ابي حل لقشرة الراس دش وعطنا حل ..:)

[العجمي123]

طبعا قشرة الراس يعاني منها الكثير والله يسامح الي نقلها :> لي لكن الشكوى لله نبي حل ياجماعه شامبوا واستخدمنا حمام زيت واستخدمنا
تقريع وقرعنا اكثر من مره شالحل...
احد يقدر يفيدنا؟

 

[نيويورك]

انا عندي وجهة نظر غير طبيه .. يعني عمليه تجريبيه ..
ابتعد عن اكل الدهون و الاكثار منها .. و ابتعد عن كثرة الاملاح ..
لأني اعتقد ان مصدر القشره من داخل الجسم كافراز و ليس من خارجه لتزيلها بشامبو مثلا و بس ..

ضف عليها اذا كنت في نادي صحي و ممارس للرياضه اعتقد تروح هالمشكله بحكم التعرق ..

والله اعلم

 

[INFINITI]

استعمل صابون رقي

 

[انطلق2]

قرِع عالزيرو..

 

[قاروه]

طبعا قشرة الراس يعاني منها الكثير والله يسامح الي نقلها :> لي لكن الشكوى لله نبي حل ياجماعه شامبوا واستخدمنا حمام زيت واستخدمنا
تقريع وقرعنا اكثر من مره شالحل...
احد يقدر يفيدنا؟

يمسيك بالخيير

عندي لك حلين واختار منهم الي يريحك

1-جرب وزر الناقه

2-في شامبو تلقاه بالصيدليه اسمه نيزورال

 

[ياسر الروقي]

طبعا قشرة الراس يعاني منها الكثير والله يسامح الي نقلها :> لي لكن الشكوى لله نبي حل ياجماعه شامبوا واستخدمنا حمام زيت واستخدمنا
تقريع وقرعنا اكثر من مره شالحل...
احد يقدر يفيدنا؟

لو كاتبة الموضوع قبل اسبوع جان جبته لك من القاهره معاى

راجع دكتور جلديه بالكويت

واذا رحت عمره ان شاء الله راجع الدكتور عباس السوداني في مستشفى بخش في جده

 

[NICK]

عليك بالليمون

 

[meshari meshari]

انا الصراحه استخدمت التالي, البعض قد يعتقد اني اهرج, او استضرف, لكن هذا اللي فعلا نفع معاي. اهو صج كريه لكن فعال.

اكسر عدد 2 بيضه في صحن وشيل عنهم البياض. بعدها اخلطهم عدل ودلك فروه راسك بالبيض, خله 30 دقيقه بعدها راح يختفي الغشر لفتره طويله.

 

[العجمي123]

نشكر تفاعلكم ويسلموو على المرور الي يقول حلق الزيرو وحياتك اكثر من مره وما في فايده بنجرب نصايج الشباب وعلى فكره يقولون الليمون موزين على الراس يعني اعصر ليمونه وخففها بزيادة الماي عليها ونسمع باقي النصائح

 

[Mr.FaiSaL]

ولع براسك بانزين وبق فيه تروح القشره نيهاهاهاااااااااا

.. لا صج تبي جرب شامبو سدر ايراني تحصله بالجمعيات عجيييييييب والله وحده بوحده
البطل لونه أخضر شكله جنه مال السيلانيات بس والله عجيب و يطيرلك القشره
بس لا تكثر منه يعور البطن ( شكوو !!)

وبعدها استخدم هايد آندسولدرز ضد القشره وانشالله خير

وتحياتي لك

 

[zoya_y]

طبعا قشرة الراس يعاني منها الكثير والله يسامح الي نقلها :> لي لكن الشكوى لله نبي حل ياجماعه شامبوا واستخدمنا حمام زيت واستخدمنا
تقريع وقرعنا اكثر من مره شالحل...
احد يقدر يفيدنا؟

شوف يا أخي العجمي مافي حل للقشرة "إلا الحنه والله

انا شعري يصبصب قشره ولما حطيت حنه ودوامت عليها راحت القشرة نهائيا شعري صااااااااااااااار نظيييييييف من القشره

