عندك e-GO من Zain وتبي شبكة Wireless في البيت وبنفس السرعة ؟

[* مواطن *]

ياجماعه مادام تتكلمون بهذا الموضوع عندى مشكله انا مشترك بخدمة زين e-Go ومشكلتى بان البيت مافيه سيرفس بالمره أطر ان أعلق القطعه على النافذه وغير ذالك انسى . فى طريقه اخلى السيرفس قوى ولكم منى الشكر.

 

[Mr.FaiSaL]

القطعه نفس التليفون تحتاج سيرفس يعني مشكلتك مع السيرفر
و90% السبب العازل اللي بالبيت يأثر على السيرفس

حلك شغله وحده تسوي شبكة بالبيت وبشرط انك تخلي القطعه بأفضل مكان و تقعد بالمكان اللي تبيه

وتحياتي لكم

 

[* مواطن *]

بارك الله فيك لكن شلون طريقة الشبكه وهل هى مكلفه

 

[Mr.FaiSaL]

بدون تعليق

الرد عند حسين سعدون يفيدك بالتكلفة والخدمة و كل شي ... وانشالله يراعيك بالسعر

وتحياتي لك

 

[* مواطن *]

كل الشكر لك وفى ميزان اعمالك انشاءالله وننتظر الاخ حسين

 

[حسين سعدون]

انشالله كل شي يصير ومشكور على ردك الحلو
واذا تبي تتأكد ... لمن تبحث باللابتوب على Acces Point باللسته مرات تحصل شكل كمبيوترين صح هذي اهي الطريقه ..

وشوف بالمرفقات حاطلك صوره علشان تعرف شنو اقصده

وتحياتي لك

يعطيك العافية على الشرح

هذا شيئ طبيعي اخي الفاضل وقلت لك انا ادري بالموضوع هذا بس لازم يكون في وايرلس الكمبيوتر Acces Point لكن مو كل كمبوتر فيه هذي الميزة علشان نسوي نفس اللي بالصورة

على العموم اخي الفاضل انا شغلي مع ال e-GO إلى ماله حدود

تبي أخليك تستغني عن الدي أس أل وأركبلك e-GO على سيرفر هم حاضر

حتى لو تبي كل أبراج الكويت تشتغل على 1 e-GO بس !! هم حاضر وهذا مقصدي من حرفتي

إني اخليك تستغني عن أي إنترنت ثاني إن شاء الله

وتحياتي لك ومشكور على التوضيح ..

 

[حسين سعدون]

مشكور لإتاحة الفرصة لي أخي Mr.FaiSaL

اخوي سور دسمان ،

في حل واحد لتقوية السيرفر إن شاء الله وانا شخصيا كلمت موضف من شركة Zain وقالي في حل، وقالي متوفر جهاز وكذا وكذا بالسوق لكن شنو وين وشلون قالي ما اقدر هذي دعاية وانا حدي هذا التوضيح وخلاص، وبعدين قالي إنت روح ودور وشكله أهو طايح على الشغلة هذي بس يخاف من التسجيل وما قالي

هذا الموضوع انا قاعد اسوي عليه تجارب عن طريق أجهزة راوتر عادية وليلحين كل شي فشل معاي للأسف وجيراني في مجمع البسام قالولي فك نفسك وحطلك كيبل وحطه مادري وين علشان يوصل السيرفس وآخر شي يبوقه هندي وإنت قاعد في المحل وما تدري عنه

بالنسبة للشبكة عندك حل واحد لكن له مليون فرع يحلونلك المشكلة !!

