شلون أحفظ حقى ؟؟

[قدوع]

شلون أضمن حقى ؟؟

السلام عليكم


يا أخوان ودى أشترى اسهم الوطنيه أو الصينيه من أحد الأشخاص فشلون أضمن حقى منه فى حال الوفاة أو فى حال طلع هالشخص مو أبن حلال وحرامى ؟؟

يعنى هل فيه أجراءات معينه أسويها بعيدا عن موضوع الثقه ومعرفة الشخص لكى أضمن حقى بالقانون فى حال توفى هالشخص أو طلع حرامى ؟

وأذا فيه أحد منكم مر بمثل هالتجربه يا ليت يذكرلنا مختصر الى صار معاه وشنو الأجراءت اللى أتبعها وهل أستعاد حقه ؟؟؟

 

[market-maker]

اخوي العزيز حاول تشتري من اشخاص ثقة واذا شريت سلاحك هو الكمبيالة ووصل الامانة
في هذه الاوراق تحفظ حقك ان شاء الله والحمدلله اهل لكويت كلهم ثقة وتوكل على الله ولاتخاف

 

[قدوع]

ما قصرت اخوى ولكن انت عارف قصة الكمبياله ووصل الامانه قصتهم قصه وطلايب ودوخة راس .

أن كان فيه واحد من الأخوان ملم بالجانب القانونى لهذه العمليه أى شراء أسهم أكتتاب عام من سوق الجت يا ليت يشاركنا بمعرفته وخبرته .

 

[market-maker]

لا تحاتي يااخوي وهذه المعروف في سوق الجت وان شاء الله خير

 

[معلق]

حاول إنك تحصل من البائع على وكالة على الأسهم اللي تبي تشتريها وتكون وكالة غير قابلة للعزل والتغيير .. آنا سألت مستشار قانوني وقال لي هذي أضمن طريقة ، وهذي مستخدمة في بيع وشراء أراضي بأسماء غير أسماء أصحاب الأراضي .

 

[قدوع]

حاول إنك تحصل من البائع على وكالة على الأسهم اللي تبي تشتريها وتكون وكالة غير قابلة للعزل والتغيير .. آنا سألت مستشار قانوني وقال لي هذي أضمن طريقة ، وهذي مستخدمة في بيع وشراء أراضي بأسماء غير أسماء أصحاب الأراضي .

مشكور وما قصرت ويبدو أن هذا الحل اقرب وانسب الضمانات وأول مره أسمع فيه .

شكرا مره ثانيه .