شاركنا بأفضل العادات التي تمارسها؟

[دحيم 06]

صراحة الموضوع من زمان بخاطري وودي اطرحه ...وهو التعرف على العادات الحسنة طبعا سواء دينية او رياضية او غذائية وأطلب من جميع الاعضاء من غير تحديد المشاركة لعلنا نستفيد منكم ...وابدأ يسم الله:

1. من العادات الحسنة صراحة اللي تأثرت فيها ومازلت امارسها في بيتي من سنين وقد اخذتها عن الوالدة الله يطول بعمرها وهي: تشغيل الراديو طوال الليل والنهار على اذاعة القرأن الكريم بصوت لاواطي ولا عالي في بيتي ووجدت له تأثير جميل على اولادي خصوصا عندما سالتهم هل يزعجكم صوت الراديو بالليل ؟ اجابو :بالعكس نرتاح جدا لما نسمع القرأن...
ومرة مع عيالي بالسيارة وسمعت اغنية بالراديو قديمة وسرحت معاها شوي (طبعا الاغنية )مادريت الا بنتي الصغيرة تزفني تقولي :شفيك انت طف الاغنية حرام يبه!!!
واظنها من بركات كثرة سماع القرأن والله اعلم...

بانتظار مشاركاتكم ...تحياتي لكم ...

 

[بو راس يابس]

صراحة الموضوع من زمان بخاطري وودي اطرحه ...وهو التعرف على العادات الحسنة طبعا سواء دينية او رياضية او غذائية وأطلب من جميع الاعضاء من غير تحديد المشاركة لعلنا نستفيد منكم ...وابدأ يسم الله:

1. من العادات الحسنة صراحة اللي تأثرت فيها ومازلت امارسها في بيتي من سنين وقد اخذتها عن الوالدة الله يطول بعمرها وهي: تشغيل الراديو طوال الليل والنهار على اذاعة القرأن الكريم بصوت لاواطي ولا عالي في بيتي ووجدت له تأثير جميل على اولادي خصوصا عندما سالتهم هل يزعجكم صوت الراديو بالليل ؟ اجابو :بالعكس نرتاح جدا لما نسمع القرأن...
ومرة مع عيالي بالسيارة وسمعت اغنية بالراديو قديمة وسرحت معاها شوي (طبعا الاغنية )مادريت الا بنتي الصغيرة تزفني تقولي :شفيك انت طف الاغنية حرام يبه!!!
واظنها من بركات كثرة سماع القرأن والله اعلم...

بانتظار مشاركاتكم ...تحياتي لكم ...

اذا تسمح لنا يالحبيب نشارك
من العادات الي اتمنى انها ما تنقطع بحياتي ،، يوميا إذا خلصت القضايا اللي عندي بالمحكمة (عادة الساعة 10 - 11 ) أمر الوالدة الله يطول بعمرها واتريق عندها

 

[دحيم 06]

اذا تسمح لنا يالحبيب نشارك
من العادات الي اتمنى انها ما تنقطع بحياتي ،، يوميا إذا خلصت القضايا اللي عندي بالمحكمة (عادة الساعة 10 - 11 ) أمر الوالدة الله يطول بعمرها واتريق عندها

شلون مانسمح لك يالطيب ...يكفي انك حليت لغز نيوتن برقم قياسي
وعادتك جميلة وهي من برالوالدين الله يطولك بعمر الوالدة وتبرها...
تحياتي لك..

 

[zoya_y]

بو راس يابس
والله زين ياخوي اتخلص قضاياك الساعة 10 أو 11 عيل ليش انا أقعد لي 1 الظهر ؟؟!!

وبالنسبة للسؤال من اهم عاداتي والي ودي ماتنقطع : كل ليله أحب راس أمي مو بس بالمناسبات

 

[يقولون]

انا من العادات الزينه اللي فيني : اشغل البلوتوث عند الاشارات لوووول لا اتغشمر انا احب اقرى المعوذات كل يوم الصبح وانا رايح البورصه والعصر ألعب كره Size]

 

[يقولون]

انزين ما تبون العادات السيئه ترى وايد عندي

 

[" قاصد خير "]

هاليام مثل ماتعرفون الجو حلو يساعد على الطلعة .

أحيان بعد صلاة العصر أدق السيارة سلف وروح البر !!!!؟؟

أدري حاطين بالكم رايح مخيم أو يمكن رايح جاخور بس في الحقيقة لاهذا

ولاهذاك ؟ أدري تقولون زين شنو عنده شسوي أهناك بهالبر ؟ أخواني

مشاهدة الغروب شي عجيب وجميل جدا خاصة أذا كنت موجود في مكان

خااااااااالي وهااااااااادىء والأرض جلحه ملحه حتى البريعصي ماتشوفه

بس ماعليه

يازينها ويازين غروبها ( أدري تقولون حده ماعنده شغل ) ..

المهم في هذه اللحظات ومشاهدة هذا الغروب ربما يتم التخطيط لمستقبل

أفضل عبر أسترسال الأفكار في هذا التخطيط وتارة أخري أستذكر بعض من

الماضي فأن الذكرايات والمواقف الجميلة لايستطيع الأنسان أن ينساها أبد ..