طبعا مستعد اسويها لك لعمارة كاملة مو بس لبيتك + توصيلات خاصة مع كيبلات Cat 6 وهي طبعا أفضل نوع بالسوق حاليا ونوعها انجليزي (( طبعا لو تبي شبكة وايرات وشوية عوار راس هذا حلي الأول ))

أما إذا تبي شبكة Wireless في كل البيت هم إن شاء الله ما تكلفك غير كمبيوتر شغال في مكان سيرفسه قوي وأنا أفضل إنك تشتري لابتوب بو طقة راماته ما تقل عن 512 وسعره لا يتعدى 40

طبعا مواصفات هذا اللابتوب تفوق مليون مرة عن جهاز الراوتر مال زين الجديد أبو 100 دينار لأن جهاز راوتر زين يعطيك وايرلس 10 متر فقط ويقولك فوق 5 اشخاص يشبكون معاك راح تقل سرعة النت عندك (( ليش )) ؟؟ لأن الراوتر نفسه مافيه ماذر بورد وبروسيسور ورامات تساعد على تقوية النت

لذلك لابتوب بو طقة مثل هذا يغنيك عن راوتر Zain للإنترنت

كل هذا الكلام خلال 5 دقايق أقوله لك إذا زرتني المكتب في حولي - شارع بن خلدون - مجمع البسام 3 - السردام - مكتب 14

طبعا انا افتح من الساعة 5 إلى 10 مساءا فقط يعني الصبح ما افتح نهائيا

حياك الله إشرب عندي قهوة وأسعاري من 35 إلى ماله نهاية وإذا تبي فريجكم كله يشبك معاك إن شاء الله ما يتعدى السعر 250 دينار شتبي بعد ؟

تحياتي للجميع وهذا رقمي يا اخ سور دسمان 6091591 ..

 

[nasser_q8i]

الرزاق بالسما والحاسد بالارض
ياجماعة شعليكم من الريال ،، خلوه يترزق الله ..!
اللي يبي يشتري منه حياه الله واللي مايبي يفتح الله محد يجبره

 

[حسين سعدون]

الرزاق بالسما والحاسد بالارض
ياجماعة شعليكم من الريال ،، خلوه يترزق الله ..!
اللي يبي يشتري منه حياه الله واللي مايبي يفتح الله محد يجبره

يعطيك مليون عافية اخوي nasser_q8i

هذي مجرد نقاشات عادية ومافي حسود غير الشيطان على إسلامنا وديننا والحمد لله على كل نعمة وبلاء وصبر

تحياتي لك ..

 

[abatchy007]

موفق اخوي بس ياريت تفكر انك تسوي دورات بمقابل راح تفيد وايد ناس بحبون يخدمون اهلهم وربعهم من غير مقابل

 

[RVN 17]

اخووي .. انا للان ما فهمت شي

اللي ابي افهمه.. شنو الاشياء المطلوبه
مثلا اشتراك من زين وقطعه ايجوو و بعد شنو ؟؟

وكلهم كم يكلفني ؟؟ ... علما ان ماعندي الان قطعه ايجو ولا اشتراكه
يعني ببدأ من الاول

سؤال يمكن خارج الموضوع ويمكن له صله فيه .. اقدر اشبك على الرسيفر من اجل فتح الشوتايم والارتي والاوربت ؟

والله يوفقك بتجارتك ويرزقك

 

[حسين سعدون]

موفق اخوي بس ياريت تفكر انك تسوي دورات بمقابل راح تفيد وايد ناس بحبون يخدمون اهلهم وربعهم من غير مقابل

بإذن الله تعالى

وشاكر لك ..

 

[حسين سعدون]

اخووي .. انا للان ما فهمت شي

اللي ابي افهمه.. شنو الاشياء المطلوبه
مثلا اشتراك من زين وقطعه ايجوو و بعد شنو ؟؟

وكلهم كم يكلفني ؟؟ ... علما ان ماعندي الان قطعه ايجو ولا اشتراكه
يعني ببدأ من الاول

سؤال يمكن خارج الموضوع ويمكن له صله فيه .. اقدر اشبك على الرسيفر من اجل فتح الشوتايم والارتي والاوربت ؟

