هل الناس تستاهل الي قاعد تسويه الجمعيات ؟

[boalons]

التجار رفعو الاسعار

الجمعيات رفضت وقاطعت منتجاتهم للظغط عليهم

المفروض الناس تشد من ازر الجمعيات وتتعاون معاهم بالمقاطعه للضغط على رافعي الاسعار

مو طوابير عند مصانعهم والاماكن الي تبيع جنهم موشايفين خير ؟

والله شي يحز بالنفس اذا سمعت واحد يتفسلف على راسك ويتشكى من غلاء الاسعار واهو منهم

الي موهامه وموفارق معاه ارتفاع الاسعار والله مانلومه

لكن نلوم الي يتفلسف واخر شي يبيع ضميره علشان حليب كوكاو

 

[ksr911]

دجاج ساديا 900 جرام

في الشركه مع التوصيل للمنزل 6,300
في الجمعية 6,700

و غير و غير ............

يعني منو اللي رافع الأسعار...........جدي !!!!!

اقول ما لك غير سيتي سنتر

 

[مضارب شجاع]

التجار يحاربون الجمعيات ، لانها كاسره ظهورهم ومنافستهم على التجاره
والمفروض نشجع الجمعيات ، لان هناك بعض التجار يحاربون فكرة الجمعيات ويقولون عنها انها نظام اشتراكى ونحن بلد ديمقراطى ، وتصور ان الكويت ما فيها جمعيات ؟؟؟؟؟ كان البقالات استغلوا الوضع وزادوا الاسعار .....

 

[UNIX]

اللي يحز بالقلب اني امس كنت قاعد أتمشى بسوق الميرة،،، و لا يزال الناس يشيلون حليب كي دي دي و مو هامهم زيادة الأسعار!

 

[BO-MUBARAK]

لا اخوي نبي شركة تنظم الاسعار لاحظوو كل الشركات الخاصة مثل سلطان جمعية الشرطة سيتي سنتر وغيره ارخص بدبلات من الجمعيات الحكومية ؟؟!!!! والمشكلة مجلس الاداره احنا نرشحهم وبدال ما يقللون الاسعار يرفعونها ؟؟!!! والله عجيبه هالناس !!!![/QUOTE]

 

[mohammedo1]

انا بالنسبه لي قاطعت المنتوجات واستبدلت بمنتوجات اخرى شنو المشكله لا بد نضع حد لهذي المهزله كل يوم وثاني زياده لابد نقف وقفه واحده ضد جشع التجار وخل يعرفون ان الله حق تره وايد تفرق معاهم وتسبب خسيار مو بسيطه وانتو وكيفكم

 

[مستثمر فقير]

حرب الاسعار الي قاعده تصير اكبر من اتحاد الجمعيات واكبر من
الناس ... التجار تعاونو مع بعض لرفع الاسعار بشكل جماعي
وما تفرق معاهم اذا انطردو من الجمعيات... يدرون انه الناس
راح تلحقهم حتي لو بالبقاله .... عن نفسي قاعد احول علي منتجات
ثانيه والي الآن لم اتسوق خارج الجمعيه مع العلم ان حتي اسعار الجمعيه
تعتبر غاليه

لا تشيلون هم الحرب هذي راح تنتهي ... وراح تصير حرب رفع الاسعار
امر واقع علي اتحاد الجمعيات والناس بشكل عام

زيادة الرواتب نهاية الشهر الحالي ... تعتبر توكيل رسمي لتجار لرفع الاسعار​

 

[الفايدة للجميع]

التجار رفعو الاسعار

الجمعيات رفضت وقاطعت منتجاتهم للظغط عليهم

المفروض الناس تشد من ازر الجمعيات وتتعاون معاهم بالمقاطعه للضغط على رافعي الاسعار
مو طوابير عند مصانعهم والاماكن الي تبيع جنهم موشايفين خير ؟والله شي يحز بالنفس اذا سمعت واحد يتفسلف على راسك ويتشكى من غلاء الاسعار واهو منهم

الي موهامه وموفارق معاه ارتفاع الاسعار والله مانلومه

لكن نلوم الي يتفلسف واخر شي يبيع ضميره علشان حليب كوكاو

كلام طيب مثل كاتبة جزاك الله الف الف خير يا أخ boalons

 

[الكعمي1]

لو لم يكن وجود للجمعيات التعاونية
لانفرد بكم التجار وانا مع سياسة الجمعيات تجاه جشع التجار​

 

[السيل]

المفروض ننظر الي جيرانا شلون تعاملو مع شركات الالبان السعودية مقاطعة تامة اجبرت الشركات علي التراجع عن رفع الاسعار

 

[almared]

حليب كي دي دي كامل الدسم كان 2400 واليوم 3600 ..

وعلي فكره فيه منتجات صلاحيتها محدوده ومقاطعتها تسبب خسائر كبيرة ..

أي منتجات زادت السعر يفترض مقاطعهم والبدائل كثيره ولله الحمد ..​

 

[السور]

منو اللى عطاهم الضوء الاحمر ......من امن العقوبة اساءة الادب يدرون محد راح يعاقبهم !!

 

[الكتكوت المتوحش]

حليب كي دي دي كامل الدسم كان 2400 واليوم 3600 ..

وعلي فكره فيه منتجات صلاحيتها محدوده ومقاطعتها تسبب خسائر كبيرة ..