لاكن مايغيض أن ينقطع حبل أفكارك وتأملك فجئه بسبب أصوات الشوازن

وأصوات الهدرزات التايلنديه ف ماذا تقول ألا الله يهديهم ..​

 

[بو راس يابس]

شلون مانسمح لك يالطيب ...يكفي انك حليت لغز نيوتن برقم قياسي
وعادتك جميلة وهي من برالوالدين الله يطولك بعمر الوالدة وتبرها...
تحياتي لك..

تسلم على دعائك الطيب ،، وسلم لي على نيوتن وقول له : اللي بعدووو

 

[دحيم 06]

يقولون شكرا على المرور...والتعليق..

قاصد خير..يارومانسي شكرا على التعليق...
ويقولون ان اللي يحب غروب الشمس يحب اللون الاصفر...ويقولون ان شخصيتهم قوية ويعتمدون على نفسهم ويحبون الاجتماعات العائلية والضحك..صج ولا لا؟؟
ماادري بس عندي احساس انك ماتحب الضحك !!!
تحياتي لكم جميعا...

 

[ياقوت]

عندي عادة تضحك تعودت اسويها
اني لازم ارتب الفلوس في بوكي بالتسلسل ولازم يكونون في نفس الجهه كلهم
وطبعا بواكة اخواني مصيرها مثل مصير بوكي اذا طاحوا في ايدي ​

 

[ضحية المخازن]

مشكور اخوي بو فهد على الموضوع

بالنسبه لي انا الحمد لله اني لازم ازور الوالدة كل يومين تقريبا ودايما على اتصال معها بالتلفون ، بالاضافة مثل ماتفضلت الراديو دايما على اذاعة القران ، والشئ الثالث اني ما انقطع عن زيارة اخواني فتلقاني برمضان كل يوم اتفطر عند بيت ماشاء الله اخواني واجد وانا اصغرهم.

 

[دحيم 06]

عندي عادة تضحك تعودت اسويها
اني لازم ارتب الفلوس في بوكي بالتسلسل ولازم يكونون في نفس الجهه كلهم
وطبعا بواكة اخواني مصيرها مثل مصير بوكي اذا طاحوا في ايدي ​

ياقوت مااعتقد العادة هذي تضحك لاني اسويها بعد مثلك بالضبط!!!
شكرا على تعليقك...

مشكور اخوي بو فهد على الموضوع

بالنسبه لي انا الحمد لله اني لازم ازور الوالدة كل يومين تقريبا ودايما على اتصال معها بالتلفون ، بالاضافة مثل ماتفضلت الراديو دايما على اذاعة القران ، والشئ الثالث اني ما انقطع عن زيارة اخواني فتلقاني برمضان كل يوم اتفطر عند بيت ماشاء الله اخواني واجد وانا اصغرهم.

هلا وغلا بالحبيب ضحية المخازن ...والله انك غالي..
الله يخليلك الوالدة ويطول بعمرها على طاعة انشالله وسلم عليها تكفة...
شكرا على مرورك ...

تحياتي لكم جميعا...

 

[مستثمر صغيرون]

صراحه انا عندي شغله كنت اسويها بس مدري اذا كانت حلوه او نص ونص المهم
قبل كانت يوم الجمعه بعد الصلاة واللحين السبت
اسمعوااا

كنت البس لبس عادي بالمره يعني لبس رياضي بس ماهو لاماركه ولاشي ومن غير تنسيق بالالوان وكنت اطلع تقريبا الساعه سبعه الصبخ
واروح عند واحد من اصدقاء يوم السبت وكنت اكل معاه اهو راعي غنم وكان اهو يسوي شغلات خفيفه وحلوه يعني خبزه وتمره واشويت زبدة غنم وماي
المهم اتمشي معاه بالغنم لين الساعه11 تقريبا
وبعدها اطلع المرقاب وتلقاني اتمشي ولا اشيل تلفون معاي ولابووك مجرد دينار وبطاقه مدنيه بس واصفط سيارتي وغقب ركبت المواصلات ورحت خليته يفتر وبعدها انزل صوب الرابع او الشويخ وقمت اتمشي لسووق الجمعه وسوق الحمام بس افتر واتمشي واتغدا فلافل وبيبسي وبعدها افتر ليما ريولي ماتشيلني وبعدها اصعد المواصلات ليما المرقاب اخذ سيارتي وارد البيت
قصه حقيقيه بس متعبه مو كل سبت يمكن مره بالشهر

ودمتم اخواني

 

[" قاصد خير "]

يقولون شكرا على المرور...والتعليق..

قاصد خير..يارومانسي شكرا على التعليق...
ويقولون ان اللي يحب غروب الشمس يحب اللون الاصفر...ويقولون ان شخصيتهم قوية ويعتمدون على نفسهم ويحبون الاجتماعات العائلية والضحك..صج ولا لا؟؟
ماادري بس عندي احساس انك ماتحب الضحك !!!
تحياتي لكم جميعا...