والله يوفقك بتجارتك ويرزقك

أهلا وسهلا

تشتري إنترنت داتا فائق السرعة من zain وسعره الشعري 27 + قطعة الـ e-GO بسعر 60 دينار مرة وحدة (( طبعا عندك حجم Download 30GB ولما تخلصهم قبل شهر راح تصير الخدمة بطيئة إلى أن تدخل الشهر الجديد وهذي سياستهم كلها،،بالنسبة للفاتورة ما راح تزيد عليك،، وبس راح تصير السرعة أبطأ،، ومو معقولة إنت بتخلص 30GB إذا كان شغلك على النت بسيط ))

تقدر تشبكه مع DreamBox ساتالايت ))+ PlayStation3 ))وتذكر إني أقدر اشبكهم كلهم لك عن طرق الـ Wireless فقط

يعني ما تحتاج كيبلات وعوار راس ولا ولا ولا،،،، وراح تستمتع بالسرعة إن شاء الله

رقمي عندك وإتصل فيني أي وقت وأنا افيدك،، وإذا حبيت تتعامل معاي زورني في مكتبي او أزورك في بيتك مافي مشاكل إن شاء الله

6091591

تحياتي ..

 

[skywalker]

أولا - يا سلام ! الكمبيوتر فيه راوتر ويستقبل ويمكن فيه ريبيتر بعد ؟!! إذا علمتني هذي الشغلة راح اعطيك 1500 دينار هدية لعيونك

اي الكمبيوتر في رووتر وربيتر!!!
مثلا اذا كان الجهاز واصل على شبكتين تقدر تضيف رووت يشبكلك جهاز من الشبكة الاولى مع جهاز من الشبكة الثانية عن طريق هذا الجهاز باستخدام الامر Route المتوفر مع الوندوز . فتقدر تعتبر جهازك الرووتر بهالطريقة..

بالنسبة للربيتر. اذا كان عندك جهازين بعاد عن بعض تقدر تحط كمبيوتر بالنص وتوصله كل طرف من الكيبل بنتوورك كارد ومع بعض الاعدادت البسيطة يصيرلك ربيتر. ونفس الشي مع الووايرلس.. تحط جهاز بالنص ويكون في وايرلس يصيرلك ربيتر.

 

[حسين سعدون]

اي الكمبيوتر في رووتر وربيتر!!!
مثلا اذا كان الجهاز واصل على شبكتين تقدر تضيف رووت يشبكلك جهاز من الشبكة الاولى مع جهاز من الشبكة الثانية عن طريق هذا الجهاز باستخدام الامر Route المتوفر مع الوندوز . فتقدر تعتبر جهازك الرووتر بهالطريقة..

بالنسبة للربيتر. اذا كان عندك جهازين بعاد عن بعض تقدر تحط كمبيوتر بالنص وتوصله كل طرف من الكيبل بنتوورك كارد ومع بعض الاعدادت البسيطة يصيرلك ربيتر. ونفس الشي مع الووايرلس.. تحط جهاز بالنص ويكون في وايرلس يصيرلك ربيتر.

اخي الفاضل ركز على السطور شوي

إنت قلت في كلامك مثلا اذا كان الجهاز واصل على شبكتين تقدر تضيف (( رووت )) يشبكلك جهاز من الشبكة الاولى مع جهاز من الشبكة الثانية عن طريق هذا الجهاز باستخدام الامر Route المتوفر مع الوندوز

يعني في شيئ لازم تضيفه !!!!!!!!

