خبر سار لهل المنتدى لقسم البيع والشراء تفضلوا..

شباب حالين مفتوح معرض الالكترونيات وتنباع الاجهزه نوكيا سوني اركسون
وغيرها من الاجهزه براس مال التكلفه المصنع وموبس تلفونات بعد لابتوبات واجهزه واعطيكم مثال تعرفون جهاز نوكيا الجديد 6110 النفقيتر الي حق الخرايط بالعربي والانقليزي ينباع مع خط ايزي او اكسبرس كفالة المستقبل على 100 فقط وطبعا الجهاز فيه بلوتوث و كاميراتين على ماظن وحجمها 2 بكسل ووعدة صفات بلوتوث وغيره ....بس المصنع
وحبيت افيدكم ولايطوفكم ....اخوكم العجمي

 

جزاك الله خير

 

السلام عليكم
وين العنوان هل ارض المعاض ولا وين جزاك الله خير

 

مشكور يالعجمي ما قصرت على هالنصيحه إللي تدل على حبك للخير للجميع..

بالتوفيق

 

جزاكم الله كل خير

 

جان زين كل واحد راح المعرض يعطينا شنو شاف وأحلى العروض اللي شافها والأسعار المعقولة (انترنت\ اشتراكات\لابتوبات\موبايلات ....)

 

كثر الله من امثالك يالعجمي

 

مشكور بارك الله فيك

بس وين العنوان

 

شفت لي ايسوس 11 بوصه والله يا اخوي كويتي لو تشوفه تشريه بس غالي كان ب650 او 700 نسيت لكن شكله حلو وجذاب مغطي بجلد بني


وخذ عندك شفت جهاز موتورولا مصنوع من الذهب وجلد افعي يعني موفخم الا مسكت بس برضو سعره غالي 190دك

 

المعرض العام الماضي أفضل بكثير من هالسنة من وجهة نظري . الأسباب :


1) لو تلاحظون المعرض الحالي ما في أي تلفون جديد أي أن جميعهم موجودين بالمحلات قبل لا يبدأ المعرض..


2) بالنسبة لللابتوبات أنا ماني شايف أسعار مميزة .. إلا اللهم البعض يظن إنه شي حلو لما يشوف مثلا لابتوب حاطين سعره 139 دينار أو 160 ولما تشوف المواصفات تلاقي إنه مواصفاته بدائية..


3) للأسف لازالت هذه الظاهرة متواجدة وهي أن كل محل وكل شركة بالمعرض حاطين فوق العشرة أو عشرين بنت ملطخين بأعلى كمية من المكياج وأضيق ملابس مصنوعة بالعالم واللهم صاحب المحل قاعد بروحه...ناهيك عن المجموعات المتجولة اللي توزع دعايات اللي تلاقيهم بكل جانب بالمعرض.. (( حشى داشين المرينا مول مو معرض ))


4) للأسف فقدنا مشاركة الMac City ..



لكن بالنهاية يظل المعرض مفيد من ناحية إنه يجمع العديد من الشركات
والمحلات والأجهزة المتنوعة تحت سقف واحد..

دمتم بود..

وجزاك الله خير أخوي العجمي..

 

الصراحه الي عجبني شي واحد بالمعرض وشريته

100 سيدي نوع BenQ ب3 ونص

اما المعرض مع احترامي للجميع .. فاشل

مجمعين لك محلات شارع بن خلدون ومحلات تليفونات شرق بمكان واحد وتعالو اشتروا ياناس بنفس سعر المحلات واغلى

وتحياتي للجميع

 

الله يعطيكم العافيه كفيتو وفيتو

وللامانه كل ماسمعته عن هالكلام صحيح 100 بالميه

ولخبرتى كخريج اظمه برامج كمبيوتر

اقول الكلام صحيح
وصحيح ان الاسعار ممتازه بس الاجهزه حيل رديئه بالمره او اجهزه ذات مواصفات محدوده جدا
من ناحيه الرامات والسرعه وغلبها صينيه او تايونيه
وهذا سبب رخصها
يعنى بدل لا يكون الرامات فوق الالف حاطينلك الرام 512
وموديم وكرت الشاشه وغيرها من مواصفات
ويغرون الزبائن بالكامره والبلاتوث

مع العلم ان بعض الاجهزه اللى معروضه عندهم موجوده عند الغانم
وشكرا

 

والله ياجماعة مع احترامي للكل المعرض صج صج (فاشـــــــل) انا مسمي تصفية عامة اي والله

اما الي عجبني بصراحة (acer) اقوي جهاز نازل في المعرض بل في الكويت كاكل حاليا.
شوفوا مميزاته

- 12 انش الشاشة
- 2,50 بروسيسير كور 2 ديو (الجديد)
- 6 كاش (للخبراءيعرفونها ) جديد على اللابتوب
- 320 الهاردسك
- 2 جيجا

السعر 420 بدون الهداية

 

يسلموو على المرور اخواني وماسوينا شي حبينا نفيد مثل مانستفيد والمكان ارض المعارض مشرف قبال التئمينات..

 

رأيت في المعرض

زرت المعرض مرتين بملحوظتين إحتمال يفيدان :
** عند الإشتراك في إنترنت الوطنية يحترس من --
عند إنهاء الإشتراك حتى بعد مرور عام يتم دفع 15 دينار
عند تجديد الإشتراك بإستخدام الإير كارد بنفس الإشتراك
يعطون 4 ( أربعة شهور ) إضافية فوق السنة + كوبون تخفيض من يوريكا
** ثانيا عند الإشتراك DSL هناك شركة اسمها جلوبال دايركت
( ليس دعاية )
قدمت عرض إشتراك جيد بإسم My Internet
إسمه Light
أرخص بحوالي الثلث سنويا مقابل عدم السماح فقط بإستخدام برامج مثل edonky, shaereza, emule واشباهها
ومعناها عدم التنزيل من كمبيوترات الآخرين
أما غير ذلك فمسموح بدون حد أعلى
أرجو أن تكون معلومات مفيدة

 

سعره مقارنه بمواصفاته يعتبر ممتاز..

لكن إسمه إيسر

 

السلام عليكم ورحمة الله وبركاته
مشكووور على هاذي المعلومة الطيبه
اللي صج كنت محتاجلها لاني بشتري لاب توب
ونقال بس ماتعرف اخوي متى يخلص المعرض يعنى لحد متى؟؟؟
واذا كان عندهم لاب توبات ابل ماكنتوش او لا؟؟؟؟؟
وشكــــــــــــــــــــــــــرا

 

اخوي السبت آخر يوم للمعرض

وشركة الماكنتوش مو مشاركة بالمعرض

 

والله يابونوط بو 1000 انبغيت الصج الصج لا انا ولا اي شخص يقدر يحدد التقيم (الاانظمة) مختصة
اضربلك مثال
في سنة 2006 طلع المركز الاول (LG)
في سنة 2007 طلع المركز الاول (HP)
سنة هذي الله اعلم

 

نشكر لك مرورك وافادتنا واي ااحد عنده تعليق لايخل علينا