زيادة أسعار تذاكر سينما الكويت

[ولد الديرة]

متى زادوها انا داش قبل اربع ايام مع عيالي التذكرة كانت 2,500

الزياده من تاريخ اليوم 7/2/2008
وللعلم حتى النقاط اللي كانو يعطونها عند الحجز عن طريق النت الغوها

 

[الصافي@]

الشوتام وانت قاعد في بيتك ولا ومنسدح ويم اعيالك وام العيال ( ركز على ام العيال )

الفلم يطلع عليك 1.250 لا ويعيدونة اكثر من 3 مرات

شلك بالطلايب وخلك ببيتك اريح .... يقصون علينا

ممنوع دخول الاطعمة والمشروبات ... ليييش ... حرام

وإلا عشان نشتري من عندهم البيبسي 500 فلس والسنيكرز يمكن الحين 350

وجيس النفيش 500 وقوطي البطاط 750

خلك ببيتك احس .... ولا اكل بيت شغل عدل.... شغل ام العيال ... اشتبي

بعد؟؟...

نعم ياخوي كلامـــــــــــــــك عين العقل

 

[Mr.FaiSaL]

تشترون افلام ..... والله عيب عندكم الإنترنت وتشترون افلام

افلام بلاش بالنت مترجمة اسحب وطالع افلام يديده قديمة ( عتيجه ) كل شي موجود
صوت وصوره ونقاء بجودة الـ Dvd احسن من اللي يبيعونه الهنود بالقهاوي
السينما بس تغيير جو فقط لا غير
وتحياتي لكم

 

[Moshaks_777]

تشترون افلام ..... والله عيب عندكم الإنترنت وتشترون افلام

افلام بلاش بالنت مترجمة اسحب وطالع افلام يديده قديمة ( عتيجه ) كل شي موجود
صوت وصوره ونقاء بجودة الـ Dvd احسن من اللي يبيعونه الهنود بالقهاوي
السينما بس تغيير جو فقط لا غير
وتحياتي لكم

أخوي ممكن تعطيني اسم موقع أنزل أفلام بجودة ال Dvd‏ وتكون مترجمه

 

[lubr02]

أخوي ممكن تعطيني اسم موقع أنزل أفلام بجودة ال Dvd‏ وتكون مترجمه

torrnet

 

[makandari]

يالله هانت على ما اذكر كلها جم سنه و يخلص عقد الاحتكار مالهم و ان شاء الله نشوف شركات جديدة و اسعار اقل و مواصفات من حيث الصوره و الصوت افضل. مو مثل الحين تدش تسمع و تطلع اصمخ حسبالهم السالفه فاليوم و بس.

 

[1st choice]

الزحمة راح تصير يوم الاثنين....
لانهم مخلين التذكرة بدينار ونص...وباجى الايام ب3

على الاقل مونسينكم يوم

 

[s man]

يالله هانت على ما اذكر كلها جم سنه و يخلص عقد الاحتكار مالهم و ان شاء الله نشوف شركات جديدة و اسعار اقل و مواصفات من حيث الصوره و الصوت افضل. مو مثل الحين تدش تسمع و تطلع اصمخ حسبالهم السالفه فاليوم و بس.

خلص عقد الأحتكار : 50 سنة من 1954 الى 2004

 

[Moshaks_777]

تشترون افلام ..... والله عيب عندكم الإنترنت وتشترون افلام

افلام بلاش بالنت مترجمة اسحب وطالع افلام يديده قديمة ( عتيجه ) كل شي موجود
صوت وصوره ونقاء بجودة الـ Dvd احسن من اللي يبيعونه الهنود بالقهاوي
السينما بس تغيير جو فقط لا غير
وتحياتي لكم

أخوي ممكن تعطيني اسم موقع أنزل أفلام بجودة ال Dvd‏ وتكون مترجمه

 

[Ugly]

منزين السينما اسكت بس ..الله يلوع جبودهم والله كله اقط خواتي واطلع حتى ما اتعب نفسي ادش معاهم لي داخل ..الله يخليلي السينما اللي بداري ..خواتي مستانسين على الفيلم ولما اسالهم جم مدته ولا بو ساعة ونص والساعة والنص الثانية ماكو بح ..المفروض يعطونك نص التذكره وعلى قولة الاخ الله يخلي الدي في دي تشوف الفيلم كاااااااااااااامل وبنص دينار ..ترى قاصيين عليك بدينار..

