منو مسافر عمان (مسقط) سياحة ؟

[يعقوبيان]

قوة اخواني ..
مفكرين انا والاهل نسافر سلطنة عمان ، حبيت اعرف من اللي سافروا هناك سياحة كم شغلة:
1- رأيكم بالفنادق واي فندق نروح ؟
2- هل نحتاج سيارة ؟
3- شنو الاماكن اللي نروح لها ؟

وابي اعرف غيرها امور مهمة نعرفها خصوصا بالنسبة لناس اول مرة يروحون

 

[بو راس يابس]

قوة اخواني ..
مفكرين انا والاهل نسافر سلطنة عمان ، حبيت اعرف من اللي سافروا هناك سياحة كم شغلة:
1- رأيكم بالفنادق واي فندق نروح ؟
2- هل نحتاج سيارة ؟
3- شنو الاماكن اللي نروح لها ؟

وابي اعرف غيرها امور مهمة نعرفها خصوصا بالنسبة لناس اول مرة يروحون

يالحبيب انا وديت الاهل العام عمان بس ما رحنا مسقط .. وديناهم صلالة .. اذا تبي عن صلالة حاضرين ..

 

[يعقوبيان]

يالحبيب انا وديت الاهل العام عمان بس ما رحنا مسقط .. وديناهم صلالة .. اذا تبي عن صلالة حاضرين ..

اخوي عادي اي شي انا ما رحت ولا مرة هناك​

 

[cc555]

تقدر تسأل الاخوان بمنتدى العرب المسافرون وتلقى اللي تبيه بقسم الدول الخليجية الاخرى

 

[بلسم]

رووووووووووووح صلالة

مسقط زرتها من زمان منطقة رسمية ماأعتقد ترتاح فيها

صلالة روعة رحت لها من 10 سنين تقريبا، منطقة هادية وجدا على طبيعتها
أماكن سياحية: الجبال، الغابات، أحيانا تلقى شلالات، وشواطي القرى
المجاورة من أروع مايكون مثل منطقة اسمها طاقة تبعد تقريبا 20 كم عن صلالة، أجمل مافيها الهدوء

بالنسبة للأهل ما كان فيه أسواق أو أماكن مطورة للعب بس ماأدري الحين

الفنادق وقتها قليلة جدا بس الشقق المفروشة لابأس فيها ومرتبة ورخيصة
روح طيران وأجر سيارة دفع رباعي أكرر دفع رباعي يساعدك بالجبال الرطبة
يقال أفضل وقت شهر سبتمبر يكون براد لأن باقي السنه الجو رطب أنا رحت شهر 8 كان رطب بس المتعة غلبت الجو

الناس في غاية البساطة والطيبة، واذا لقيت أحد يطلعك لك فجأة رافع عليك سكين، ترى قصده شريف يقول تفضل نذبحلك خروف،،

تحياتي وبالتوفيق

 

[meshari meshari]

انا زرتها في الصيف الماظي. هي جنه في الارض. سافرت علي العمانيه ترانزيت في ابوظبي ثم عمان.

سكنت في سلسه فنادق شانغريلا : فيه 3 فنادق وهو منتجع كبير جدا. به الواحه وهو 5 نجوم والبندر 6 نجوم واخر نسيت اسمه 5 نجوم. خدمه روعه وخاصه البيانو في البندر عجيب.

 

[zoya_y]

وأنا بعد وياكم صلاله مكان مو صج والله ​

 

[بوسعود66666]

انا زرتها في الصيف الماظي. هي جنه في الارض. سافرت علي العمانيه ترانزيت في ابوظبي ثم عمان.

سكنت في سلسه فنادق شانغريلا : فيه 3 فنادق وهو منتجع كبير جدا. به الواحه وهو 5 نجوم والبندر 6 نجوم واخر نسيت اسمه 5 نجوم. خدمه روعه وخاصه البيانو في البندر عجيب.

حتى انا سكنت فيه والصراحه خوش فندق بس مشكلته انه ابعيد عن العاصمه

 

[meshari meshari]

حتى انا سكنت فيه والصراحه خوش فندق بس مشكلته انه ابعيد عن العاصمه

بهذي انا اتفق وياك اهو صج بعيد عن العاصمه. بس بيني وبينك الحلو فيه جنك رايح منتجع للراحه والعزله كم يوم..

بعيد عن الزحمه

 

[بوسعود66666]

بهذي انا اتفق وياك اهو صج بعيد عن العاصمه. بس بيني وبينك الحلو فيه جنك رايح منتجع للراحه والعزله كم يوم..

بعيد عن الزحمه

اقولك شى يالغالى
اتصدق اول ماسكنت فيه مو مصدق ان هالمنتجع فى دول الخليج الصراحه هالشى المفروض يفتخرون فيه دول الخليج كلهم

 

[ياقوت]

شوقتونا نشوفها

تروحون وترجعون بالسلامه ان شاء الله
ويارب تستمتعون بوقتكم هناك ​

 

[بوسعود66666]

شوقتونا نشوفها

تروحون وترجعون بالسلامه ان شاء الله
ويارب تستمتعون بوقتكم هناك ​

ياقوته والله لو اتروحين هالمنتج اللى صار بين الجبال انا متأكد انج ماراح ترجعين الديره​