قصيده للبنات المستعجلات على الزواج

iidvdii

عضو نشط
التسجيل
30 ديسمبر 2007
المشاركات
391
الإقامة
Q8

لا تحسبين العرس توفـي وكتكـات ....
ولا تحسبينـه تويـكـس والا بونـتـي

ولا تحسبين العرس كيكة وطرطـات ....
وصلـة قطعتيهـا ووصـلـة بلعـتـي

ولاتحسبين العرس تصفيق واصوات ....
وانت علـى صـوت الغطاريـف همتـي

ولاتحسبين العرس كوشـة ولمبـات....
وانـت كمـا الطـاووس فيهـا جلستـي

ولاتحسبين العرس احلام في الشات ....
يـامـا بنيتيـهـا ويـامـا هـدمـتـي

ولا تحسبين العرس روحة وجيـات ....
هيـا اقضبـي بيتـك عسـى مانهبلتـي

ليلة سعيدة وانت احلـى الجميـلات ....
تشخـص عيـون النـاس اذا حضرتـي

( واللاينر ) حطيـه بــلا زيــادات ..
لا يـخـرب المكـيـاج اذا دمـعـتـي

( والمسكرة ) تحتاج لطـف ومـدارات ..
حتـى يـبـان الـزيـن اذا رمشـتـي

( والاسبريه ) رشيه حتى البصيـلات ..
يمسك شعـرك زيـن لـو كـان زدتـي

وترى ( المحدد ) فن يحتـاج رسمـات
يبـان رسمـه زيــن اذا ابتسمـتـي

العـرس يابنيـة ماهـو شعـارات ....
تفنـى مراسيـمـه وتبقـيـن انـتـي

ويبقى شريك العمر راعي الطويلات ....
هـذا هـو العـرس حقيقـه عرفـتـي؟

اول نصيحة لـك حفـظ الصلـوات ....
صلي العشـا والفجـر فـي كـل وقـتِ

وفي ليلة العرس الموفـق بالـذات ....
ادعـــي الـكـريـم إذا سـجـدتـي

والتعري لاترضين عند الكوفيـرات ....
ولبسـك يملـى العـيـن اذا لبسـتـي

واللي على زوجك تحرضك مـرات ....
ارجـوك شوتيهـا شـوتـت بلنـتـي

والصبر في العشرة حتى على فتات ....
ياماحـلا فعلـتـك يـومـك صبـرتـي

واذا حفظت السـر مـع المـدارات ....
زوجـك تـرى فـي عيونـه كبـرتـي

والسوق يعني هاه وقت الضرورات ....
والاتـرى زوجــك يــدور لمفـتـي

زيدي الغطاية وكثري في العبايـات ....
والله يـرضـى عـنـك اذا ستـرتـي

اوصيك بالكبسـة وكثـر اليدامـات ....
حتـى لوانـك مـن سببـهـا متنـتـي

وخلي الرجيم اللي فشلتي فيه مرات ....
سـويـه مــرة واحــدة لا ولـدتـي

وسلامتكم



من ايميلى
 

تلميذ المؤشر

مشرف قسم الإستراحه
التسجيل
19 أغسطس 2003
المشاركات
1,445
الإقامة
الكويت
اوصيك بالكبسـة وكثـر اليدامـات ....
حتـى لوانـك مـن سببـهـا متنـتـي

:) هذا الي يبي الريال

تسلم
 

zoya_y

عضو نشط
التسجيل
26 ديسمبر 2007
المشاركات
9,261
الإقامة
DREAM WORLD




وخلي الرجيم اللي فشلتي فيه مرات ....
سـويـه مــرة واحــدة لا ولـدتـي

وسلامتكم





لوول كلام منطقي يزاك الله خير
 

INFINITI

عضو نشط
التسجيل
19 سبتمبر 2007
المشاركات
4,316
الإقامة
راس العايــــر
لو المهر على الحريم
جان مشى سوق الجياكر
عــــــــــــاشــــــو
 

iidvdii

عضو نشط
التسجيل
30 ديسمبر 2007
المشاركات
391
الإقامة
Q8
اوصيك بالكبسـة وكثـر اليدامـات ....
حتـى لوانـك مـن سببـهـا متنـتـي

:) هذا الي يبي الريال

تسلم

ومن قال سالم
( على قوله المثل اقرب طريق للرجل معدته )
 

iidvdii

عضو نشط
التسجيل
30 ديسمبر 2007
المشاركات
391
الإقامة
Q8
لو المهر على الحريم
جان مشى سوق الجياكر
عــــــــــــاشــــــو

لا وانت الصاج كان ما تلقى عنوسه بين الحريم
عــــــــــــاشــــــو مليون
 

mohammed alkand

عضو نشط
التسجيل
27 يناير 2008
المشاركات
63
الإقامة
kuwait
صح السانك بصراحه شعر طيب بس تخيلو شباب يصير تعدد الازواج للمرأه جان الحين كل وحده متزوجه اربع اما احنا المساكين وحده واذا سولفنا نبي الثانيه زعلو او اذا درو احد من ربعك متزوج ثنتيت قالولك لاتماشيه
 

iidvdii

عضو نشط
التسجيل
30 ديسمبر 2007
المشاركات
391
الإقامة
Q8
صح السانك بصراحه شعر طيب بس تخيلو شباب يصير تعدد الازواج للمرأه جان الحين كل وحده متزوجه اربع اما احنا المساكين وحده واذا سولفنا نبي الثانيه زعلو او اذا درو احد من ربعك متزوج ثنتيت قالولك لاتماشيه

الله يسلمك تعدد الأزواج يضيع نسب الولد والدين حلل للرجل اربع بشروط
واذا تبي نصيحتي امش مع المتزوج اكثر من وحده اذا شفت حالته طبيعيه توكل على الله وتزوج الثانيه واذا حالته كسيفه خلك على مره وحده احسن
 

سيده اعمال 2008

عضو نشط
التسجيل
2 يونيو 2007
المشاركات
2,794
الإقامة
امريكا
نداء الي العوانس والبنات اللي الي طريق العونسه :D

ترا الزواج ماوراه الا الهم لا تستعجلون ترا العزوبيه زينه :p:D

معذره القسم الرجالي مو تزعلون ترا بس اتغشمر :D
 

mohammed alkand

عضو نشط
التسجيل
27 يناير 2008
المشاركات
63
الإقامة
kuwait
نداء الي العوانس والبنات اللي الي طريق العونسه :D

ترا الزواج ماوراه الا الهم لا تستعجلون ترا العزوبيه زينه :p:D

معذره القسم الرجالي مو تزعلون ترا بس اتغشمر :D

خليتي فيها اسمحولي الله يسامحج انا اللي اعرفه ان وراء كل ؤجل عظيم امرأه عظيمه وانتي هذا كلامج
 

iidvdii

عضو نشط
التسجيل
30 ديسمبر 2007
المشاركات
391
الإقامة
Q8
نداء الي العوانس والبنات اللي الي طريق العونسه :D

ترا الزواج ماوراه الا الهم لا تستعجلون ترا العزوبيه زينه :p:D

معذره القسم الرجالي مو تزعلون ترا بس اتغشمر :D

ههههههههههههه
ذكرتيني بأخوي بليلة عرسه قاعد يقول أشتقت لحياة العزوبيه
:D:D:D
 
أعلى