغرض انا راح أقولك كل كلامك غلط وبالنسبة إنها تعمل طبعا وبلا شك إنها تعمل وما راح تكلف الناس أكثر من 15 دينار لكن وين الخباز الي يخبز لهم الخبز ومشكلتك ما شرحت لهم شلون !!!

وإذا عندك شرح أعتقد في أماكن للشرح والقسم هذا للبيع والشراء فقط

وبطريقتك هذي راح تخلي الناس تستخسر شغلي مع إن في شخص أعرفه يسويلك هالشغلة بــ 50 دينار وإذا سألته يقولك لأنها شيئ نادر وطبعا هذا إستغلال وشوف انا سعري بس 35 مع إني أعطيك جهاز مع شغلي وإذا تبي أسويلك وايرلس مسافته كيلو لعمارة أو لكل الفريج

وإذا كانت الشركات تدفع سنويا فوق 1000 دينار لـ DSL أنا عن طريق ال e-GO أسويلهم سيرفر وشبكة فيها 2 e-GO علشان السرعة تصير دبل وما يصير ضغط على الشبكة وبسعره الشهري 27 يعني الأثنين = 55 دينار يعني ما يتعدى ال 700 فقط يعني كأنهم ماخذين شيئ أقوى من DSL وشوف كم سعره

الزبدة إن ال e-GO أقدر أخليه لك على طبق من ذهب لو تبي

وشاكر لكم .

 

[حسين سعدون]

اخوي حسين سعدون

بصراحه تعجبني ثقتك في نفسك وبالردود والله يوفقك وما شاءالله عليك

حلات الريال لا قال فعل شراوك وبالتوفيق والله فكره حلوه واذا احد من طرفي يبي بعطيه رقمك

موفق خير

مليون شكر لك يالغالي

وتحياتي لك ..

 

[finaltouch]

الله يوفقك اخوى حسين سعدون.....

 

[ابن عامر 2]

ولا يهمك بو علي عساك على القوة

يعجبني مثل ما قال الأخ اللي قبلي الوثوق بالمعلومة والهمة العالية

فالك الربح الطيب المبارك وعساك موفق

ولو عند استعداد تعطي دورة في نفس المجال أنا إن شاء الله من المشاركين

وشكرااا

 

[Mr.FaiSaL]

أولا - يا سلام ! الكمبيوتر فيه راوتر ويستقبل ويمكن فيه ريبيتر بعد ؟!! إذا علمتني هذي الشغلة راح اعطيك 1500 دينار هدية لعيونك

أخوي أنا مابي أكسر بمجاديفك ولا اقطع رزقك الله يوفقك ويوفق الجميع واذا تبي أي مساعده عيوني لك ..
وانا عندي مواضيع بمنتديات ثانيه ومشهوره شارح فيها شلون تسوي شبكة كاملة .. حتى اذا عندك بلوتوث اقدر اسويلك شبكة وهم شارحها بالتفصيل وبالصور بعد ... والشرح سويته لله كلمة مشكور .. ورحم الله والديك تكفيني

واذا تصير بالبلوتوث تسوي شبكة .. هم اقدر اسويلك بالوايرلس اذا عندك لابتوبين فيهم وايرلس
وأضمنلك 100000% انها تصير تشبك لابتوبين مع بعض بالوايرلس بدون اي راوتر او سويج

واذا دام فيها 1500 دينار على ايدك خاطري بسفره دبي هههههههه

وانا عن نفسي بغيت احط موضوع كامل وبالصور شلون تسوي شبكة بس دام انت قاعد تشتغل فيها وتسترزق حشى علي احط موضوع الله يوفقك

واذا تبي اي خدمة او سؤال حاضر دزلي رساله على الخاص ... ترى عندي خبره وشغلتي هذي

وتحياتي للجميع

 

[حسين سعدون]

أخوي أنا مابي أكسر بمجاديفك ولا اقطع رزقك الله يوفقك ويوفق الجميع واذا تبي أي مساعده عيوني لك ..
وانا عندي مواضيع بمنتديات ثانيه ومشهوره شارح فيها شلون تسوي شبكة كاملة .. حتى اذا عندك بلوتوث اقدر اسويلك شبكة وهم شارحها بالتفصيل وبالصور بعد ... والشرح سويته لله كلمة مشكور .. ورحم الله والديك تكفيني

واذا تصير بالبلوتوث تسوي شبكة .. هم اقدر اسويلك بالوايرلس اذا عندك لابتوبين فيهم وايرلس
وأضمنلك 100000% انها تصير تشبك لابتوبين مع بعض بالوايرلس بدون اي راوتر او سويج

واذا دام فيها 1500 دينار على ايدك خاطري بسفره دبي هههههههه

وانا عن نفسي بغيت احط موضوع كامل وبالصور شلون تسوي شبكة بس دام انت قاعد تشتغل فيها وتسترزق حشى علي احط موضوع الله يوفقك

واذا تبي اي خدمة او سؤال حاضر دزلي رساله على الخاص ... ترى عندي خبره وشغلتي هذي

وتحياتي للجميع

بارك الله فيك

فعلا راح اعطيك 1500 إذا كل جهاز فيه وايرلس وتصير الحركة فيه بس لو راجعت نفسك شوي راح تقول صح لازم يكون الوايرلس Acces Point وأنا اول واحد عندي وايرلس بجهازي اللابتوب لكن مافيه Acces Point وأدري ما راح يصير لأن مافيه الخيار Acces Point أساسا

تحياتي لك مهندسنا وإذا بدون Acces Point تصير فآنا أقولك إنك أفضل مني فعلا وصراحة هذا شيئ غريب وانا ما عرفته إلى الآن وأشهدلك إنك فنان صراحة وبارك الله فيك على ما كتبته وحرصك على تجارتي ..

 

[حسين سعدون]

ولا يهمك بو علي عساك على القوة

يعجبني مثل ما قال الأخ اللي قبلي الوثوق بالمعلومة والهمة العالية

فالك الربح الطيب المبارك وعساك موفق

ولو عند استعداد تعطي دورة في نفس المجال أنا إن شاء الله من المشاركين

وشكرااا

يعطيك العافية بو عمر على كلامك الطيب

وشاكرلك ..

 

[Mr.FaiSaL]

انشالله كل شي يصير ومشكور على ردك الحلو
واذا تبي تتأكد ... لمن تبحث باللابتوب على Acces Point باللسته مرات تحصل شكل كمبيوترين صح هذي اهي الطريقه ..

وشوف بالمرفقات حاطلك صوره علشان تعرف شنو اقصده

وتحياتي لك