والحنه لها فوايد ثانيه كثيييييييييييييييييييييييييييييييير وتخلي الشعر حي مو ميت ​

بس انا الحين قطعت وردت القشره بس الحين ببلش كورسات الحنه وترى ما اطول خلها 10 - 20 دقيقه بس وانت شعرك قصير مايبيله شي​

وتقبل مروري

 

[متفائل مـحبوب]

راجع العلاج في الخارج يمكن يسفرونك لندن ههههههههههه

لاحلول الاخوان جدا رائعه حاول تجرب مانصحوك به وان شاءالله يكون لك حل

 

[بوغمازات]

اخوي العجمي انا قبل فيني قشره وفوق هذا شعري دهني ,, استخدمت شامبو اعتقد اسمه زورال والمهم لونه احمر ينباع بالصيدليه ... استعملته اسبوعين وراحت القشره نهائيا وراح الدهن اللي بشعري نهائيا ... وعقبها استخدم شامبو اسمه هيربل الطبيعي اللي لونه اخضر ومكتوب عليه للشعر الدهني والاصل منقي ومنظف للشعر ... واذا حصلته زين لاني اروح 4 او 5 جمعيات يالله احصله من كثر الطلب اللي عليه ... وتقبل تحياتي

 

[meshari meshari]

راجع العلاج في الخارج يمكن يسفرونك لندن ههههههههههه

لاحلول الاخوان جدا رائعه حاول تجرب مانصحوك به وان شاءالله يكون لك حل

يا متفائل والله موتني ضحك

 

[الامبراطور]

هههههههههه ياحليلكم والله ونيسيين ..والله طلعتوا يالرياييل مو هينيين هذي كلها سوالفنا يالحريم..

عموما كسرت خاطري جرب هالطريقة عقب ما تغسل شعرك بالشامبو خذ قفشة خل تفاح تخلطها بكاس ماي واغسل شعرك فيها اهم شي الجذور وبعدها غسل شعرك بالماي وعلشان الريحة بخر شعرك بالعود وسلامتك..

 

[zoya_y]

هههههههههه ياحليلكم والله ونيسيين ..والله طلعتوا يالرياييل مو هينيين هذي كلها سوالفنا يالحريم..

عموما كسرت خاطري جرب هالطريقة عقب ما تغسل شعرك بالشامبو خذ قفشة خل تفاح تخلطها بكاس ماي واغسل شعرك فيها اهم شي الجذور وبعدها غسل شعرك بالماي وعلشان الريحة بخر شعرك بالعود وسلامتك..

والله خوووووووووش​

وأنا أقول الشبيبه شعرهم حلو من الله ​

 

[العجمي123]

مشكورين على الحلول الحلوه اتمنى الكل استفاد اانا وغيري والي عنده شي لايبخل علينا

 

[أبو فلسين]

الله يكفيك ان شاء الله شر القشره
الحل طبعا من تجربه بيف بايف رشه كثيره مع شوية تدليك او بانزين خصوصى مع شبة عود جبريت ثوانى فقط وتروح القشره وياقشرة ما باعدج قشرة والله يوفقك ان شاء الله

 

[العجمي123]

بوفلسين ناوي شر هههههههههههه يسلمو على المرور

 

[وسع صدرك]

السلام عليكم
اذا كنت من اهل القشرة واهملتها راح يخف شعرك شوي شوي بسبب انسداد فجوات الشعرات من دهون القشرة(موبشارة صح ) ولو رحت طبيب جلدية راح يعطيك شامبو تستخدمه فتره مؤقته تروح القشره وترجع بعد ترك الشامبو مشكله صح راح يكون الحال هكذا لما شوف نفسك بالاخير زلبطه واليهال كل شوي يتغشمرون معاك بتمسحهم عليها ناعمه تونس (صارت عندك ميزه لهم صح)
الحل غسل شعرك بشكل شبه يومي بشامبو اعشاب يعني ما فيه مواد كيماويه وايد والله يبعد عنك الزلبطه