ماشاء الله على فراستك بس ناقص الشعر ماقلته ​

 

[عقد ألماس]

من العادات اللي ما اغيرها كل يوم أربعاء الساعة 5 العصر أطلع مع عيالي نتمشى ونغير جو اللحين رُحِل هاليوم للخميس بس مالها طعم الطلعه يبيلنا وقت نتعود على هاليوم

 

[Rolls_Royce]

أنا عندي اكثر من إهتمام .. يمكن البعض يعتبر شئ منهم غير مفيد او سيئ ..انا أهتم بالبحث في علم التغذية والصحة بشكل عام .. وأهتم بسماع الأغاني القديمة سواء الخليجية أو الشرقية في مصر وبلاد الشام وأبحث في تاريخ الغناء العربي من ولادتة إلى وفاتة رحمة الله عند ظهور الاشكال الغريبة التي نراها ..وأهتم أيضا بمعرفة مواصفات السيارات الفخمة الفارهة وتقنياتها من الداخل والخارج ..وشكرا

 

[ياقوت]

اخ مستثمر صغيرون طريقتك غريبه وحلوه
ليلحين تسويها والا خلاص بطلت ​

 

[" قاصد خير "]

صراحه انا عندي شغله كنت اسويها بس مدري اذا كانت حلوه او نص ونص المهم
قبل كانت يوم الجمعه بعد الصلاة واللحين السبت
اسمعوااا

كنت البس لبس عادي بالمره يعني لبس رياضي بس ماهو لاماركه ولاشي ومن غير تنسيق بالالوان وكنت اطلع تقريبا الساعه سبعه الصبخ
واروح عند واحد من اصدقاء يوم السبت وكنت اكل معاه اهو راعي غنم وكان اهو يسوي شغلات خفيفه وحلوه يعني خبزه وتمره واشويت زبدة غنم وماي
المهم اتمشي معاه بالغنم لين الساعه11 تقريبا
وبعدها اطلع المرقاب وتلقاني اتمشي ولا اشيل تلفون معاي ولابووك مجرد دينار وبطاقه مدنيه بس واصفط سيارتي وغقب ركبت المواصلات ورحت خليته يفتر وبعدها انزل صوب الرابع او الشويخ وقمت اتمشي لسووق الجمعه وسوق الحمام بس افتر واتمشي واتغدا فلافل وبيبسي وبعدها افتر ليما ريولي ماتشيلني وبعدها اصعد المواصلات ليما المرقاب اخذ سيارتي وارد البيت
قصه حقيقيه بس متعبه مو كل سبت يمكن مره بالشهر

ودمتم اخواني

مره شفت واحد راكب باص وغترته تكفخ من الهواء أثريه أنت يالمستثمر

 

[دحيم 06]

rollse royce مشكور اخوي على التعليق...

من العادات اللي ما اغيرها كل يوم أربعاء الساعة 5 العصر أطلع مع عيالي نتمشى ونغير جو اللحين رُحِل هاليوم للخميس بس مالها طعم الطلعه يبيلنا وقت نتعود على هاليوم

احلى شي الواحد يخصص له وقت لعياله وعائلته فقط...الله يخليلج عيالج وتشوفينهم يبرونج ويترسون بيتكم احفاد...شكرا لك..

صراحه انا عندي شغله كنت اسويها بس مدري اذا كانت حلوه او نص ونص المهم
قبل كانت يوم الجمعه بعد الصلاة واللحين السبت
اسمعوااا

كنت البس لبس عادي بالمره يعني لبس رياضي بس ماهو لاماركه ولاشي ومن غير تنسيق بالالوان وكنت اطلع تقريبا الساعه سبعه الصبخ
واروح عند واحد من اصدقاء يوم السبت وكنت اكل معاه اهو راعي غنم وكان اهو يسوي شغلات خفيفه وحلوه يعني خبزه وتمره واشويت زبدة غنم وماي
المهم اتمشي معاه بالغنم لين الساعه11 تقريبا
وبعدها اطلع المرقاب وتلقاني اتمشي ولا اشيل تلفون معاي ولابووك مجرد دينار وبطاقه مدنيه بس واصفط سيارتي وغقب ركبت المواصلات ورحت خليته يفتر وبعدها انزل صوب الرابع او الشويخ وقمت اتمشي لسووق الجمعه وسوق الحمام بس افتر واتمشي واتغدا فلافل وبيبسي وبعدها افتر ليما ريولي ماتشيلني وبعدها اصعد المواصلات ليما المرقاب اخذ سيارتي وارد البيت
قصه حقيقيه بس متعبه مو كل سبت يمكن مره بالشهر

ودمتم اخواني

مستثمر اعتقد تجربتك تبين انك تحب مراقبة سلوك الناس من بعيد ...
اكيد لك مواقف كثيرة من ركوب الباصات...شكرا اخوي..

 

[مستثمر صغيرون]

اخ مستثمر صغيرون طريقتك غريبه وحلوه
ليلحين تسويها والا خلاص بطلت ​

ايه اسويها بس مرات