مهزلة بيت التمويل مع الفيزا!

[cc555]

اليوم بغيت اشتري اغراض من الجمعية ولا الفيزا مرفوضة قلنا عسى ما شر اللمت وما تعديناه وصكرت ديون الفيزا مع الراتب المهم دقيت على 803333 جان الموظف يقولي انه البطاقة مفقودة قتله شلون مفقوده وهي بيدي وما بلغت عن فقدانها ولا سرقتها قال مادري الكمبيوتر مبين عندي جذي ومطلعين بطاقة يديده بدالها !!!
الظاهر الجماعه مسوين كل شي من وراي والحين بطاقتي مسجلها بالبايبال ومالي خلق من المرمطه معاهم وسحب 1.75 دولار ودزلنا صورة البطاقة والجواز عالفاكس واتصال دولي قيمته دينارين !!!
اضف على ذلك ان مكنسل حجز تذكرة طيران الاتحاد وناطر فلوسي على هالبطاقة

الله لا يبارك فيهم ولا بالساعة اللي طلعت فيها الفيزا

 

[دحيم 06]

عسى ان تكرهو شيئا وهو خير لكم....

لا تتضايق اخوي انشاالله في الامر خيرة...والله يعينك...

تحياتي لك..

 

[المرشد1]

والله بيت التمويل معاملته اقل من المستوي

انا جددوا لي البطاقه دون طلب مني ولما ناقشتهم بالامر
قاموا يطلعون الف سبب وسبب والبطاقه ما صار لها سنه
ففكرت اروح امرمطهم فقلت كلها 5 دنانير وبالاخير انا الي بتعب رايح جاي للديره

الله لا يوفقهم والله ثم والله انهم حراميه ونصابين

 

[ALJAMAIKY]

بيت التمويل شعارة ويقصد نفسة طبعا .... الخير مامن خير والشر عجلن بووووه.....

البنوك الربوية احسن منهم بس اهم اذكياء ومستغلين الناس الى ماتتعامل مع البنوك الربوية ومضطره تتعامل معاه اشر استغلال لو تدخل عليهم وتقول السلام عليكم يقولك عفوا رسوم خمس دنانير مافى قلوبهم ذرة رحمة بصراحه للاسف شوهوا صورة البنوك الاسلامية حسبي الله ونعم الوكيل فيهم

 

[(فزاع)]

قدم شكوى عند الرئيسي جود يلقولك حل ويعوضونك ..

 

[ابوعامر]

الله يعينك ياغالي

 

[العساف7777]

عل

على ماقالو الشباب معامله مافي معاملة وناس استقلالية تحت اسم بنك اسلامي صج بنك اسلامي لاكن بس باالاسم لاكن عن الفلوس ومعاملات الناس مافي اسلامية حت خردة حق العيد يتمنون عليك ويقولك رووووووووح للرئيسي حت من غير نفس ضاق خلقه يوم قلت ابي خرده علباله ابي اودع فلوس رحت حق بنك ثاني والله ياجماعه يهلي ويرحب فيني ووده يشيلني على راسه وخرد لي وقالي كل عام وانت ابخير والتمويل حسيت ان قالي بقلبه روحه بلا رده

لاحول ولاقوة الالة بالله

 

[cc555]

مشكورين اخواني عالتفاعل
والله بالفعل انها مهزلة
شلون يطلعون فيزا من وراي مع انها ماصارلها سنة

ولا وبعد نزلوا اللمت الى 500 بعد ما كانت 700 بدون سابق انذار وبدون ابداء الاسباب!!!

انشالله بصكر ديوني عندهم وبشيل قشي وبروح لبنك بوبيان مع انه فروعهم بعيدة عني بس العوض ولا القطيعه

 

[مراقب الاسهم]

مشكورين اخواني عالتفاعل
والله بالفعل انها مهزلة
شلون يطلعون فيزا من وراي مع انها ماصارلها سنة

ولا وبعد نزلوا اللمت الى 500 بعد ما كانت 700 بدون سابق انذار وبدون ابداء الاسباب!!!

انشالله بصكر ديوني عندهم وبشيل قشي وبروح لبنك بوبيان مع انه فروعهم بعيدة عني بس العوض ولا القطيعه

الله يعينك
ليوم واحد من الربع مرتفع ضغطه قبل اسبوع مطلع بطاقه (تيسير ) ومعطينه فيها 1200 لمت المهم راح بيشتري جهاز لابتوب وبكل ثقه على قول الشاعر

متنصب القامه يمشي مرفوع الهامه يمشي )) راح للمحصل بيدفع ويطلع هالبطاقه الملونه اللي تعكس الاضواء لانها جدديده وفجاه ماكووووو لمت الا 200 دينار بس
طبعا صدمه كبيره قبل اسبوع معشمينه بعروض وحجي منمق وقايلين له عندك لمت 1200 تبيها كاش او مشتريات كيفك


اليوم اشوفه قاضب زاويه بيت الشعر بالمخيم ويدق عالبنك ويتحلطم وكله يامشغول والا النداء الآلي

المعهود


عندما اخترت بيتك اصبح الحلم حقيقه فحلوله المبتكره ........... ا

الموظفون مشغولون في الوقت الحالي .............::verymad::الضغط 78\110


عندما اخترت بيتك اصبح الحلم حقيقه فحلوله المبتكره ...........

