عاجل: المركزي الكويت يخفض الفئده نصف بالمئة

[amzn_q8]

اى والله ترى بهذلتنا الفايدة جعلهم لايفيدون ولا يربحون قولو آمين

 

[ابو غانم]

شباب انا توني مكلم واحد من الربع في الوطني يقول انه اكثر اللي راح يستيفودن من هالسالفة هم اصحاب القروض اللي فوق 15 الف وباكر او بعده را ح يبان معاهم الفرق سواء في تخفيض المدة او القسط

هالكلام على ذمة صاحبنا موظف البنك الوطني

تسلم يالهاجري على الاخبار الطيبة .


الهاجري لامنه خاوى الأصاحيب *** تلقى ضوية فوق روس المنارة

 

[الهاجـري]

تسلم يالهاجري على الاخبار الطيبة .


الهاجري لامنه خاوى الأصاحيب *** تلقى ضوية فوق روس المنارة

ما عليــــــــــــــــــك زوووووووووووووووووووووود طال عمرك ​

 

[ساموراي]

انت متأكد لان واحد من الشباب يؤكد القرض القديم ما ينزل .للافاده لاصحاب الاختصاص

متأكد ومن قالك اني مو من اصحاب الاختصاص؟؟؟

 

[makandari]

انا شفت قسط القرض على موقع الوطني ماتغير كلش .

يعني متى راح يبين ان القسط نزل بالضبط ؟

نبي أحد يفيدنا ياشباب أنا ذبحني القسط

اخوي القسط يبقى كما هو ولكن مدة القرض هي الي تنقص. ممكن تشوف الفرق لما يستقطعون القسط منك راح تشوف ان المبلغ الاساسي قل اكثر من لو كان على حسبه الفائده القديمه.

 

[ميلان]

له اسبوع كل يوم ترتفع الفايده على قرضي دخلت الان على الوطني وجدت كشف القرض مرفوع من الجدول ان شاء الله خير

 

[الهاجـري]

له اسبوع كل يوم ترتفع الفايده على قرضي دخلت الان على الوطني وجدت كشف القرض مرفوع من الجدول ان شاء الله خير

مرفوع لمدة 48 ساعة عشان ينزلون الفوائد

كلام صاحبنا موظف البنك ​

 

[بو_وليد]

السلام عليكم البنوك قاعده تلعب مع الناس لعبة القطو والفار عدم الماخذ في هل المثل بصراحة احنا قاعدين نسبح عكس التيار مع البنوك وين تنزل الفايده مع الدنابل اعضاء البنوك الي مايفكر باحد احنا خلاص بلعنا الطعم ياجماعة ناطرين الفرج من الله سبحان بس كافي على جذي اليو م البنوك كعدوالناس بدون رواتب ليش انتو اخذتو فيزا ماستر فوق اللمت لازم تدفعون ثمن غلطتنا مع بنك المركزي علشان مانتحاسب مع المركزي شوفو اللعب اشلون صاير ادري طلعت بره الموضوع بس خلونا نفضفض على بعض اشوي لكن الحمدالله على كل شي احنا احسن من غيرنا بكثير ان اشاء الله يكون تحليل الاخوان في فايدة الجميع خطوه طيبه من المركزي عبال اسقاط الفوائد كامله ان اشاء الله

 

[ميلان]

امس تم رفع كشف القرض توقعنا تخفيض الفايده تم اعادة الكشف وزادو الفايده يلعبون على كيفهم لا يوجد من يحاسبهم ليش شالو الكشف وردوه تعبوا حالهم مانقول الا الله المستعان لخفضوا الفايده من وين ياكلون اكلهم الدود وهم حين

 

[kandaaa]

علي حسب علمي واتمني اني اكون غلطان البنك المركزي وافق علي تنزيل الفايده وذلك لتفادي تعريض البنوك التي عليها مخالفات بالقروض اي تكلفه حيث انه بتزيل الفايده سوف يؤدي لتقليل القروض المخالفه وبالتالي لن تضطر البنوك الي سدادتكلفه ماديه ناجمه عن مخالفة شروط البنك المركزي (القسط لايزيد عن نصف الراتب والمده لاتزيد عن 15 سنه) حيث ات البنك المركزي الامريكي خفض الفائده مرتين من قبل ولم يتحرك البنك المركزي الكويتي.

 

[SAM7]

صدقت وهذا الكلام للي أقساطهم ارتفعت برتفاع الفائدة......
وبنفس الوقت ينعكس على الفوائد الاستهلاكيه والاسلامية الجديده والي كان مسوي حسبة ولنظرب المثل في بيت التمويل يقدر يراجع ويعمل نفس الحسبة مره اخرى وبيشوف الفرق بالقسط والفائده الي هي بالنهاية اجمالي المبلغ.....

اخوي القسط يبقى كما هو ولكن مدة القرض هي الي تنقص. ممكن تشوف الفرق لما يستقطعون القسط منك راح تشوف ان المبلغ الاساسي قل اكثر من لو كان على حسبه الفائده القديمه.

أنا عندي قرض على بيت التمويل عشر سنوات وتوني مشيك مع البنك لا خفضوا من قيمة القرض ولا نقصوا من فترة السداد .

 

[تويجر]

انا زادو علي القصد 60 دينار دقيت عالبنك قالي نبي نسوي تسوية معاك يمكن نخفض المده او القصد ويوم الاحد يبين

يطيحون الفايده يزيدون القصد والله الوطني ما لقى رجال توقفه عند حده

 

[تويجر]

أنا عندي قرض على بيت التمويل عشر سنوات وتوني مشيك مع البنك لا خفضوا من قيمة القرض ولا نقصوا من فترة السداد .

اخوي التمويل ما ينزل شي يحاسبك على الفايده اللي خذيت فيها وماله شغل اذا الفايده نزلت او صعدت

 

[ميلان]

كل شهر اضافه على قسطي 70% فايده خلال الاسبوع الماضي زاد اكثر من 100% من يوم الاعلان عن تخفيض الفايده وهم كل يوم زياده تعدى قيمة القرض الشهر الماضي

 

[amzn_q8]

انا زادو علي القصد 60 دينار دقيت عالبنك قالي نبي نسوي تسوية معاك يمكن نخفض المده او القصد ويوم الاحد يبين

يطيحون الفايده يزيدون القصد والله الوطني ما لقى رجال توقفه عند حده

الله 60 دينار انا لو يزيودون قصدي 20 دينار راح يسبب لى ازمة والله احنا اللى لازم نسوي وياهم تسويه قصدي كان 245 وصل الى 310 دينار مع زيادة 3 سنوات والله البنك المركزي اللى ماسكينة هم اللى مبهذلينا

 

[shshoor]

شباب انا القسط عندى ماتغير يعنى مازاد يوم ارتفعت الفائده ولانقص يوم نزلت ماهو السبب علما باننى اخذت القرض سنه 2005 من الوطنى ؟ ويم حبيت اكيش القرض المتبقى 9000 الاف دينار والقسط 296 قالو لى السنه الماضيه اى قبل حوالى 8 شهور ولافلس يطيحون من الفوائد يعنى ادفع التسع الاف قلت لهم ليش ولافس تنزلون من الفائده قالو انت موقع قسط ثابت وفائده ثابته

 

[amzn_q8]

يالربع القرض نفس ماهو لا وابشركم توهم منزلينها نقطة الا ربع