للبيع تاهو 2008 (( أصفاااار ))

[الـــوافـــي]

السلام عليكم ورحمة الله وبركاته ....

للبيع تاهو موديل 2008 LT بدون لوحات وارد وكالة السعوديه( الجميح ) المواصفات :-

1- رملي اللون من الخارج ( بين الذهبي والبيج) ومن الداخل مخمل بيج .
2- دبل جير
3- سنسر خلفي
3- كشنات متحركه
4- التشغيل عن طريق الريموت كنترول .
5- تحكم بالسكان
6- خشب عاج .
7- كشافات .
8- كشن ثالث .
9- كامل المواصفات.
ملاحظه / رجاءاً الموضوع للجادين فقط - وبإنتظار السومات الطيبه والسنعه
للجادين / الإتصال على هاتف / 6220011 ابو فهد

 

[355]

بدايه السوم 8000 بشرط يعطينى الغانم كفاله عليه والفلوس جاهزه

واذا لك سعر معين دزلى على الخاص سعرك

 

[الـــوافـــي]

مشكور اخوي
وبإنتظار سومات الشباب الرغابه

وعلى فكره السياره يكفلها الغانم تلقائياً

 

[bofattom]

مشكور اخوي
وبإنتظار سومات الشباب الرغابه

وعلى فكره السياره يكفلها الغانم تلقائياً

السلام عليكم, للتنبيه الغانم مايكفل الا سياراته .
السياره السعوديه اذا لوحاتها سعوديه يكفلها بس اذا لوحاتها كويتيه ماتنكفل واذا مومصدقين دقو علغانم وسالوا.

 

[الوسيم]

8100 بياع

 

[سهم فسفوري]

8200 بيــــــــــاع

 

[الـــوافـــي]

السلام عليكم, للتنبيه الغانم مايكفل الا سياراته .
السياره السعوديه اذا لوحاتها سعوديه يكفلها بس اذا لوحاتها كويتيه ماتنكفل واذا مومصدقين دقو علغانم وسالوا.

اخوي اولاً انا قلت (( أصفار )) يعني بدون لوحات ... وانت تقول إذا لوحاتها كويتيه ماتنكفل ...

على العموم شكرا على المشاركه

 

[Senator]

اخوي اولاً انا قلت (( أصفار )) يعني بدون لوحات ... وانت تقول إذا لوحاتها كويتيه ماتنكفل ...

على العموم شكرا على المشاركه

اخوي القصد انها وارد السعودية ما يكفلها الغانم و الله اعلم

 

[Senator]

اخواني انا اتصلت بالوكالة و يقول مايدري عن هالموضوع

و باجر اتاكد من المسؤولين عندهم و اذا ما نسيت اعطيكم الخبر

 

[bofattom]

اخوي اولاً انا قلت (( أصفار )) يعني بدون لوحات ... وانت تقول إذا لوحاتها كويتيه ماتنكفل ...

على العموم شكرا على المشاركه

كلامي واضح وراح يقولونلك الغانم نفس الكلام.
وانا شريت تاهو من الغانم لان السعودي ماينكفل الا اذا لوحاته سعوديه يعني داش الكويت زياره واختربت سيارته يكفله اما ان السعوديه تورد سياييرها الكويت فماراح يكفلهم وهذا الكلام من المصنع.

 

[UNIX]

سألت الوكالة،، و قالوا اذا كنت جاي زيارة الكويت، يتصلح الموتر.. بس اذا كنت مستوردة من السعودية و عليه لوحات كويتية مو مكفول كلش بس يسمح له التصليح بالوكالة على حسابك الكامل.

أنا أسوم 7800، سيارة مو مكفولة.

 

[Senator]

انا خابر الكفالة من المصنع مالهم شغل يا جماعه انشالله من جزر القمر يايبينها

الكفالة كفالة المصنع و غصبا عليهم يصلحون السيارة

و هم تأكيدا سألت الوكالة و يقول ان ماكو مشاكل هذي اشاعات

 

[bofattom]

انا خابر الكفالة من المصنع مالهم شغل يا جماعه انشالله من جزر القمر يايبينها

الكفالة كفالة المصنع و غصبا عليهم يصلحون السيارة

و هم تأكيدا سألت الوكالة و يقول ان ماكو مشاكل هذي اشاعات

اذا الغانم كفلك ياها لك مني الف دينار.

 

[bofattom]

2429262 هذا رقم الغانم فرع شرق للي حاب يستفسر.

 

[bofattom]

الغانم حط اعلانات بكل جرايد الكويت قبل 6 اشهر تقريبا وكتب ان السيارات من خارج الكويت خصوصا الي عند اوتو سيتي ماتنكفل , حتى الساير حط نفس الاعلانات.