الموظفون مشغولون في الوقت الحالي...............::verymad::الضغط 90\130



وعندما اخترت بيتك اصبح الحلم حقيقه فحلوله المبتكره ...........
الموظفون مشغولون في الوقت الحالي..............::verymad::::verymad::الضغط 120\180

عسالله يرفع ضغط كل مدير بنك متخاذل ومحتال ومتسغل عملائه
وعساالله يسلط عليهم اللي يضغط عليهم بالقوانين ولايتهاون معاهم باتفه الاسباب قول آمين

 

[cc555]

ولا وبعد ماخذين شهادة الامتياز في احسن خدمة عملاء في الشرق الاوسط
اي خدمه اي بطيخ !!
ماقول الا حسبي الله عليهم

 

[متفائل مـحبوب]

بيت التمويل يبيله حل ياليت يفتحون كم بنت اسلامي ونرتاح منهم
افكر احول حسابي فلوسي على بنتك ثاني
تعاملهم تحت الزفت تحس كانهم مانين عليك

 

[yh7yh]

بصراحه انا عميل عندهم من 97 وبعدين طلعت ورحت الاوسط مو كرهت نفسى يوم رحت الاوسط كنت باخذقرض والحمد لله الله فكني ورديت التمويل صج مو ذا الزود بس احسن من البنوك الربويه

 

[azzd]

العور بين العميان صاحي

 

[***بومحمد***]

كل البنوك سواء إسلامي أو غيره نفس الشي .... أقصد بالتعامل مع العميل .

كلهم تلقى عندهم نفس المشاكل والبلاوي وعلى قولة azzd العور بين العميان صاحي لا ومفتح بعد

وعن تجربتي الشخصيه بالتعامل مع أكثر من بنك (( الوطني , والخليج )) بيت التمويل أقلهم مشاكل وتعقيد .... والخطأ وارد من الكل بس بحل المشاكل الناجمه عن الخطأ ترا التمويل أقلهم تعقيد وأسرعهم حل ....

والله أعلم .

 

[zoya_y]

عفوا بس الانسان مو معصوم من الغلط ... وكل واحد بياخذ حقه صدقني ... المسئولين بالبنك ماراح يسكتون ​

 

[بوسعود66666]

مالك الا الوطنى وبس​

 

[am7ag]

السلام عليكم

اخواني انا اللي ابي اعرفه شي واحد

شنو الفرق بين الربا والتحايل على الربا ؟؟؟؟

الحين لما يسوون لك معاملة تورق (( يعني تحايل على الربا بشكل واضح وفاضح )) تلاقيهم يسوونها لك بسرعه ولما تسألهم حلال والا حرام يقولون لك عندنا هيئة افتاء حللوها

غير هذي خردة البطايق اللي عندهم (( ماستر . فيزا . تيسير . إلخ ... )) ما يصير تسحب من فروعهم واذا بتسحب تسحب من بنوك ربويه على قولتهم ههههههههه

أنا اقول خلونا ساكتين أحسن

لأن الخافي أعظم ​

 

[ALSERHAN]

آنه طلعت منهم ورحت الوطني..

والحياه 100% والدفايه شغاله والبلازما شغال قاعد أطالع (( تو الليل ))..

والبال مرتاح.. الحمدالله.. الله يديمها نعمه ويزيدنا ويزيدكم إنشاءالله..

 

[ALSERHAN]

آنه طلعت منهم ورحت الوطني..

والحياه 100% والدفايه شغاله والبلازما شغال قاعد أطالع (( تو الليل ))..

والبال مرتاح.. الحمدالله.. الله يديمها نعمه ويزيدنا ويزيدكم إنشاءالله..

بعد عناء طويل طبعا مو بدون سبب والسياره كيشتها ب 12000 بعد ما دفعت قسط واحد فقط...!!!!!

ولا ردولي ولا فلس قلت مو مشكله هذا قانونهم وقالولي قدم طلب ممكن يعطوني 500 دينار هديه ولا شي وليلحين ما عطوني شي

طلعت سالفه الهديه إذا عندك واسطه..

 

[اكسلانس]

أقول بيت التمويل مثل المنشار طالع واكل نازل واكل مانقول الا الله يعيننا؟؟؟؟؟؟؟؟؟؟