ايهما تفضل السعري ام الوزني

[boalons]

مؤشر البورصه السعري فاشل بكل المقاييس وكأنه صمم لتسهيل التلاعب فيه من قبل كبار اللاعبين بالسوق

لو خيرت بين السعري او الوزني لعتماده كمؤشر وحيد للبورصه !

ايهما ستختار ؟

 

[الشامري]

السلام عليكم ورحمة الله وبركاته

بو الأنس لازم واحد منهم بس؟

ما يصير إثنينهم؟

 

[boalons]

هلا بالغالي

ليش الطمع واحد يكفي

ولا تدري لو يلغونهم اثنينهم ويسولنا مؤشر جديد يتلافون فيه العيوب السابقه

 

[TechnoFund]

أنا رأيي أن السعري يعكس السوق أكثر من الوزني (بالرغم من عيوبه) ... إلا في حالة واحدة.
الوزني يمثل الشركات المتينة، وراح أتابعه إن كنت شاري سهم من الاسهم المتينه.

بوالانس ... عطنا السبب اللي خلاك تسوي هالاستفتاء .. ؟؟!!

 

[Believer]

أنا أفضل السعري ... ليس لكونه من ناحية الجوده أفضل ولكن لأن أثره على المتداولين أكبر من الوزني، فالناس تتفاعل معاه أكثر (وإن كان أكثر الناس لا تعرف مصداقية الوزني) ...

 

[آفة السوق]

ياي بصوت حق الوزني جان اضغط على السعري بالغلط

مايصير أغير ؟

 

[Abdullah Alhajeri]

بالنسبة لي السعري

لاني احب اشتري الاسهم الرخيصه :>

 

[kmefic]

السعري

 

[bo fawaz]

انا صوت للوزنى

لان الاقفالات الوهميه لها تاثير كبير اوواضح على المؤشر السعرى

بينما الوزنى تاثيرها لايذكر

 

[المؤشراتي2]

السعري لاني مضارب 70%من راس المال

 

[الريان]

أنا رأيي أن السعري يعكس السوق أكثر من الوزني (بالرغم من عيوبه) ... إلا في حالة واحدة.
الوزني يمثل الشركات المتينة، وراح أتابعه إن كنت شاري سهم من الاسهم المتينه.

بوالانس ... عطنا السبب اللي خلاك تسوي هالاستفتاء .. ؟؟!!

تبي تعرف السبب من الوزني والسعري

الوزني لانه مؤشر قيمة يحسب على طريقة تحرك القيمة السوقية اما السعري لحركة الاسعار وانا مثلك افضل السعري من الوزني وللعلم مابينهم فرق كبير لكن السوق الحقيقي بالنسبة لي على السعري والوزني من عيوبة زيادة راس مال الشركات يحتفظ بها بعكس السعري

 

[kuwaiti_zoom]

أهل مكه أدرى بشعابها

السعري : الكبير كبير

الوزني : والصُغير مانعرفهوش


- بعض الأحيام السوق يتبع الوزني ويترك السعري وبعض الأحيان العكس
- لكن الوزني عده شركات والسعري كل شركات السوق
- السعري أكثر دقه من الوزني

موفقين خير أن شاءالله

 

[aliii]

أكيد .... السعري

100% مضبوط

الوزني ما يعكس حركة السوق

.

 

[bo fawaz]

أهل مكه أدرى بشعابها

السعري : الكبير كبير

الوزني : والصُغير مانعرفهوش


- بعض الأحيام السوق يتبع الوزني ويترك السعري وبعض الأحيان العكس
- لكن الوزني عده شركات والسعري كل شركات السوق
- السعري أكثر دقه من الوزني

موفقين خير أن شاءالله

كبير ياكبير

مدام ابوعبدالله قال السعرى يعنى السعرى

يصير اغير

انا من متابعتى لقروب المدينه شفتها تمشى مع الوزنى بالملى

 

[boalons]

أنا رأيي أن السعري يعكس السوق أكثر من الوزني (بالرغم من عيوبه) ... إلا في حالة واحدة.
الوزني يمثل الشركات المتينة، وراح أتابعه إن كنت شاري سهم من الاسهم المتينه.

بوالانس ... عطنا السبب اللي خلاك تسوي هالاستفتاء .. ؟؟!!

الحرمنه والجمبزه الي تصير بالاقفالات

 

[الشامري]

هلا بالغالي

ليش الطمع واحد يكفي

ولا تدري لو يلغونهم اثنينهم ويسولنا مؤشر جديد يتلافون فيه العيوب السابقه

والله الحق ينقال يا بو الأنس

السوق تنقصه مؤشرات كثيرة مو بس سعري و وزني

بعض الشركات الاستثمارية لها خوش مؤشرات بس للأسف الشديد هو حكرا على الشركة نفسها وما يتم نشره إلا بالطريقة المتخلفة المعهودة (بالجرايد)

جربت أدور بمواقع الشركات هذي لكن مالقيت إلا فترينة إلكترونية لأني ما أقدر أسميه موقع إلكتروني

العالم ألحين لايف داتا وأدوات تفاعلية وشغل طيب واحنا يا خلاف

أذكر إني كتبت موضوع حول البحث بالطريقة الصعبة للمعلومات والداتا إللي يحتاجها سواء المتداول أو الباحث الاقتصادي

لكن الأمل لازال موجود

و بس تراك قلبت المواجع