غلاء دبي

[المحسود]

خاطرة في بالي لقد لاحظت في هذه الفترة القريبة اثناء السفر الى دبي

في الايام القليلة الماضية انه هناك غلاء غير طبيعي بنسبة 250 %

بالنسبة للفنادق وهذا امر يأسف عليه لان الذي يتحكم بالاسعار هم

ا شخاص (وافدين ) وايضا دائرة السياحة والسفر تتجاهل التظلمات التي يرفعها موطنون مجلس التعاون بسبب هذا الغلاء الفاحش ومثال على ذلك اصحاب التكاسي عندما تطلب منه ان يقومون يتوصيلك الى سيتي سنتر وتكون المسافة قصيرة يحاولون اطالة المدة لاخذ اجر اكبر وبسؤالي لاحد الهنود عن سعر الغرفة فأخذ يبتسم فقال انه يأخذها 54 دينار علما اني القادم من الكويت ادفع في الليلة 160 دينار ايعقل هذا انا اقول حق الناس رووووووحوووووو اووووورووووووووبا واااااايد احسن ومع اني من المحبين لدبي ولكن المصروف لم يتحمل هذه البلد

 

[الريان]

خاطرة في بالي لقد لاحظت في هذه الفترة القريبة اثناء السفر الى دبي

في الايام القليلة الماضية انه هناك غلاء غير طبيعي بنسبة 250 %

بالنسبة للفنادق وهذا امر يأسف عليه لان الذي يتحكم بالاسعار هم

ا شخاص (وافدين ) وايضا دائرة السياحة والسفر تتجاهل التظلمات التي يرفعها موطنون مجلس التعاون بسبب هذا الغلاء الفاحش ومثال على ذلك اصحاب التكاسي عندما تطلب منه ان يقومون يتوصيلك الى سيتي سنتر وتكون المسافة قصيرة يحاولون اطالة المدة لاخذ اجر اكبر وبسؤالي لاحد الهنود عن سعر الغرفة فأخذ يبتسم فقال انه يأخذها 54 دينار علما اني القادم من الكويت ادفع في الليلة 160 دينار ايعقل هذا انا اقول حق الناس رووووووحوووووو اووووورووووووووبا واااااايد احسن ومع اني من المحبين لدبي ولكن المصروف لم يتحمل هذه البلد

دبي والشارقة مابينهم شي يعتبرون نفس الشي بس الشارقة ارخص بالسكن حيل حيل وانصحك بتاجير سيارة اذا كنت اهناك افضل من التاكسي لان تكاسيهم ماتلحق اذا نزلت مكان وتبي ترد والسيارة اغلب المجمعات والاماكن فيها خدمة ايقاف السيارة وللعلم سكنت في فندق في الشارقة اربع نجوم وهو فندق الهوليدي ان الليلة كانت 700 درهم والفندق مستواه لاباس فيه صراحة بالنسبة للغلاء الفنادق فندق شنغريلا ب 240 دينار الليلة وقبل سنتين ب90 دينار فندق الجميرة قبل ثلاث سنوات ب150 دينار الليلة حاليا الغرفة العادية ب260 دينار

 

[بوعبدالله _ 66]

شخبارك اخوي الريان ان شاء الله تكون بخير

والله ياخوي حتى فنادق الشارقه ولعت قبل سنتين كنت اسكن هوليدن الشارقه 200 درهم ولحين 700 وكان فندق روتانا الشارقه 250 ولحين 810 وفندق ريدسن ساس كان ب 350 ولحين 1200 درهم كل شي غلا بالامارات حتى اجار الشقق اللي 18000 الف درهم بالسنه الحين000 35 الف وصديق لي من الشارقه يقولي كنا انفصل الكندوره (الدشداشه بالكويتي) ب 120 درهم ولحين 320 يعني 28 دينار وبانزيل السياراة الشفر مثلاً تفويلته بالكويت ب 4 دنانير وعندهم 100 درهم يعني بثمان دنانير (دبل)

بصراحه ماتلام الحكومه بزيادة رواتبهم 70 % ويالله يلحقون على الغلا اللي صاير عندهم

 

[CENTRALBANK]

تركوها

 

[مضارب شجاع]

انا ما نى عارف شنو شايفين فى دبى !!! الصراحه ما تستاهل هذه الخسائر , هناك دول افضل منها جوا وارخص سعرا , انا رحت دبى وما اشوف الا هنود ووافدين وكل شئ غالى ونفسية الوافدين تعبانه ومال هم خلق للسواح .
وافضل شئ فى دبى ,,,, مطارها فقط وحلاتها تمرها ترانزيت فقط للتسوق فى مطار دبى وتأكل وجبه من مطعم ماكدونالز فى المطار نفسه , وبعدها تذهب الى الطائره وتتجه الى دولة أخرى .

 

[بوعبدالله _ 66]

انا ما نى عارف شنو شايفين فى دبى !!! الصراحه ما تستاهل هذه الخسائر , هناك دول افضل منها جوا وارخص سعرا , انا رحت دبى وما اشوف الا هنود ووافدين وكل شئ غالى ونفسية الوافدين تعبانه ومال هم خلق للسواح .
وافضل شئ فى دبى ,,,, مطارها فقط وحلاتها تمرها ترانزيت فقط للتسوق فى مطار دبى وتأكل وجبه من مطعم ماكدونالز فى المطار نفسه , وبعدها تذهب الى الطائره وتتجه الى دولة أخرى .

