طلبتج يمه هاتيلي عروسه مالها رجلين

الموضوع في 'إستراحة المنتدى' بواسطة BOAHMAD, بتاريخ ‏6 فبراير 2008.

  1. BOAHMAD

    BOAHMAD عضو نشط

    التسجيل:
    ‏25 مارس 2006
    المشاركات:
    2,441
    عدد الإعجابات:
    1,784
    مكان الإقامة:
    الكويت
    قصيده اثرت فيني
    حبيت انقلها لكم ,,,

    يالله انك ترفع عن كل مسلم


    يجينا الفرج بكرا.. يا بنتي بس لا تبكين
    انا مااستحمل دموعك .. وهمساتك تبكيني

    نشف دمعي على خدي يا بنتي من ثلاث اسنين
    وصارت كل آلامي تعيش وتلتحم فيني

    يا بنتي احبسي دمعك دخيلك اكتميه الحين
    حرام الدمعة في عينك تعانق ماضي سنيني

    تعالي واحظني فرحي .. وقولي للفرح اهلين
    وخلي حزنك بقلبي .. دخيلك يابعـد عيني

    اشوف الدنيا بعيونك .. واشوف الفرحة بك يا زين
    وانا مالي سواك إنتِ .. وإنتِ شمعة تضويني

    علام الهم في قلبك .. يابنتي ليه ماتحكين
    ابيك تكسري همك وانا امك قولي حاكيني

    يايمـه حالتي صعبة انا.. والفقر صرنا اخوين
    اعيش بظلمة همومي والاقي الهم يكويني

    معاقة يمه من صغري .. معاقة تشتكي حق مين
    مدام ان البشر تنظر لحالي بعطف يعميني

    اناظر هالبشر واسال ..انا وش موقعي الحيــن؟؟
    وش اللي يميز الأعمى عن اللي شوفهم زيني

    فقيرة حظ يا يمـه وحالي تعمي العينين
    من اللي يعشق ويهوى معاقة حظها شيني

    سألتيني وش اتمنى يايمه منيتي شيين
    يكون الفرح اولهم بعدها تعيش رجليني

    انا ودي ومنا عيني يكون لجسمي بس رجلين
    تساعدني على برك .. وبرك غايتي وديني

    يا ليت الناس ترحمني وترحم حالة المسكين
    ولا تجلس تناظرلي بنظره تجرح سنيني

    تلاقين الفرح مظلم ونور الحزن وسط العين
    وألاقي الهم والحسرة وسمها الوقت بجبيني

    معاقة يمه قوليلي علامك ساكتة تبكين
    كلامي ازعجك ادري .. وادري الدمع يشكيني

    دخيلك يمـه لي رجوة مدامك قادرة تكفين
    ابي لي لعبة يا يمه تكون الصادقة بعيني !!

    طلبتك يمه هاتيلي عروسة مالها رجلين
    وابيها تكون في كرسي .. ( معاقة ) مثلي ترثيني؟؟


    لاحول ولا قوة الا بالله
     
  2. فهرنهايت

    فهرنهايت عضو جديد

    التسجيل:
    ‏24 ديسمبر 2007
    المشاركات:
    2,967
    عدد الإعجابات:
    0
    [​IMG]
     
  3. سيده اعمال 2008

    سيده اعمال 2008 عضو جديد

    التسجيل:
    ‏2 يونيو 2007
    المشاركات:
    2,794
    عدد الإعجابات:
    0
    مكان الإقامة:
    امريكا

    مشكور اخوي وماتقصر صج قصيده مؤثره :(

    بس بصراحه مافي على اشعارك اللي تألفها احسهاااااا روووووووووووووووعه

    يا فيلسوف الشعر ;)
     
  4. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    اخخخخخخخخخخ اشهالكلام ؟!!!!!!! والله ادمعت عيني ( تذكرت انسان )


    تستاهل صفقه قووووويه



    هاذي فئات لازم تحاط بالاهتمام والرعايه من المسئولين النايمين


    يزاك الله خير
     
  5. BOAHMAD

    BOAHMAD عضو نشط

    التسجيل:
    ‏25 مارس 2006
    المشاركات:
    2,441
    عدد الإعجابات:
    1,784
    مكان الإقامة:
    الكويت

    هذي صورتك وانت صغير ؟؟؟؟ :D :D

    انتي الي روعه ,, تسلمين كلك زوء:):)



    العين ماتدمع الا من طيبة قلب صاحبها ,,, وانت قلبك طيب ياطيب :)

    الله يرفع الاعاقه عن كل مسلم