بس أخونا في رده السابق قال إن نفس الجهاز يعني الكمبيوتر نفسه بروحه بدون أي إضافة !وتقدر تسوي ريبيتر وراوتر و Acces Point

يا إخواني كل لاقط وايلس له ميزة خاصة وكل لاقط له مسافة خاصة يقدر يتحملها

لا تلخبطون الأمور وتقولون كلمتين وخلاص هذا حل نهائي !!!! لأن هذا مو تخصصكم في عملكم ولو كان تخصصكم لا تناقشوني فيه لأن موضوعي تجاري وليس للنقاش

وطبعا ما راح أجاريك على باجي كلامك لانك أساسا ما تكلمت عن الــ Acces Point وهذا شغلي

ويا إخوا انا ترجيتكم وقلت أرجوكم هذا موضوع تجاري تسويقي وإذا عندكم شروحات طرحوها في أقسام أخرى وللمرة الأخيرة أقول رجاءا ثم رجاءا لأان إحنا متخصصين لهذه الاعمال ت إسم مؤسسة تجارية وشغلنا ليس منزلي فقط

تحياتي وتقديري لك ..

 

[skywalker]

السلام عليكم
اخي الفاضل .. اعرف ان موضوعك التسويق. لكن كان هدفي فقط هو تصحيح المعلومة لا اكثر ولا اقل حتى يستفيد الجميع.

انا لمن قلت تضيف ما كان قصدي تركب شي عالجهاز كان قصدي انك تكتب امر في الدوس مرة وحدة مثل
C:\> Route Add 172.16.0.1 MASK 255.255.255.255 192.168.1.1
فهذا الامر راح يخلي اي باكت موجهة الى الاي بي 172.16.0.1 انة تروح عن طريق الجهاز 192.168.1.1 يعني مثل وظيفة الرووتر..

وعن الاكسس بوينت ترى في خيار بكرت الوايرلس ان تخليه يشتغل على Infrastructure mode أو Ad-hoc mode .. الاول انك لازم تشبك عن طريق اكسس بوينت.. اما اذا اخترت الثاني وطبعا لازم تسوي بعض الاعدادات مثل اختيار القناة ورمز ال SSID وبعدين تقدر تشبك مع كرت وايرلس ثاني بدون اكسس بوينت .. يعني peer to peer

 

[حسين سعدون]

اخي الفاضل

انا أبيع اجهزة تعطيك وايرلس إلى كيفلو تقريبا وهذا ماله شغل على الرد

كل شرحك على عيني وراسي لكن نافع لشخصين وإذا في ثالث تعال وصل كيبل نتوورك + بورتات وطلع منه كيبلات وهكذا

اخوي شغلي يعتمد على Sub Mask و والآيبي الأول واساسا ما استحدم الدوز وبمجرد 5 دقايق اعطيك بوكس وايرلسك + اركبه لك بكل سهوله حتى الزبون راح يتعلم عليه بدقيقتين بس

خطواتك انا اول واحد اشهد إنها نافعه بس لو أبي اسوي شيئ إسمه شبكة لكافيه انترنت ؟

تحياتي ..

 

[malek]

أخ حسين أنا حاولت ادق عليك وجهازك مغلق لو تتكرم ترد على الخاص لأني أبي أركب الخدمة أو أقدر افهم منك عشان نركب بالبيت عندي .

 

[malek]

نرجو الرد

اخي الفاضل

انا أبيع اجهزة تعطيك وايرلس إلى كيفلو تقريبا وهذا ماله شغل على الرد

كل شرحك على عيني وراسي لكن نافع لشخصين وإذا في ثالث تعال وصل كيبل نتوورك + بورتات وطلع منه كيبلات وهكذا

اخوي شغلي يعتمد على Sub Mask و والآيبي الأول واساسا ما استحدم الدوز وبمجرد 5 دقايق اعطيك بوكس وايرلسك + اركبه لك بكل سهوله حتى الزبون راح يتعلم عليه بدقيقتين بس

خطواتك انا اول واحد اشهد إنها نافعه بس لو أبي اسوي شيئ إسمه شبكة لكافيه انترنت ؟

تحياتي ..

ارجو ارسال رقمك النقال على الخاص مع العلم اني اتصلت عليك وجهازك مغلق

 

[MTCWAW]

يا اخوي الله يوفقك وان شاء الله راح اتصل فيك وتسوي الاجهزة اللي عندي وفوقهم بوسه

الله يوفقك ان شاء الله