هل ترضي بهذا التصرف ؟

[المرشد1]

لو زارك صديق في مكتبك او بيتك
او ركب معك بسيارتك
وفتش بأوراقك من باب الفضول واكتشاف المجهول

واكيد تعرفون ناس بهذه الصفات


كيف راح تتصرف معه ؟


وكيف ستكون ردة فعلك ؟




دمتم بود العز

 

[INFINITI]

افتح الباب ورفسه بالشارع
صج جلة حيا
مشكور اخوي على هالكلام
عاش

 

[السوق توافيق]

ذكر الشيخ الدكتور محمد العريفي قصة حدثت معه عن الفضول واللقافه فيقول الشيخ :

ايام ما كنا طلبه كنا جالسين في مجلس احد القضاة وكان المجلس مليان من قضاة ومستشارين وطلبة، وكان احد زملائي يجلس بجانبه قاضي (والقاضي كان له هيبته في المجلس) ، المهم الطالب هذا كان الحديث عنده، وهو يتحدث كان حاط جواله على الارض، يقول الشيخ انا شفت القاضي كان مندمج مع الحديث ومن غير شعور اخذ تلفون صاحبنا وجلس يناظر في الجهاز واول ما شاف الجهاز وبسرعه البرق رجعه في مكانه (!!!!) يقول الشيخ (العريفي) انا استغربت الموقف اللي صار!!! ، وبعد ما انتهى المجلس سالت الطالب هذا عن الموقف اللي صار وتصرف القاضي الغريب، فقال الطالب تدري ليه رجع الجهاز بسرعه ؟؟ قلت له ليه قال انا كنت كاتب في خلفية الشاشه ( رجع الجهاز يا ملقووووف)


ودمتم

 

[ياقوت]

اذا كانت صديقتي او قريبة مني راح تعرف طبعي وما راح تتعبث واذا فكرت تسوي جذي بزفها وبقولها صيري عاجله


بس اذا كانت مو قريبه مني راح اطلب منها بلطف انها ما تتعبث لأني ماحب احد يتعبث بأوراقي وبخصوصياتي


وبس ​

 

[المرشد1]

انا راح اقولكم الموقف الي خلاني اكتب هالمقال


كنا برحله مجموعة
وحدث ان طلب مني احد الاصدقاء مفتاح السياره
لقراءة الجريده
وجلس بالمقعد الي جنب السايق
المهم انا جيت من ورا السياره وكنت مندمج الا الاخ فاتح درج السياره
وكل اوراقي الخاصه وصور الاهل وهذي عاده سيئه فيني اخلي كل اوراقي بالدرج

وما سمعت الا صفقة الدرج فانتبهت
انا صراحه ما قلت له شي وهو انحرج جدا من الموقف
فنزل وراح بدون ما يتكلم بكلمه
وبعدها حرمت اعطي حد مفتاح سيارتي

 

[ياقوت]

ما حبيت هالتصرف منه ابدا
هذا يسمونه تطفل وقلة ادب والحمدلله رب العالمين هالصفه مو فيني ابدا .. اذكر مره رفيجتي دزتلي ايميل وبعدين بلغتني وقالتلي لا تشوفينه دازته بالغلط وفعلا مسحته ولا شفته جان تقولي ثاني يوم صج ما شفتيه قلتلها لا مسحتها قالتلي لو انا جان شفته ​

 

[المرشد1]

انا قلت يا ذكرني
عاده سيئه في
ولا اقدر اخليها لاني دايم احتاجهم بالسياره

 

[salem.srsr]

لو زارك صديق في مكتبك او بيتك
او ركب معك بسيارتك
وفتش بأوراقك من باب الفضول واكتشاف المجهول

واكيد تعرفون ناس بهذه الصفات


كيف راح تتصرف معه ؟


وكيف ستكون ردة فعلك ؟




دمتم بود العز

انا لو في مكانك

جان شخطت فية

لانة بصراحة ما يستحي ولا يحترم خصوصيات الغير

ويمكن يعيدها مرة ثانية ..... او مع غيرك

 

[الامبراطور]

والله صارلي هالموقف بالعمل من زميل بكل بساطة طلعت من مكتبي وكتبت شكوى رسمية وحطيتها على مكتب رئيس القسم..
اي انا ما اغشمر وردت فعلى حار بحار من غير صراخ او غلط كله بالقانون..

 

[نيويورك]

فيه مثل كانو يقولونه اهل احدى الجزر في (ناورو) الواقعه فى قلب المحيط الهادى ..و هو

حرص ولا تخون ..

يعني خلك حريص على شغلك ولا تعطي مجال للغير يتدخل ..


لحد يصدق انه من المثل من هالجزيره ...

 

[zoya_y]

والله صارلي هالموقف بالعمل من زميل بكل بساطة طلعت من مكتبي وكتبت شكوى رسمية وحطيتها على مكتب رئيس القسم..
اي انا ما اغشمر وردت فعلى حار بحار من غير صراخ او غلط كله بالقانون..

لوول يا أنت يا ابو القانون ​

أنا عن نفسي راح أكون محرجه من تصرف هالشخص بس إذا كان شخص عزيز ماعليه عادي خل يعفس السياره عادي ​

( أنا اطفارتي الصجيه لما احد اييب اكل وبيبسي معاه السياره صراحه يعني ) ​

بس إذا كان انسان مو عزيز بقوله شكو أدور بالدرج مافيه شي مافيه شي سكره سكره ( على غشمره بس عشان لا يزعل )​

 

[بوغمازات]

هذا الرفيج او الصديق اطرده طرده ماصارت من قبل .... وفناقر لبيتهم ... ماكو شغل يتعبث بأوراقي وخصوصياتي وهذا اللي ناقص ... اقرب الناس مايسويها فيني وعارفني اني مينون واعصب بسرعه ...

 

[المرشد1]

الف شكر لكم جميعا وحقيقه ردود الافعال متفاوته
وبعضكم عصبي حييل الله لا يجيب صاحبي هذا عنده راح ياكله

بس تبقي ردود الافعال مختلفه وان كانت الحكمه افضل


دمتم بود العز

 

[بو راس يابس]

هذا الرفيج او الصديق اطرده طرده ماصارت من قبل .... وفناقر لبيتهم ... ماكو شغل يتعبث بأوراقي وخصوصياتي وهذا اللي ناقص ... اقرب الناس مايسويها فيني وعارفني اني مينون واعصب بسرعه ...

يمعود كلش ولا تعصب .. اذا مو عشانك عشان الغمازات اللي بويهك ... معصب وغمازات ؟؟؟ ما ترهم !!
تحيااااااتي

 

[بوسعود66666]

يمعود كلش ولا تعصب .. اذا مو عشانك عشان الغمازات اللي بويهك ... معصب وغمازات ؟؟؟ ما ترهم !!
تحيااااااتي

ههههههههههههههههههه
كااااااااااااااااااااااااااااااااااك
حلوه اقول ماترهم اخو المرهم​