قوه, حتى على الدينار تكاسرهم

 

[Ugly]

المرزوق امتلكوا سينما سكيب الله يعين

 

[man_70kw]

شخباري السينما !!!! انا آخر مرة رحت السينما قبل الغزو رحت سينما الاندلس الي بحولي .... الحين صارت مجمع المهلب ...... يبا لو تصير التذكرة ربع دينار ماأروح السينما كله تقطع ابتقطع الفلم مدته ساعتين!!!! وربعنا مقطعين منه ساعه ونص ..... والنص ساعه يكملونها مع الدعايات وتصير ساعه ولما يخلص الفلم الكل يطالع الثاني يعني يكون فهم الفلم .... يبا خلوها على الله وخلكم على الكوبي شغل عدل كامل والكامل الله لا وفي أفلام تنزل قبل لا ينزلونها السينما

 

[a7md]

ماكو سينما من اليوم ورايح , الله يخلي الدي في دي

 

[الشرقاوي]

الله يخليكم من يروح السينما على قولة الاخوان افلامهم ناقصه وانا بصراحه عندي بروجكتر وسماعات واشتراك بالشوتايم والا انزل احدث وآخر الافلام عن طريق التورنت ومترجمه بعد احسن من الازعاج والدندره

 

[الفسكرة]

ابتلشنا والله !!

يعني لمن تسأل احد وين تروح بالكويت يقولك والله وين انروح غير المطاعم والسينما ماكو شيء !
والحين .....

انا واحد بصراحه راح اقاطع السينما ما عدا يوم الاثنين طبعا اللي على قولة البعض راح ينظر لهم بنظرة دونية !!!! الحمدلله والشكر

واقولكم ليش ..

الافلام على قولة الشباب قاعد اسحبها ببلاش من الانترنت وصافية ومو مقصصه وجديدة بعد ! بس كنت اروح السينما من باب التغيير ..

وفي الغالب ندش الفيلم ونطلع نتحلطم الفلم يا بايخ يا ملعون والديه تقطع .. ياأخي اذا الفليم في هالكثر تقطع مو لازم تيبونه وتعرضونه !!

والحين تبيني ادفع 6 دنانير حق تذكرتين !! لا والله مو لازم حلاة افلامكم

اتوقع السعر العادل لتذكرة السينما اهو 1.500 اللي خلوه يوم الاثنين ! هذا فعلا المبلغ اللي يعادل ما تعرضونه في السينما ويخب عليه بعد وياليت احد من المحللين يفيدنا اكثر ..

فخلك شاطر وصيد التذكرة بيوم الاثنين و بلا نظرة دونية وتفلسف زايد اللي تارس هالبلد ومودينا R ..


والله كريم

 

[بوزييز]

يمعودين انا كل يوم اثنين اروح السينما صارلي تقريبا سنتين وقبل السنتين كل يوم جمعه
اذا جذيه بينظرولنا نظره دونية حق يوم الاثنين بخليها الجمعه

 

[CENTRALBANK]

فعلا..بنروح يوم الاثنين

 

[بوزييز]

عناد على الناس حجزت حق يوم الاثنين

 

[ياقوت]

لو شهر بس الناس ما تروح راح يتسنعون ويعدلون اسعارهم اللي تضحك
وانا عن نفسي ما عندي مشكله اروح يوم الاثنين لانه هذا السعر اللي يستحقه ووايد بعد عليه يعني كنا بالعين الدينارين ونص قاموا وزادوهم والا سينما الشعب تدشها بدينارين ونص ؟ سعر تذكرتها مثل تذكرة الفنار ؟
الحمدلله والشكر ماكو منطق ابدا
مادري شنو بيسوون بكل هالفلوس
بس شنقول غير الشكوى لله​