مطلوب مشروع تجاري

مطلوب مشروع تجاري او فرصة عمل ناجحه لمن لديه راس مال
بحدود 100 الف ملينا من الاسهم ومشاكلها تروح ونت تطالع له
بعيونك ولا تقدر تسوي اي شي فعلى الاخوه الاعزاء لمن لديه
فكره او افكارعن الاستثمار المباشر والمشاريع او فرص عمـــل
ممكن تكــــــون مربحه لايبخل علينا ونشالله الاستفاده تكـــون
عامه للجميع .



بعض الناس مروره كالزهر تفرحك وتسعدك شوفته وتعطر انفاسك
وروحك بعطره الزكي لكنه مايطول.




شكرا لكم

 

موفق خير اخوي

 

والله شوف اخوي عندك المطاعم بشكل عام ومطاعم الافرع بالمناطق الداخليه بشكل خاص يعني بالمنطقه فرع وهالفرع فيه مطعم :> تلقاه شغال مشالله واحد من ربع مسويها ولله الحمد اغتنى بعدها

 

والله اخوي عندك السوق الصيني للاستثمار روعه اذا تبي ادليك علي الشركه مر عليهم واقعد مع مسؤولهم البريطاني أو الصيني جرب و راح تدعيلي

 

والله عندى مشروع فايدته تقريبا 5000 الاف دينار شهريا وعرضتة على ادارة تمويل المشاريع الصغيرة وابدوا موافقتهم عليه لكن بشروط اولها انى اكون متفرغ يعنى مو موظف وهالشرط بروحه كفيل بالغاء هالموضوع من اساسه ناهيك عن باجى الشروط الشبه تعجيزية يعنى بالعربي يبيله واسطه

 

اختي متداوله

ممكن عنوانهم لو معليج امر

وهم شنو تخصصهم بضبط

واكون لج شاكر

 

مشروع

مرحبا.....

اخوي تقدر تستثمر مالك بدعم من الحكومة.... بس قدم دراسة جدوى لمشروع صناعي او زراعي....
و تستلم الارض و تبني و والارض تستفيد منها بعد فترة من الزمن.
هناك مكاتب خاصة محترفة في اعداد دراسة الجدوى المطلوبة,,
اذا اعجبتك الفكرة ممكن ابعث لك العنوان لأحد هذه المكاتب

 

انا عندي وانا اختك حطهم وديعة وارتاح بالبيت

 

أخوي ممكن ترسل لي رقم المكتب

وشنو طلبات البنك الصناعي

شاكر لك

 

حيا الله الجامايكي

إذا مشروعك ناجح ممكن آخذه ولك عمولة وشرط التفرغ موجود عندي والباجي إن شاء الله ندبرها ............. اشرايك

 

تم الرد على الخاص

 

بسم الله الرحمن الرحيم

اخي الفاضل
تم الرد علي الخاص

 

بالنسبه للمشاريع الصناعيه انا مقدم على مشروع صناعي صارلي سن ونص وهذا اهو للحين مقطوط بدرج الهيئه العامه للصناعه يعني بصراحه اذا عندك راس مال قوي لاتقولي الصين وغيره تعال بخمسة الاف دينار وانا اعطيك مشروع مو طبيعي بس الربح بالنص لان ربحك باذن الله راح تكون نسبة 100% اذا جابلته بسنع والله خير من يوفق

 

سوري هذا رقمي 7801135

 

اخبار المشرووووع ياعيني ياليلي يااااااااااا لييييييييييييييييييل

 

<< --- ما يدري اليوم يتعشا و لا لا

<< --- قرا 100 الف صكه اضطراب بالقولون العصبي

ما علينا .. قول معاي الله يوفقك وين ما رحت وين ما كنت اخوي

 

اذكر شخص سألني وقال عندي 300,000 الف دينار وابي مشروع
سألته من وين جبتهم قال ولا شي طقطقت بمبلغ لين ماصاروا 300.000 جاوبته انت قدرت توصل عن طريق شطارتك لمبلغ 300 وجاي تسالني تبي مشروع لو فعلا عندك هالمبلغ وفعلا انت الي صنعته جان ماسالتني ولا انت محتاج انك تسال

الله المستعان

 

السلام عليكم
لدى فكرة بسيطة وناجحة وجديدة

والاجهزة موجودة و الادوات

فقط تحتاج لمحل والله يوفقك
للتفاصيل على الخاص

شكرا

 

أكتتب بشركـــــــة
الأتصـــــــــــــــــــــالات
الثالثـــــــــــــــــــــــــــــــــــــــــه
ودعيلـــــــــــــــــــــــــــــــــــــــــــــي​

 

نصيحة لوجه الله عز وجل : لا تشتغل الا باللى بتفهم فيه