أي منتجات زادت السعر يفترض مقاطعهم والبدائل كثيره ولله الحمد ..​

صح لسانك يا المارد

 

[مضارب شجاع]

هناك قصة اود ان اذكرها لكم ، وفيها الكثير من الحكم وهى تخص ارتفاع الاسعار
اثناء الحرب العالمية الثانيه كان هناك هجوم جوى على بريطانيا من قبل الجيش الالمانى وكانت هناك قرية بريطانيه على شاطئ البحر وسكان هذه قرية يعتمدون على أكل السمك , وكانوا يشترون السمك من صياد يبيع السمك فى محله , وهذا التاجر انتهز الفرصه رفع الاسعار على سكان هذه القرية وقال ان سبب ارتفاع الاسعار يعود للحرب وصعوبة الصيد فى البحر ، وذهبت سيده من هذه القرية وقالت لسكان هذه القرية يجب ان ان لا نشترى من هذا الصياد حتى يرجع للسعار القديمه كما كانت فى السابق , واتفق كل سكان هذه القريه ان يقاطعوا صياد السمك , وفعلا بعد كم يوم لم ياتى احد لشراء السمك ، وبعدها عرف هذا الصياد ان سكان القريةه قاطعوه بسبب ارتفاع الاسعار ، وبعدها أخذ السمك فى سيارته و يتجول فى على سكان القرية ويقول لهم خذوا هذا السمك ببلاش وبدون مقابل قبل ان يخيس ولا أحد يستفيد منه ، وقال لهم سوف ارجع للسعر القديم و لا أرفع الأسعار مرة أخرى .

 

[almared]

صح لسانك يا المارد

صح بدنك يا الكتكوت المتوحش

 

[BO FAY]

صراحتا نا غيرت من شركات انتاج كويتي الى انتاج سعودي في اغلب المنتجات الالبان لان في ظل الارتفاع الاسعار حافظت الشركات السعوديه على اسعارها وبنفس الوقت وقفو معانا وما تخلو عنا مثل الشركات الكويتيه الي استغلوا الوضع وارفعو الاسعار بشكل يتجاوز بعض المنتجات الى اكثر من 50 او 60 %.
وانا راح اضل مع المنتجات السعوديه حتى ولو زادو الاسعار لانهم ما سوو مثل الشركات الكويتيه

 

[نقوشي]

منتجات المراعي

جودة المنتجات واسعارها نفس قيل ...

شكو بكي دي دي ولا مادري شنو شركات دانماركية تتهكم على رسولنا الكريم ويزيدون اسعارهم بعد ... فوق شينه قواة عينه

 

[ياقوت]

قصه جميله بس اهم شي فيها ان اهل القرية اتفقوا وللاسف هالشي نفتقده

الشكوى لله​

 

[مراقب الاسهم]

الجمعيات هي ساس البلا واسبابه

لعبو فينا كره طائره رفع ثم كبس


اتحاد الجمعيات ورئيسها اكبر سبب لزياده الاسعار


والدليل ان تقرير الخاص بتقصي اسباب زياده الاسعار من وزراه الشؤن +ممثلين 20 جمعيه فقط من العدد الاجمالي 50 جمعيه

(((رافضيين لجنه الاسعار المكونه من قبل اتحاد الجمعيات ويدعون الى حلها باسرع وقت لانها هي السبب في زياده الاسعار)))
ومايثير الدهشه والاستغراب رئيس الاتحاد لازال مستذبخ على هذه اللجنه
لييييييييييييييييييش؟؟؟؟؟ حتى رافض مجرد التصويت بطريقه ديمقراطيه حسب جدول الاعمال بالنهايه القرار بيصدر براي الاغلبيه


الاسعار من زماااااااااااااااااااااااااااااان مرتفعه علينا من شهر 5 تقريبا

ولكن لما كبرت المشكله وانكشفوا (((((استشرفوا)))) وقصوا علينا بالمقاطعه

صورا لنا المشكله على انها كبيره وهي صغيره

اهي صحيح في زياده بالاسعار
ولكن بنسبه بسيطه من 10 __15 % وهذي مشكله عالميه
نتيجه ارتفاع سعر النفظ وانخفاظ الدولار

والدليل (((البيض )) قالوا انه بيصير بدينارين وثلاثه روووووووحوا شوفوه بالاسواق المموازيه كويتي المتحده ب 1,000 -1.100 بالكثير
ومتوفر بكميات على قفا من يشيل



بس تدرون شنو المشكله

انه من عامل العربانه اللي بالجمعيه الى رئاسه الاتحاد (((كلهم يبون )))

والمشكله والطامه الكبري بعض الموظفين في وزاره الشؤن ومنهم (((مدراء))متخاذلون وكلمه متخاذل معناها مفتووووووووووووووح


يمكن الكلام ما يعجب البعض وممكن كلامي غير صحيح وانا اكذب عليكم

اسألو وزراه الشؤن و ال 20 جمعيه المعترضه على ((لجنه الاسعار )) االي تحت اشراف اتحاد الجمعيات واسالو بالاخص ممثل جمعيه القادسيه لدى الاتحاد ؟

 

[أبو فلسين]

من قبلى انا اخذت قرار بمقاطعة اى منتج يرتفع سعره والحمدلله ماتغير فينى شى بس جنى قمت اوفر اكثر من قبل