للبيع شقة تمليك رائعه (بمشروع درة الفنطاس)

[مديرو]

للبيع شقة تمليك على البحر مباشرة (بإطلاله جانبية) جميلة جداً بمشروع درة الفنطاس المميز بمنطقة الفنطاس .. الشقة نظام دوبلكس (دورين) بتقسيمه رائعه .. تقع في الدورين 13 و14 .. مع العلم بأن الشقة حالياً تحت التشطيب وتاريخ التسليم شهر 10 القادم ..

معلومات:

البرج يسمى (درة الفنطاس) ويقام على 8000م
المساحه : الفعلية 226م على دورين بنظام دوبلكس
يقع المشروع على البحر مباشرة بأول نقطه بالفنطاس
يعتبر المشروع من أكبر المشاريع السكنية بالمنطقة الجنوبية من الكويت
تم بيع اكثر من نصف المشروع على المخطط والنصف الباقي تم بيعه اثناء التشطيب

البيع لأعلى سعر .. ومن المعلوم (عقارياً) بأن سعر المبنى الأسود يرتفع بحدود 20 إلى 25% بعد التشطيب وإيصال تيار الكهربائي

وصل السوم خارج المنتدى إلى 109 ألف .. وعليكم فرق السومه

 

[العجمي123]

الله يوفقك وتلقى الشراي بس 109 اتوقع الواحد يزيدها 30 الف وياخذ بيت تقبل مروري

 

[مديرو]

حياك أخوي العجمي 123 ومشكوور على مرورك .. و بعاونك بعد .. ترا في بيوت بالكويت على 90 و 95 ألف حق اللي يبي .. بس عاد .. بيت .. بس (بالإسم!) ..

 

[OVER-THE-TOP]

السلام عليكم اخوي

شنو تقصدب هالجملة؟ (بإطلاله جانبية)
للبيع شقة تمليك على البحر مباشرة (بإطلاله جانبية) جميلة جداً

جم غرفة ؟
واذا عندك صورة المخطط خير و بركة

 

[مديرو]

السلام عليكم اخوي

شنو تقصدب هالجملة؟ (بإطلاله جانبية)
للبيع شقة تمليك على البحر مباشرة (بإطلاله جانبية) جميلة جداً

جم غرفة ؟
واذا عندك صورة المخطط خير و بركة

وعليكم السلام ..


يقع البرج مقابل البحر مباشرة .. وتحديداً تصميم المبنى على شكل حرف U .. واذا بشرح لك بالكتابة بكون البحر (أعلى) حرف الـ U ..

عموماً .. الشقة لها إطلالة غير مباشرة على البحر .. يعني إذا قعدت بالصالة اللي تحت أو اللي فوق راح تشوف البحر + امتداد شاطئ المسيلة إلى الديرة ..

واعتقد الشرح راح يصير أوضح إذا شفت المخطط .. (خصوصاً ان للشقة إطلالتين! يعني بطن+ظهر) .. ترا من صج

الشقة عبارة عن :

الدور الأرضي : صالة كبيرة 8×5م تقريباً + حمام ضيوف + مطبخ + غرفة خادمة + غرفة سائق.
الدور الثاني : صالة + غرفة ماستر 8×4.5م تقريباً بحمامها طبعاً + 2 غرفة+ حمام.
السرداب : 2 موقف سيارة + مخزن 6 متر مربع.

ومعذرة على عدم دقة المعلومات .. لأني بالدوام حالياً والأوراق مو عندي ..

وللمزيد من المعلومات الإتصال على 4449671 بعد الساعة 2 ظهراً ..

 

[OVER-THE-TOP]

والله يا خوي انا رحت شفت المبنى شكلة مطول وايد

لوتحط صورة المخطط ومكان الشقة بالنسبة للمجمع يكون شي حلو

لان في شقق بالمبنى ماتطل على او اذا بتشوف البحر لازم تطلع راسك عشان تشوف طرف البحر

 

[مديرو]

حاظر .. ما طلبت شي .. ان شالله بحط لك المخطط + مكان الشقة بالمبنى .. بس عطني شوية وقت ..


وبالنسبة لتاريخ الإنتهاء من البرج (فهناك اتفاق مسبق مع الشركة المالكة بأن التسليم لن يتجاوز شهر اكتوبر 2008) .. وعندي نسخة .. وترا موووو بكييييفهمممم يتأخروون ::verymad::ـ!!!

 

[OVER-THE-TOP]

حاظر .. ما طلبت شي .. ان شالله بحط لك المخطط + مكان الشقة بالمبنى .. بس عطني شوية وقت ..


وبالنسبة لتاريخ الإنتهاء من البرج (فهناك اتفاق مسبق مع الشركة المالكة بأن التسليم لن يتجاوز شهر اكتوبر 2008) .. وعندي نسخة .. وترا موووو بكييييفهمممم يتأخروون ::verymad::ـ!!!

