يا شباب الى يرحم والديكم وشيبانكم

[ابو عبدالله333]

يا جماعة الخير ايه احسن الى يبنى قسيمته نظام شقق ما عدا الدور الارضى والا الى يبنى نظام ادوار وهل فى الجهراء اجارات حلووو اقصد سعد العبدالله الى خبره لا يبخل علينا وجزاه الله الف خيررررررررر

 

[وسيط عقارى]

اخوى بو عبدالله

حاليا الراتب مايكفى صاحب اسره خاصه اذا كانت كبيره . لابد من دخل ثانى

اللى اهو مثل ماتفضلت . انصحك بعمل ثلاث ادوار نظام شقق

اذا بتسكن اعمل مثل ماقلت اربع شقق والارضى تسكن فيه مع عمل مصعد

للدور الثانى .

اما اذا ماتبى تسكن اعمل نظام 6 شقق 3 غرف حمامين صاله مطبخ

والايجارات فيها ارتفاع كبير خاصه بالديره والمنطقه العاشره

لكن الجهراء ماعندى فكره عن ايجارتها . مع العلم اشبيليا ايجارتها مناسبه

بالتوفيق لك .

 

[الأبطح]

بوعبدالله نصيحتي لك ان يكون نظامك حسب موقعك
يعني اذا كان سد ...... اعتقد من غير المناسب ان تبني اكثر من شقه
لان المؤجر ماراح يرتاح من حيث المصافط للسيارات
فتكون القسيمه عباره عن دور ارضي ونصف الاول جزءوالنصف الثاني من الدورالاول شقه مع بناء ربع دور بالسطح للخدمات وتغطي ال70 الف بنيانك وممكن تزود
اودور ارضي واول وشقه بالدور الثاني مع بناء مصعد في هالحاله ممكن تدفع
فوق ال70
اذا كان موقع قسيمتك راس او بطن وظهر تقدر تبني 3 ادوار دورين لك ودور
شقتين مع بناء مصعداو نفس ما قال الأخ وسيط عقاري
ماانصحك بظام الادوار لانه يجذب العوائل الكبيره والتأجير لهم خساره واذيه
اهم شي تبني على قد فلوسك
دائما مستوى التشطيبات هو المؤثر الاول بتكلفة العقار بالاضافه الي مساحة البناء طبعا

غالبا تكلفة البناء بالكامل=تكلفة الهيكل الخرساني(الأسود)×3

الكثير من قسايم الجهرا فيها نظام شقق وذلك لان اهل الجهرا يفضلون
السكن بمناطق السكن الخاص ولايفضلون العمارات

اللي اسمعه ان الايجارات تتراوح من 150 الي 180 حسب مساحه الشقه

ان شاء الله اكون افدتك

 

[ابو عبدالله333]

مشكورين يا شباب وقواكم الله اذا فيه مشاركات بعد كلنا اذن صاغيه

 

[ابو عبدالله333]

ياشباب الى يبنى سرداب فى سعد العبدالله كم يسوا اجاره تقريبا وكم اجار نصف دور رابع هل يوافقوله البلديه وكم اجاره ........ وجزاكم الله خيرررر

 

[الأبطح]

بوعبدالله لك 840 متر مسطح بناء وقرأت في الجريده انهم راح
يعطون 120 م زياده بس للحين ماكو شي
فإذا طلعت نص دور فوق الثالث راح تقل مساحه الادوار اللي تحت
السرداب مايحسبونه من ضمن مسطح البنا
بالنسبه لتأجير السرداب ما عندي فكره

 

[مضارب عقاري]

لا تأجر السرداب يكفي كارثة عبدالله المبارك وبعدين اجارة اقل من الشقة ومكلف عليك زياده

انصح عمل نص دور احسن مع مراعاة موقع القسيمة يعني بالعربي مواقف سيارات للمأجرين

 

[من الكويت]

موووفق أن شالله