زيادة أسعار تذاكر سينما الكويت

[Moshaks_777]

اليوم دشيت على موقع سينما الكويت وحجزت تذاكر وبعد ماحجزت خلصت قصو من حسابي 6 دنانير حق تذكرتين قبل كانت التذكره 2.500 والحين صارت التذكره 3.000
هذي زيادة غير منطقيه

 

[الصافي@]

صحيح الزياده يبه ديرة بطيخ

 

[بو سليمان]

خلهم يزيد بس ينزلون المواد الغذائية

 

[بوسعود66666]

خلهم يزيد بس ينزلون المواد الغذائية

انا ادرى انت ليش اتقول جذى لانك ماتروح السينما
اى والله كلامك عدل اهم شى عندنا العيشه

 

[كويت2]

مقاطعة السينما : الديفيدي على دينار .. ونسخة كاملة .. وقاعد ابيتكم متمدد ومرتاح بالبجامه

 

[بو سليمان]

انا ادرى انت ليش اتقول جذى لانك ماتروح السينما
اى والله كلامك عدل اهم شى عندنا العيشه

و انت صاج
اهم شي
1- انديا جت
2- دجاج ساديا
3- معلبات العلالي
4 - منتجات كي دي كي
5- مواد التنظيف و البامبرز
6- المنتجات الزارعية

انا عندي حل خوش حل رفع تذاكر السفر 3 مرات رفع تذاكر السيمناء 5 مرات
زيادة الجمرك علي السلع الغير استهلاكية
اخوي بدنا نعيش

 

[الامبراطور]

منزين السينما اسكت بس ..الله يلوع جبودهم والله كله اقط خواتي واطلع حتى ما اتعب نفسي ادش معاهم لي داخل ..الله يخليلي السينما اللي بداري ..خواتي مستانسين على الفيلم ولما اسالهم جم مدته ولا بو ساعة ونص والساعة والنص الثانية ماكو بح ..المفروض يعطونك نص التذكره وعلى قولة الاخ الله يخلي الدي في دي تشوف الفيلم كاااااااااااااامل وبنص دينار ..ترى قاصيين عليك بدينار..

 

[السهم الامريكي]

زادوا سعر تذاكر السينما

حتى السينما بتبلع الزيادة اللي للحينما شفناها وقاموا بزيادة قدرها نص

دينار على سعر التذكرة

 

[ibrahimi]

لااتروح اشتر سي دي ارخص

 

[Moshaks_777]

صح كلامكم أنا عندي دي في دي وأشتري أفلام بس جو السينما والشاشه والسماعات غير والبوب كورن غير

 

[al7mly]

بس يوم الاثنين التذكره بدينار ونص وباجي الايام 3 دنانير ... شنو الحكمه مادري ؟؟؟؟ يعني للفقراء يوم الاثنين ...وين يكفي يوم واحد للفقراء حرام ذبحه تصير يوم الاثنين

 

[مضارب شجاع]

المشكله النظره الدونيه لرواد السينما يوم الاثنين يكون كاشخ وهو واهله ولكن نظرة الناسه اله انه حافى جاى علشان الخصم .....
حتى السينما صار فيها طبقات طبقات !!!!
وراح يلاحظ ان يوم الاثنين كله شباب ومشاكل ونجره على الكراسى ! لانهم حفاى .

 

[al7mly]

يعني باجر اذا دشيت فلم راح يسألونك متى دشيت؟؟ انا من ناحيتي اذا دشيت الاثنين بقول الخميس اكشخ

 

[lubr02]

اليوم دشيت على موقع سينما الكويت وحجزت تذاكر وبعد ماحجزت خلصت قصو من حسابي 6 دنانير حق تذكرتين قبل كانت التذكره 2.500 والحين صارت التذكره 3.000
هذي زيادة غير منطقيه

توا الناس توك تدري الناس ( شركة) حاطه الزياده على سايتها وانت مادريت اللى بعد ما سحبوا منك البنك والله انك ما تدري وين الله قاطك

 

[مضارب شجاع]

يعني باجر اذا دشيت فلم راح يسألونك متى دشيت؟؟ انا من ناحيتي اذا دشيت الاثنين بقول الخميس اكشخ

هلا والله الحلمى المشكله اذا احد شافك فى نفس اليوم ::verymad::
احسن شئ تروح متنكر

 

[ســــوا]

مولازم تروح سينما]

 

[بوسعود66666]

مولازم تروح سينما]

اى والله مو لازم انروح سينما والله عدل كلامك

 

[salem.srsr]

الشوتام وانت قاعد في بيتك ولا ومنسدح ويم اعيالك وام العيال ( ركز على ام العيال )

الفلم يطلع عليك 1.250 لا ويعيدونة اكثر من 3 مرات

شلك بالطلايب وخلك ببيتك اريح .... يقصون علينا

ممنوع دخول الاطعمة والمشروبات ... ليييش ... حرام

وإلا عشان نشتري من عندهم البيبسي 500 فلس والسنيكرز يمكن الحين 350

وجيس النفيش 500 وقوطي البطاط 750

خلك ببيتك احس .... ولا اكل بيت شغل عدل.... شغل ام العيال ... اشتبي

بعد؟؟...

 

[bo3adsa]

حنا عندنا سينما بالكويت ؟!؟!؟




الله يعافي النت و طيحله تحميل, منها اتوفر سعر التذاكر ومنها اتحلل اشتراك النت ومنها بعد تشوف اخر الافلام والمسلات الي للحين ما وطوطت عندنا الديرة ................


يا حبايبي, مشكلة سنمتنا انهم يعرضون افلام للناس الي اصلا ما تروح السينما .,.,
روحوا شوفوا سينمات الامارات كل وحده تقول الزود عندي, صج اسعارهم شوي غويليه لكن تستمع لما تروح السينما .... وبعض السينمات يعطونك خصم طلاب بس تبرز لهم هويتك الطلابية

 

[alabody]

متى زادوها انا داش قبل اربع ايام مع عيالي التذكرة كانت 2,500