اخوي الكريم ماأتكلم عن السياحه بالامارات اتكلم للي يروح عنده مصالح
اهناك بيخلصهم....او زيارة صلت رحم مو معقوله انك تجلس لمدة
ثلاث او اربع ايام تكلفك هالزياره من 800 الى 1000 دينار
هذا اللي نقصده

والا الامارات اشفيها من السياحه

اكثر ايام السنه حر ورطوبه

 

[حفار قبور]

ولد أخوي يدرس بدبي يقول إن تفويلة الماكسيما حوالي ثمان دنانير

 

[aliii]

ربطة الخبز عندنا 50 فلس وعندهم 250 فلس

مواقف السيارات عندنا الساعة 100 فلس وعندهم الساعة 400 فلس
(موقف السيارات اللي عند بندر طالب)


:d


.

 

[المحسود]

اسعار نار

عطفا علي مقالتنا السابقة بخصوص اسعار دبي اليوم حجزت حق شخصين في فندق بارك حياة غرفة واحدة 900 دينار!! (بكج) لمدة اربعة ايام و سلندر الغااز يقوولون وصل عندهم بحدود 8 دنانير ولكن ايضاا اقوول الي يلعبوون بالاسعار هم هنود الذين لديهم القدرة علي القرار عندهم بمساعدة المتنفذين

 

[بوعبدالله _ 66]

عطفا علي مقالتنا السابقة بخصوص اسعار دبي اليوم حجزت حق شخصين في فندق بارك حياة غرفة واحدة 900 دينار!! (بكج) لمدة اربعة ايام و سلندر الغااز يقوولون وصل عندهم بحدود 8 دنانير ولكن ايضاا اقوول الي يلعبوون بالاسعار هم هنود الذين لديهم القدرة علي القرار عندهم بمساعدة المتنفذين

سلندر الغاز 8 دنانير اتوقع بيرجعون يطبخون على حطب :d

الله يعينهم

واحد من الربع اهناك نقيب بالجيش يكلمني امس يقول اخذت اجازه اسبوعين وسافرة ولاما رجعت قبل يومين ورحت الدوام ودخلت المعسكر ومريت على مواقف الجنود...ولا المواقف كلها رنجات اسبورة وبأمات ومورسدسيداسات وبورشات كلها جديده....قلت شسالفه زايرنا وفد...ولما دخلت الدوام وسألت قالولي هذى سيارات العسكر كلها طبعاً بسب زياده الرواتب الاخير...مساكين بستانسون فيهم يومين وبعدين بيستوعبون ان الزياده اللي جايتهم عشان غلا المعيشه عندهم مو عشان يتكشخون فيها ....

 

[bo3adsa]

انا كنت ادرس بالامارات و شفت بعيني الغلاء وهو يكبر لكن ما نقدر نلومهم لان هذا دخلهم ومن مصلحتهم انهم يرفعون الاسعار و هذا هو التفكير العدل والي المفروض نقتدي فيه لان الي يتحمل هالغلاء هو انا وانت و غيرنا من "غير الاماراتيين" عيل اصير مثل الكويت غالبية السلع مدعومة من الحكومة والعلاج المجاني والتعليم و غيره والي مستفيد من هالخدمات الغريب والي يدفع حنا "الكويتيين", صايرين مثل غير عذاري تسقي البعيد وناسية الجريب .... !!

 

[aliii]

غلاء الاسعار بدأت مع بداية طفرة العمران في دبي

ضريبة التطور




.

 

[dhatter]

غلاء الاسعار في دبي شئ طبيعي لانها مركز تجاري عالمي يقارن بالمراكز العالميه الاخري .. اغلب الاماراتيين يسكنون خارج دبي ويتركون دبي للوافدين او اصحاب الاعمال تجاريه (ومنهم احنا الكويتيين) وغيرهم وبالتالي يستفيدون منهم كمصدر دخل للاماره

الحين اذا تحقق حلمنا والكويت صارت مركز تجاري عالمي ويييين راح نسكن ... الخفجي :d

 

[خبير النفط]

كانوا يقولون ابتسم انت فى دبى و اليوم يقولون ادفع انت فى دبى
قبل زياده الرواتب فى دبى تم تحرير الاسعار ورفع الدعم عن العديد من المواد الاستهلاكيه وغيرها بما فى ذالك المشتقات النفطيه البنزين وغيرها وعليه ارتفعت الاسعار بشكل غير طبيعى و صارت الزياده الى الكل يحسد اهل دبى عليها فى خبر كان
والاهم اسعار البنزين فى العالى لان الامارات لاتملك احتياطياتها النفطيه ويتحكم فى السعر الشريك الاجنبى؟

 

[م. سعد]

بالنسبة لدبي من زمان و انا احسبها القى باريس ارخص و افضل و متروسة اماكن سياحية احسن من دبي.

قد تكون دبي منطقة اعمال و تجارة و لكن سياحة لا فهي عادية بنظري و غالية عالفاضي. و انا عن نفسي اذا ياتني دورة بالدوام بدبي ارفضها غالبا لاني راح اصرف من جيبي وايد و الجو هناك سيء و الديرة اغبلها اجانب.

باختصار ما انصح بدبي

 

[baselko]

انا الحين موجود بدبي وصار لي 10 ايام الصراحة الديرة وايد غالية والله تطلع ال500 درهم كانهم 10 دنانير مادري وين تروح بس بصراحة مجمعاتهم بغاية الروعة وخاصة مجمع دبي فيستيفال ستي الجديد جدا رائع والحين اهم شغالين على الميترو المعلق وراح ينتهي 2009 وانصح اللي بروح دبي بسيارته ياخذ معاه نفي غيتر شوارعهم تضيع حيل من كثر تغيير الشوارع وبناء الجسور .