مشكور اخوي مديرو ما تقصر عالتجاوب

بس ترى هذي الكويت يقولولك شهر 10 عادي يخلص شهر 10 الياي لا حسيب ولا رقيب ولا شرط جزائي ولا تعويض ولا هم يحزنون ولا لما تروح لهم يقولولك بخلص بهالتاريخ تبي ولا كيفك

بس خنشوف المخطط والله يكتب اللي فيه خير انشالله

 

[OVER-THE-TOP]

حاظر .. ما طلبت شي .. ان شالله بحط لك المخطط + مكان الشقة بالمبنى .. بس عطني شوية وقت ..


وبالنسبة لتاريخ الإنتهاء من البرج (فهناك اتفاق مسبق مع الشركة المالكة بأن التسليم لن يتجاوز شهر اكتوبر 2008) .. وعندي نسخة .. وترا موووو بكييييفهمممم يتأخروون ::verymad::ـ!!!

I M - S T I L L - W A I T I N G​

 

[hassankoc]

السعر مبالغ فيه حيل على ماقالو الربع حط عليها جم فلس واشترلك ارض او بيت احسن من حلال معلق

 

[OVER-THE-TOP]

السعر مبالغ فيه حيل على ماقالو الربع حط عليها جم فلس واشترلك ارض او بيت احسن من حلال معلق

وين تلقى ارض ياخوك بهالسعر اذا لقيت على ايدك

واذا لقيت ارض بجم تبنيها و وين تلقى الارض

الاوضاع بالبلد من سيء لي اسوء

لو يحطوني وزير الاسكان والله لحل المشكلة الاسكانية

 

[مديرو]

آآآآآآآآسف عالتأخييير اخوي Over-the-top .. وترا ما قدرت احطلك المخطط عالنت .. عموماً .. إذا عندك فاكس أطرش لك اياهم اليوم (أكيد طبعاً) ..

وبالنسبة للسعر .. لا تحاتي .. إنت عزم بس .. وانشالله اراعيك بسعر يناسبك


وتستاهل دام أخررناااك ..


تحياتي ...

 

[OVER-THE-TOP]

اي والله شلختنا تأخير

وانا رجل اعمال كبير عندي انشغالاتي يا خوك

اتغشمر وياك الحين ادزلك فاكسي عالخاص دزهم وباجر نتفاهم لاني بعطيك فاكسي اللي بالدوام بس عادي محد يشوفة الا انا سرك في بييييييييير

 

[مديرو]

اي والله شلختنا تأخير

وانا رجل اعمال كبير عندي انشغالاتي يا خوك

اتغشمر وياك الحين ادزلك فاكسي عالخاص دزهم وباجر نتفاهم لاني بعطيك فاكسي اللي بالدوام بس عادي محد يشوفة الا انا سرك في بييييييييير

خوووووش يالعوووووود .. ..

 

[مديرو]

تم الإرسال عالفاكس .. (أمس) ..

 

[OVER-THE-TOP]

الفاكس عندي وناطر ال ام اس اس

عشان القرار النهائي

 

[مديرو]

طرشت الـــــ MMS ولك القرار ..


بكل رحابة صدر .. طبعاً

 

[hassankoc]

للبيع شقة تمليك على البحر مباشرة (بإطلاله جانبية) جميلة جداً بمشروع درة الفنطاس المميز بمنطقة الفنطاس .. الشقة نظام دوبلكس (دورين) بتقسيمه رائعه .. تقع في الدورين 13 و14 .. مع العلم بأن الشقة حالياً تحت التشطيب وتاريخ التسليم شهر 10 القادم ..

معلومات:

البرج يسمى (درة الفنطاس) ويقام على 8000م
المساحه : الفعلية 226م على دورين بنظام دوبلكس
يقع المشروع على البحر مباشرة بأول نقطه بالفنطاس
يعتبر المشروع من أكبر المشاريع السكنية بالمنطقة الجنوبية من الكويت
تم بيع اكثر من نصف المشروع على المخطط والنصف الباقي تم بيعه اثناء التشطيب

البيع لأعلى سعر .. ومن المعلوم (عقارياً) بأن سعر المبنى الأسود يرتفع بحدود 20 إلى 25% بعد التشطيب وإيصال تيار الكهربائي

وصل السوم خارج المنتدى إلى 109 ألف .. وعليكم فرق السومه

ممكن تحطلنا الصور؟

 

[مديرو]

اعتذر عن إضافة الصوره .. (مشكلة تقنية) ..





و للمهتم .. اقدر أوصل له البروشور + مخطط الشقة .. سواء بالفاكس أو مباشرة ..




تحياتي ..

 

[hassankoc]

اعتذر عن إضافة الصوره .. (مشكلة تقنية) ..





و للمهتم .. اقدر أوصل له البروشور + مخطط الشقة .. سواء بالفاكس أو مباشرة ..




تحياتي ..

تقدر ايميل؟